स्पेस स्टेशनमध्ये पोहोचले स्पेस-X चे अंतराळवीर:क्रूने गळाभेट घेऊन केले स्वागत, फाल्कन-9 रॉकेटद्वारे 25 तासांच्या उड्डाणानंतर पोहोचले

स्पेस-X च्या क्रू-6 मिशनचे काल म्हणजेच गुरुवारी यशस्वी प्रक्षेपण करण्यात आले. त्यानंतर, तांत्रिक बिघाडामुळे स्पेस-एक्सच्या कॅप्सूलला स्पेस स्टेशनच्या परिभ्रमण प्रयोगशाळेपासून 65 फूट अंतरावर 23 मिनिटे थांबावे लागले. मात्र, प्रक्षेपणानंतर 25 तासांनंतर अंतराळवीरांनी शुक्रवारी पहाटे 1:40 वाजता स्पेस स्टेशनमध्ये प्रवेश केला.

अंतराळयान स्पेस स्टेशनसोबत डॉक केल्यानंतर, सर्व अंतराळवीर त्यांच्या कॅप्सूलमधून बाहेर आले. त्यानंतर आंतरराष्ट्रीय अंतराळ स्थानकात आधीच उपस्थित असलेल्या अंतराळवीरांनी त्यांचे गळाभेट घेऊन छायाचित्रे काढून स्वागत केले. Space-X ने याचा एक व्हिडिओ शेअर केला आहे. ज्यामध्ये अंतराळवीर एकमेकांची गळाभेट घेताना दिसत आहेत.

कोणता तांत्रिक बिघाड झाला होता?
वास्तविक, अंतराळवीरांच्या विमानांना अंतराळ स्थानकाशी जोडण्यासाठी 12 हुक जोडावे लागतात. एका हुकवरील स्विच खराब झाला होता. त्यानंतर लगेचच त्याला दुरुस्त करण्यात आले. स्विच खराब झाल्याची माहिती मिळाल्यानंतर स्पेस-एक्सने क्रू मेंबर्सना धीर धरण्याचे आवाहन केले. त्यांना सांगण्यात आले की ते कोणत्याही अडचणीशिवाय 2 तास त्या स्थितीत राहू शकतात.

स्पेस-X मिशन काल लाँच झाले होते
Space-X च्या Falcon-9 रॉकेटने (Dragon Endeavour) 4 क्रू सदस्यांसह अमेरिकेतील फ्लोरिडा येथील केनेडी स्पेस सेंटर क्रमांक 39A येथून गुरुवारी रात्री 1:45 वाजता (भारतीय वेळेनुसार गुरुवारी दुपारी 12:15 वाजता) उड्डाण केले.

स्पेस-X चे फाल्कन-9 रॉकेट 4 अंतराळपटूंना आंतरराष्ट्रीय अंतराळ स्थानकावर (ISS) घेऊन पोहोचले. ही एलन मस्क यांच्या स्पेस-X ची 6 वी ऑपरेशनल क्रू फ्लाइट आहे. त्यात 2, रशियाच्या व UAE च्या एका अंतराळपटूचा समावेश आहे.

6 महिने संशोधन कार्य करणार अंतराळपटू
हे अंतराळपटू 6 महिन्यांपर्यंत ISS वर राहतील. तिथे ते हार्ट मसल टिश्यू, मायक्रोग्रॅव्हिटीमध्ये मानवी पेशी व टिश्यू प्रिंट करणाऱ्या बायोप्रिंटरचे परिक्षण करतील. तसेच औषध उत्पादनाच्या तंत्रज्ञानावरही रिसर्च करतील.

हे आहेत स्पेस-X क्रू-6 मोहिमेतील अंतराळपटू
क्रू-6 मोहिमेतील 4 अंतराळपटूंमध्ये नासाच्या स्टीफन बोवेन व वॉरेन वुडी होबर्ग यांचा समावेश आहे. याशिवाय UAE च्या सुलतान अल्नेयादी व रशियन अंतराळ संशोधन संस्था रोस्कोस्मोस च्या अँड्री फेडेएव्ह यांचाही या मोहिमेत समावेश आहे.