मालदीवच्या योग दिनाच्या कार्यक्रमात उपद्रव:कट्टरपंथीयांनी केला योग करणाऱ्या लोकांवर हल्ला, राष्ट्रपतींनी दिले तपासाचे आदेश

आज जगभरात 8 वा आंतरराष्ट्रीय योग दिवस साजरा केला जात आहे. यानिमित्ताने मालदीवची राजधानी माले येथील गलोल्हू नॅशनल फुटबॉल स्टेडियममध्ये योगाचा कार्यक्रम आयोजित करण्यात आला होता. दरम्यान, इस्लामिक कट्टरवाद्यांच्या एका गटाने स्टेडियमवर हल्ला केला. याप्रकरणी 6 जणांना अटक करण्यात आली आहे.

मालदीवचे अध्यक्ष इब्राहिम मोहम्मद सोलिह यांनी या प्रकरणाची चौकशी करण्याचे आदेश दिले आहे. ते म्हणाले- मालदीव पोलिसांनी आज सकाळी गलोल्हू स्टेडियमवर घडलेल्या या घटनेचा तपास सुरू केला आहे. ही गंभीर बाब असून, याला जबाबदार असणाऱ्यांना कायद्यासमोर उभे केले जाईल.

इंडियन कल्चर सेंटरने कार्यक्रमाचे केले होते आयोजन

इंडियन कल्चर सेंटरने हा कार्यक्रम आयोजित केला होता. या कार्यक्रमाला उच्चस्तरीय मुत्सद्दी आणि अनेक सरकारी अधिकारीही उपस्थित होते. मंगळवारी सकाळी कार्यक्रम सुरू होताच कट्टरवाद्यांनी हल्ला केला. यापूर्वीही कार्यक्रम बंद करण्याच्या धमक्या आल्या होत्या.

मालदीवने 2014 मध्ये योग दिनाला दिला होता पाठिंबा

2014 मध्ये संयुक्त राष्ट्राने (UN) योग दिनाला मान्यता दिली तेव्हा 177 देशांनी त्याच्या बाजूने मतदान केले. विशेष बाब म्हणजे या 177 देशांमध्ये मालदीवचाही समावेश होता, त्यासोबतच त्यांनी संयुक्त राष्ट्राच्या ठरावाला सहप्रायोजकत्व देण्याच्या बाजूने मतदान केले.

दरवर्षी 21 जून रोजी योग दिनाची थीम ठेवण्यात आली आहे. यावर्षीची थीम 'योगा फॉर ह्युमॅनिटी' म्हणजेच मानवतेसाठी योग अशी थीम निवडण्यात आली आहे.

आयुष मंत्रालयाच्या म्हणण्यानुसार, ही थीम ठेवण्याचा उद्देश कोविड दरम्यान शारीरिक आणि मानसिक तणावाचा सामना करणाऱ्या लोकांना दिलासा देणे हा आहे. गेल्या वर्षी आंतरराष्ट्रीय योग दिन 2021 ची थीम होती 'योगा फॉर वेलनेस'.