आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • International
  • Direct Effect Of Temperature On Brain : Extremely Hot Or Cold Weather Increases Hatred, Claims Study

तापमानाचा थेट मेंदूवर परिणाम:अति उष्ण किंवा थंड हवामान हे तिरस्कार वाढवते, 12 ते 21 अंश सेल्सिअसमध्ये मूड राहतो चांगला

2 महिन्यांपूर्वी
  • कॉपी लिंक

तापमानाचा थेट संबंध तुमच्या मनाशी आणि वागण्याशी असतो. जास्त उष्णता किंवा थंडी दोन्ही तुमच्या मनात राग आणि द्वेषाने भरते. तर 12 ते 21 अंश सेल्सिअस तापमानात आपण चांग्लया मूडमध्ये असतो. या काळात रागही कमी येतो.

लॅन्सेट प्लॅनेटरी हेल्थने 773 यूएस शहरांमध्ये राहणाऱ्या लोकांच्या वर्तनाचा अभ्यास केला. यामध्ये असे आढळून आले की, जेव्हा ते खूप गरम किंवा खूप थंड वातावरण असते, तेव्हा राग वाढतो आणि जेव्हा ते शारीरिकरित्या राग किंवा द्वेष दाखवू शकत नाहीत तेव्हा ते ऑनलाइन व्यक्त होतात.

हवामानातील बदल हे द्वेषयुक्त भाषणाचे कारण
अहवालात म्हटले आहे की, यूएस उष्णतेच्या लाटेदरम्यान, ऑनलाइन द्वेषयुक्त भाषण किंवा द्वेषयुक्त मजकूराच्या प्रकरणांमध्ये लक्षणीय वाढ झाली. संशोधकांचे म्हणणे आहे की अमेरिकेतील 25% कृष्णवर्णीय आणि 10% हिस्पॅनिक लोक ऑनलाइन द्वेषयुक्त भाषणाचे सर्वाधिक बळी आहेत. हवामानातील बदलामुळे LGBTQ समुदायातील चौपट अधिक लोक ऑनलाइन द्वेषपूर्ण भाषणाचे बळी ठरले आहेत.

7 कोटी 50 लाख द्वेषयुक्त भाषण
पॉट्सडॅम इन्स्टिट्यूट फॉर क्लायमेट इम्पॅक्ट रिसर्चच्या लिओनी वेन्झ यांच्या नेतृत्वाखाली द लॅन्सेट प्लॅनेटरी हेल्थच्या टीमने मे 2014 ते मे 2020 या 6 वर्षांमध्ये यूएसमध्ये 400 दशलक्ष ट्वीट्सचे परीक्षण केले. यासाठी, त्याने कृत्रिम बुद्धिमत्तेसह एक अल्गोरिदम तयार केला. त्यातून द्वेषयुक्त भाषण ओळखण्यात आले. यामध्ये 7 कोटी 50 लाख ट्वीट हेट स्पीचचे होते, म्हणजेच एकूण ट्विट्सपैकी 2% ट्विट हे होते.

टीमने कोणते ट्विट कोणत्या भागातील होते आणि त्या दिवशी तेथील हवामान कसे होते ते तपासले. जेथे तापमान 15 ते 18 अंश सेल्सिअस होते, तेथे द्वेषयुक्त भाषण ट्विटमध्ये किंचित वाढ दिसून आली. -3 ते -5 अंश सेल्सिअस तापमानात राहणाऱ्या लोकांनी इतरांपेक्षा 12.5% टक्के ​​अधिक द्वेषयुक्त भाषण ट्विट केले.

22% वाळवंट भागात द्वेषयुक्त भाषण ट्विट
वाळवंटी भागात जेथे तापमान 42 ते 45 अंश सेल्सिअस होते, तेव्हा द्वेषयुक्त भाषणे असलेले ट्विट 22% वाढले. या अभ्यासाचा भाग असलेले आंद्रेस लिव्हरमन म्हणतात की, उच्च सरासरी उत्पन्न असलेल्या भागातही जेथे लोक एसी घेऊ शकतात, जेव्हा तापमान वाढते, तेव्हा लोक द्वेषयुक्त ट्विट करतात. ते म्हणाले की, पण हवामानाचा ताळमेळ आपल्याला जमत नाही, असे नाही.

द्वेषयुक्त भाषणाची व्याख्या
द्वेषयुक्त भाषणासाठी, संशोधकांच्या टीमने संयुक्त राष्ट्राची व्याख्या मानक म्हणून घेतली होती. यानुसार, धर्म, वंश, राष्ट्रीयत्व, रंग, लिंग किंवा इतर कोणत्याही ओळखीच्या आधारावर कोणत्याही व्यक्ती किंवा समूहावर कोणत्याही प्रकारची अपमानास्पद टिप्पणी द्वेषयुक्त भाषणाच्या अंतर्गत येते. एका समुदायासाठी कौतुकास्पद वाटणाऱ्या तर दुसऱ्या समुदायाला तेच अपमानकारक वाटणाऱ्या टिप्पण्यांचे वर्गीकरण करण्यात सर्वात मोठी अडचण आली.

बातम्या आणखी आहेत...