चीनमध्ये शी जिनपिंग अधिक शक्तिशाली:राष्ट्रपतींचा कार्यकाळ तिसऱ्यांदा वाढणार; पंतप्रधानांसह अनेक मंत्रीही हटणार

चीनची संसद नॅशनल पीपल्स काँग्रेसच्या वार्षिक बैठकीला रविवारी सुरूवात झाली आहे. राष्ट्राध्यक्ष शी जिनपिंग यांनी उद्घाटन सत्रात हजेरी लावली. चीनने आपल्या संरक्षण बजेटमध्ये यंदा 7.2 टक्के वाढ करण्याची घोषणा केली आहे. त्यासाठी तेथील कम्युनिस्ट सरकारने बाह्य आव्हानांचा हवाला दिला आहे.

2023 मध्ये चीन आपल्या संरक्षण बजेटवर 18 लाख कोटी रुपये खर्च करणार आहे. जे भारताच्या संरक्षण बजेटपेक्षा 3 पट जास्त आहे. आठवडाभर ही बैठक सुरू राहणार असून त्यात चीन सरकारमधील मंत्र्यांच्या बदल्या होणार तर नवीन मंत्र्यांची नियुक्ती केली जाणार आहे. वृत्तानुसार या बैठकीत शी जिनपिंग यांचा कार्यकाळ तिसऱ्यांदा वाढवण्यात येणार आहे.

चीनने आर्थिक विकासाचा दर 5% ठेवला
बैठकीत 2023 साठी चीनच्या आर्थिक विकासाचे लक्ष्य 5% ठेवण्यात आले आहे. जी गेल्या वर्षीच्या चीनच्या आर्थिक वाढीपेक्षा 2% जास्त आहे. पंतप्रधान ली केकियांग यांनी वार्षिक कार्य अहवाल वाचताना सांगितले की, अर्थव्यवस्था पुन्हा रुळावर आणणे हे त्यांच्या सरकारचे प्राधान्य असेल. याशिवाय 1 कोटी 20 लाख लोकांना रोजगार देण्याचे उद्दिष्ट ठेवण्यात आले आहे.

फोटोमध्ये पाहा...चीन संसदेची वार्षिक बैठक