नेपाळच्या हवाई क्षेत्रात चीनच्या गुप्तचर रॉकेटचा स्फोट:3 लष्करी पाळत ठेवणारे उपग्रह सोडले होते

गुप्तचर उपग्रह अवकाशात घेऊन जाणाऱ्या चिनी रॉकेटचा शनिवारी नेपाळच्या हवाई क्षेत्रात स्फोट झाला. गेल्या आठवड्यात अमेरिकेच्या टेक्सास राज्यात अशीच एक घटना घडली होती.

200 दिवसांनी रॉकेट वातावरणात आले होते
अंतराळ तज्ञ जोनाथन मॅकडोवेल यांच्या मते या रॉकेटचे नाव चांग झेंग 2डी लाँग मार्च असे होते. हे गेल्या वर्षी 29 जुलै रोजी मध्य चीनमधील शिचांग उपग्रह प्रक्षेपण केंद्रातून प्रक्षेपित करण्यात आले होते. सोबत तीन लष्करी टेहळणी उपग्रह होते. हे उपग्रह सध्या अवकाशात सक्रिय आहेत. अशा उपग्रहांचा उपयोग इतर देशांच्या लष्करावर नजर ठेवण्यासाठी केला जातो.

हे रॉकेट 200 दिवस अंतराळात होते. यानंतर ते शनिवारी वातावरणात परतले आणि नेपाळच्या हवाई हद्दीत त्याचा स्फोट झाला. त्याच्या स्फोटामुळे अवकाशात 4 टन कचरा निर्माण झाला. हे रॉकेट चीनच्या नॅशनल स्पेस अ‍ॅडमिनिस्ट्रेशन Y-65 मिशनचा भाग होते.

जोनाथन यांच्यानुसार, हे रॉकेट वातावरणात परत येईल आणि कुठेही स्फोट होईल हे चीनला माहीत होते. त्यांच्या मते चीनची ही योजना अत्यंत निंदनीय होती.

8 मार्च रोजी टेक्सासवर रॉकेटचा स्फोट
8 मार्च रोजी चीनमधील याच केंद्रातून प्रक्षेपित केलेल्या रॉकेटचा अमेरिकेतील टेक्सासच्या हवाई क्षेत्रात स्फोट झाला. या रॉकेटने दक्षिण चीन समुद्रावर नजर ठेवण्यासाठी तीन उपग्रह अवकाशात सोडले होते.