दिव्य मराठी विशेष:वाळवंटात वसलेल्या दुबईचा नवा मास्टर प्लॅन; 2040 पर्यंत 60 टक्के भूभागात दिसेल हिरवळ

ऐकताना मजेशीर वाटते, मात्र वाळवंटातील देश दुबईला आता अर्ध्यापेक्षा जास्त भाग हिरवागार करायचा आहे. नुकत्याच जाहीर झालेल्या दुबई अर्बन मास्टर प्लॅन २०४० नुसार दुबईच्या ६०% भागांत हिरवळ करायची सरकारची योजना आहे. दुबईला राहण्यासाठी व कामासाठी जगातील सर्वात सुंदर शहर करायचा हेतू राजे शेख मोहंमद बिन राशिद अल मकतूम, पंतप्रधान व दुबईच्या शासकांनी जाहीर केलेल्या मास्टर प्लॅनचा आहे. २००८ पर्यंत दुबईच्या एकूण क्षेत्रफळाच्या ८% भागांतही हिरवळ नव्हती.

मात्र, २०२० पर्यंत शहरी भागाच्या ३५% भागांवर हिरवळ दिसू लागली. हा भाग दुबईच्या २०% एवढाच आहे. योजनेत मुख्यत्वे पाच शहरी केंद्रांवर (तीन सध्याचे आणि दोन नवे) लक्ष केंद्रित करण्यासह दुबईतील शहरी भाग वाढवण्याचा विचार करण्यात आला आहे. यासाठी संसाधनांचा योग्य वापर, जिवंत, निराेगी व सर्वसमावेशक समुदाय विकसित करण्यावर लक्ष केंद्रित केले जाईल. तसेच हिरवळ आणि आराम करण्यासाठीचे भाग व सार्वजनिक बगिचे दुप्पट केले जातील. दुबईची लोकसंख्या २०४० पर्यंत ५८ लाख होण्याचा अंदाज आहे.

समुद्रकिनाऱ्यांची लांबी ४००% वाढवली जाईल