जगभरात कोरोनाच्या रुग्णांमध्ये मोठी वाढ:जगभरात 24 तासांत 25 लाख नवे रुग्ण; ओमायक्रॉनमुळे ऑस्ट्रेलियात पुन्हा लागले निर्बंध

ऑस्ट्रेलियात ओमायक्रॉनची वाढती प्रकरणे पाहता शुक्रवारी येथे निर्बंध लागू करण्यात आले आहेत. सर्वाधिक लोकसंख्या असलेल्या न्यू साउथ वेल्समध्ये कोरोनाचे विक्रमी 38,625 नवीन रुग्ण आढळले आहेत. यानंतर येथील आणखी नाईट क्लब बंद करण्याचे आदेश जारी करण्यात आले आहेत. त्याचबरोबर रुग्णालयांवर मोठा ताण पडत असल्याने तातडीच्या नसलेल्या वैद्यकीय शस्त्रक्रिया फेब्रुवारीच्या मध्यापर्यंत पुढे ढकलण्याचे आदेश देण्यात आले आहेत.

जगभरात 24 तासांत 25 लाख रुग्ण, एकट्या अमेरिकेत 7.5 लाख नवे रुग्ण

ओमायक्रॉन व्हेरिएंटमुळे जगभरात कोरोनाच्या रुग्णांमध्ये झपाट्याने वाढ होत आहे. 24 तासांत जगातील 6 देशांमध्ये एक लाखाहून अधिक कोरोना रुग्णांची नोंद झाली आहे. त्याचवेळी, यापूर्वी जगभरात 24,97,154 नवीन कोरोना बाधित आढळले आहेत.

अमेरिकेत जगात सर्वाधिक 7.51 लाख कोरोना रुग्णांची नोंद झाली आहे. याशिवाय फ्रान्समध्ये 2.61 लाख, इटलीमध्ये 2.19 लाख, यूकेमध्ये 1.79 लाख, भारतात 1.14 लाख आणि अर्जेंटिनामध्ये 1.09 लाख कोरोना रुग्ण आढळले आहेत. आतापर्यंत जगभरात 54.89 लाखांहून अधिक लोकांना कोरोनामुळे आपला जीव गमवावा लागला आहे.

जगातील आतापर्यंतची स्थिती

WHO प्रमुखांचा इशारा - ओमायक्रॉन प्राणघातक आहे, हलके घेऊ नका

गेल्या 24 तासांत जगभरात कोरोनाचे सुमारे 25 लाख रुग्ण आढळले आहेत. डब्ल्यूएचओचे प्रमुख टेड्रोस यांनी म्हटले आहे की, ओमयाक्रॉन जगभरातील लोकांना मारत आहे. त्यांनी गुरुवारी सांगितले की लसीकरण झालेल्या लोकांमध्ये ओमायक्रॉन डेल्टापेक्षा कमी धोकादायक सिद्ध होत आहे, परंतु याचा अर्थ असा नाही की ते हलके घेतले पाहिजे. मागील प्रकाराप्रमाणे, ओमायक्रॉन लोकांना रुग्णालयात दाखल करत आहे आणि जीव घेत आहे.

टेड्रोस म्हणाले की, नवीन व्हेरिएंट विक्रमी संख्येने लोकांना संक्रमित करत आहे. अनेक देशांतील डेल्टा या पूर्वीच्या व्हेरियंटपेक्षा ते वेगाने पसरत आहे. कोरोना प्रकरणांची त्सुनामी इतकी मोठी आणि वेगवान आहे की जगभरातील आरोग्य यंत्रणा खूप अडचणीत आहे.