परखड मत:भारताला PAKपासून असुरक्षित वाटते; BJP-RSS मुस्लिमांना दहशतवादी मानतात, मी हे बदलण्याचा प्रयत्न केला : बिलावल

पाकिस्तानचे परराष्ट्र मंत्री बिलावल भुट्टो झरदारी यांनी शुक्रवारी रात्री कराचीत आपली भारत भेट यशस्वी झाल्याचे सांगितले. ते म्हणाले की, प्रत्येक मुस्लिमाला दहशतवादी मानण्याची आरएसएस आणि भाजपची विचारसरणी आम्ही नाकारली.

पुढे बोलताना ते म्हणाले की, आरएसएस आणि भाजप हा समज निर्माण करण्याचा प्रयत्न करत आहेत की, जगभरातील मुस्लिम दहशतवादी आहेत. ते पाकिस्तानी लोकांना दहशतवादी घोषित करतात. हा समज तोडण्याचा आम्ही प्रयत्न केला आहे. पाकचे भारताशी पुर्ववत संबंध तो पर्यंत सुधारू शकत नाही, जो पर्यंत काश्मीरमधील ऑगस्ट 2019 ची परिस्थिती पूर्ववत होत नाही.

कराचीत भुट्टो यांची पत्रकार परिषद
गोव्यात एससीओच्या परराष्ट्र मंत्र्यांच्या बैठकीला उपस्थित राहून भुट्टो कराचीला परतले होते. त्यानंतर त्यांनी कराचीत पत्रकार परिषदेत भुट्टो यांनी भारताचे परराष्ट्र मंत्री एस. जयशंकर यांच्या विधानाला उत्तर देताना सांगितले की, भारतामध्ये असुरक्षिततेची भावना आहे. सामूहिक सुरक्षा ही आमची संयुक्त जबाबदारी आहे. दहशतवाद हा जागतिक सुरक्षेला धोका आहे.

जयशंकर म्हणाले होते- दहशतवादी फ्रॅक्ट्रीचा प्रमोटर आहे पाकिस्तान
परराष्ट्र मंत्री एस जयशंकर यांनी शुक्रवारी गोव्यातील शांघाय कोऑपरेशन कौन्सिलच्या (SCO) बैठकीनंतर सांगितले की, आम्हाला दहशतवादाचा परिणाम भोगावा लागला आहे. अनेक फटके आम्ही सहन केले. जे दहशतीला पोसतात ते स्वतःच बळी होण्याचे दांभिक आहेत.

पत्रकार परिषदेत राजौरी हल्ल्यावर विचारण्यात आलेल्या प्रश्नावर जयशंकर म्हणाले की, दहशतवादाच्या मुद्द्यावर पाकिस्तानची प्रतिष्ठा तिजोरीइतकीच रिकामी आहे. पाकिस्तान हे जगातील सर्वात मोठे दहशतवाद्यांची फ्रॅक्ट्री आहे. ते म्हणाले की, भारत सीमेवरील दहशतवादाचा सामना करण्यासाठी सर्वतोपरी प्रयत्न करत आहे. बिलावल यांच्या सोबतच्या वन टू वन भेटीत जयशंकर म्हणाले की, SCO हा बहुपक्षीय मंच आहे, तो द्विपक्षीय मंच नाही. जयशंकर यांनी भारत आणि चीनमधील संबंध सामान्य नसल्याचे मान्य केले. तर चीनने लडाखमधील सैन्य मागे घ्यावे, असेही त्यांनी सांगितले.

आता फक्त POK वरील कब्जा हटवण्यावर बोला
काश्मीरच्या मुद्द्यावर भारत पाकिस्तानशी चर्चा करणार नसल्याचे परराष्ट्रमंत्री जयशंकर यांनी स्पष्ट केले होते. आता फक्त या मुद्द्यावर चर्चा केली जाईल जेव्हा पाकिस्तान बेकायदेशीरपणे व्याप्त पीओके (पाक ओक्युपायड काश्मीर) वरून आपला कब्जा हटवेल.

जयशंकर म्हणाले- पाक परराष्ट्र मंत्री दहशतवादाचे प्रवक्ते
याआधी शुक्रवारी शांघाय कोऑपरेशन ऑर्गनायझेशन (SCO) च्या परराष्ट्र मंत्र्यांची बैठक झाली. बैठक संपल्यानंतर जयशंकर यांनी पत्रकार परिषद घेतली. पाकिस्तानचे परराष्ट्र मंत्री बिलावल भुट्टो झरदारी यांच्याबद्दल विचारलेल्या प्रश्नावर जयशंकर म्हणाले होते - SCO सदस्य देशाचे परराष्ट्र मंत्री या नात्याने त्यांना इतर सदस्यांप्रमाणे वागणूक मिळाली, पण जे दहशतवादाला प्रोत्साहन देतात, ते त्याचे समर्थन करतात आणि (माफी मागून) प्रवक्त्यासारखे वागतात. दहशतवाद उद्योग, त्याचे युक्तिवाद फेटाळले गेले आणि एससीओच्या बैठकीत हे सर्व घडले.

पाकिस्तानी पत्रकाराने भारत आणि पाकिस्तान यांच्यातील संबंधांवर प्रश्नचिन्ह उपस्थित केले होते. यावर जयशंकर म्हणाले- दहशतवादाचे बळी दहशतवादावर चर्चा करण्यासाठी दहशतवादाच्या गुन्हेगारांसोबत बसत नाहीत, दहशतवादाचे बळी स्वतःचा बचाव करतात, ते त्याचा निषेध करतात, ते समर्थन करतात आणि प्रत्यक्षात हे घडत आहे. इथे येऊन असे दांभिक बोलणे म्हणजे एकाच बोटीत बसण्यासारखे म्हणता येईल.

भेट घेतल्यानंतर 10 मिनिटांनी जयशंकर यांनी दहशतीचा मुद्दा केला उपस्थित
परराष्ट्र मंत्री एस जयशंकर यांनी SCO च्या परराष्ट्र मंत्र्यांच्या बैठकीत पाकचे परराष्ट्र मंत्री भुट्टो यांची भेट घेतल्यानंतर केवळ 10 मिनिटांतच दहशतवादाचा मुद्दा उपस्थित केला. ते म्हणाले होते - दहशतवाद हा जगासाठी मोठा धोका आहे. हे कोणत्याही प्रकारे समर्थनीय होऊ शकत नाही. जयशंकर म्हणाले की, दहशतवादाचा प्रत्येक स्वरूपात सामना केला पाहिजे आणि तो कोणत्याही परिस्थितीत थांबवला पाहिजे.

भुट्टो म्हणाले होते- भारताने 370 हटवून चर्चेचा मार्ग केला बंद
यापूर्वी पाकिस्तानच्या परराष्ट्रमंत्र्यांनी पत्रकारांशी बोलताना जम्मू-काश्मीरचा मुद्दा उपस्थित केला होता. बिलावल यांनी कलम 370 रद्द करण्याचा भारताचा निर्णय बेकायदेशीर असल्याचे म्हटले होते. ते म्हणाले होते- काश्मीरमधून विशेष राज्याचा दर्जा काढून घेऊन भारताने चर्चेचे सर्व मार्ग बंद केले आहेत.