राग अनावर:आईची तक्रार करण्यासाठी 11 वर्षीय मुलाने गाठले थेट आजोळ; 130 KM सायकल चालवली, 24 तासाने पडला बेशुद्ध

राग अनावर झाला आणि त्या व्यक्तीविषयी तक्रार किंवा व्यक्त होण्याची अनेक घटना आपण समाजात पाहत असतो. अशीच एक घटना चीनमध्ये घडली आहे. एक 11 वर्षीय मुलगा आपल्या आईची तक्रार करण्यासाठी सायकलवरून आजीच्या घरी गेला. साऊथ चायना मॉर्निंग पोस्टनुसार, त्या मुलाने तब्बल 24 तास सायकल चालवली. 130 किमी अंतर कापल्यानंतर तो थकला आणि बेशुद्ध पडला.

पोलिसांना हा मुलगा रस्त्याच्या कडेला दिसला, त्यानंतर त्याला उपचार करून पोलिस ठाण्यात आणले गेले. चौकशीनंतर त्या मुलाच्या पालकांना कळवले, ते आले आणि त्याला घेऊन गेले.

ही घटना 2 एप्रिलची आहे. माहिती देताना पोलिसांनी आता सांगितले - मुलाचा त्या आईसोबत वाद झाला होता. संतप्त झालेला मुलगा मेजियांगमधील आपल्या आजीच्या घरी निघाला. त्याने हांगझोऊ येथील आपले घर सोडले आणि आजीच्या घरी मेजियांग या आजीच्या गावी निघाला. सुमारे 130 किलोमीटर सायकलवर अंतर पार केल्यानंतर तो थकला. आणि खाली कोसळला. तेव्हा महामार्गावरून जाणाऱ्या लोकांनी पोलिसांना माहिती दिली. बेशुद्ध अवस्थेत असलेल्या मुलाला पोलिस ठाण्यात घेऊन गेले. उपचार देऊ त्याच्या कुटुंबीयांना माहिती दिली.

रात्रभर सायकल चालवली
एका अधिकाऱ्याने सांगितले - माहिती मिळताच आम्ही एक्स्प्रेस वेवर पोहोचलो. जेव्हा आम्हाला मूल मिळाले तेव्हा तो खूप थकला होता. त्याला उभेही राहता येत नव्हते. आम्ही त्याला गाडीत बसवून पोलिस ठाण्यात आणले. थोड्या विश्रांतीनंतर त्याने सांगितले की, तो त्याच्या आईची तक्रार करण्यासाठी आजीच्या घरी जात आहे.

पोलिस अधिकारी म्हणाले की, मुलाने सांगितले की, त्याला रस्ता माहित नव्हता. पण तो रस्त्याच्या कडेला असलेल्या फलकांच्या आधारे पुढे जात होता. त्याने रात्रभर सायकल चालवली. भाकरी घेऊन तो घराबाहेर पडला होता. भूक लागल्यावर त्याने ती भाकरी खाल्ली होती.

जाग आल्यावर पोलिसांनी कुटुंबीयांना बोलावले
तो 11 वर्षीय मुलगा शुद्धीवर आल्यानंतर त्याला त्याच्या पालकांबद्दल विचारण्यात आले. त्याने घराचा नंबर दिला. यानंतर पोलिसांनी त्याच्या पालकांना माहिती देऊन पोलिस ठाण्यात पाठवले. मुलाच्या आजीनेही पोलिस ठाणे गाठले.

मुलाच्या आईने पोलिसांना सांगितले की, तिचा मुलगा आजीच्या घरी जाण्याबद्दल बोलला होता, परंतु तिला वाटले की, तो फक्त नावापुरता बोलत असेल. पण त्याने गांभीर्याने घेतले आणि थेट नानीचे घर गाठले.

सोशल मीडियावर व्हायरल झाली घटना
ही घटना सोशल मीडियावर व्हायरल झाली. हे जाणून लोकांना आश्चर्य वाटले. काहींनी मुलाच्या धाडसाचे कौतुक केले, तर काहींनी त्याची खिल्ली उडवली. एका युजरने लिहिले-मला फक्त हे जाणून घ्यायचे आहे की मुलाच्या आजीला हे सर्व कळल्यानंतर तिने त्याच्या आईला काय समजते.

दुसऱ्या युजरने लिहिले की- हा मुलगा प्रतिभावान आहे. रस्त्यावरील साईन बघून त्याने रस्ता शोधला. रात्री सायकल चालवायला देखील हिंमत लागतेच म्हणा. हिम्मत लागते. त्याच वेळी, एका यूझर्सने गंमतीने लिहिले - मी देखील एकदा घरातून पळून गेलो, परंतु एकटा एक मीटरपेक्षा जास्त जाऊ शकलो नाही बर का?