आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • International
  • Earthquake Shakes Afghanistan For Second Day In A Row, 4.3 Magnitude On The Richter Scale, Find Out Why Earthquakes Occur In These Areas

सलग दुसऱ्या दिवशी भूकंपाने हादरले अफगाणिस्तान:रिश्टर स्केलवर 4.3 तीव्रता, या भागात का होतात भूकंप जाणून घ्या

2 दिवसांपूर्वी
  • कॉपी लिंक

अफगाणिस्तानला सलग दुसऱ्या दिवशी भूकंपाचा दुसरा मोठा हादरा बसला आहे. अफगाणिस्तानच्या काही भागात गुरुवारी सकाळी 4.3 रिश्टर स्केलचा भूकंप जाणवला. मात्र यामध्ये अद्याप कोणतीही जीवित किंवा वित्तहानी झाल्याचे वृत्त नाही.

नॅशनल सेंटर फॉर सिस्मॉलॉजीने सांगितले की, भूकंपाचा केंद्रबिंदू अफगाणिस्तानच्या फैजाबादपासून ७६ किमी अंतरावर होता. याआधी बुधवारी पूर्व अफगाणिस्तानात झालेल्या भूकंपात १००० लोकांचा मृत्यू झाला होता, तर १५०० हून अधिक जण जखमी झाले होते.

जाणून घ्या हा परिसर का होतो नेहमीच विस्कळीत

सुमारे 40 दशलक्ष वर्षांपूर्वी भारतीय उपखंडाची युरेशियन प्लेटशी टक्कर झाली. त्यामुळे हिमालय पर्वत तयार झाला. आजही हा पर्वत दरवर्षी एक सेमी उंच वाढत आहे. या हालचालीमुळे येथे अनेकदा भूकंप होता.

याशिवाय सतत टक्कर होत राहिल्याने थरांची दाब सहन करण्याची क्षमता संपते. जसजसे थर तुटतात तसतसे त्यांच्या खाली असलेली उर्जा बाहेर पडण्याचा मार्ग शोधते. त्यामुळे हिमालयीन भागात भूकंप होतो. अफगाणिस्तान, पाकिस्तान आणि उत्तर भारताचा काही भाग हिमालयाच्या रांगेत येतो. त्यामुळे येथे नेहमीच भूकंपाचा धोका असतो.

जगात दरवर्षी 20,000 हजार भूकंप होतात...

जगात दरवर्षी अनेक भूकंप होतात, पण त्यांची तीव्रता कमी असते. राष्ट्रीय भूकंप माहिती केंद्र दरवर्षी सुमारे 20,000 भूकंपांची नोंद करते, त्यापैकी 100 भूकंप अशे असतात ज्यांच्यामुळे नुकसान होते. भूकंप काही सेकंद किंवा काही मिनिटे टिकतात, परंतु इतिहासातील सर्वात जास्त काळ टिकणारा भूकंप 2004 मध्ये हिंदी महासागरात झाला होता. हा भूकंप 10 मिनिटे चालला.

बुधवारी आलेल्या भूकंपाच्या पार्श्वभूमीवर ताबिबानने मंत्रिमंडळाने तातडीची बैठक बोलावली. सरकारी प्रवक्त्याचे म्हणणे आहे की भूकंपग्रस्तांना मदत करण्याव्यतिरिक्त, सर्व आपत्कालीन संस्थांना बचाव पथके पाठविण्याचे काम देण्यात आले होते.

बातम्या आणखी आहेत...