फुटबॉल चॅम्पियन:फुटबॉल : बायर्न सलग आठव्यांदा जर्मन लीग चॅम्पियन, बायर्नने 30 वेळा जिंकला आहे लीगचा किताब

जर्मनीचा फुटबॉल क्लब बायर्न म्युनिचने सलग आठव्यांदा घरचा किताब जिंकला. बायर्न म्युनिचने बुंदेसलिगामध्ये वेर्डर ब्रेमेनला १-० ने हरवले. त्यांच्याकडून राॅबर्ट लेवानडोस्कीने ४३ व्या मिनिटाला गोल केला. त्याचे लीगमध्ये चालू सत्रात ३१ गोल झाले. बायर्नचे लीगमधील दोन सामने बाकी आहेत. टीम पहिलेच चॅम्पियन बनली. विजयानंतर खेळाडूंनी ४२ हजार क्षमता असलेल्या रिकाम्या वेसेर स्टेडियममध्ये जल्लोष केला. बायर्नने ३२ सामन्यांत ७६ गुण मिळवले. दुसऱ्या स्थानावरील बोरुसिया डॉर्टमंड (६६) आहे. युरोपच्या कोणत्याही अव्वल ५ लीगमध्ये सलग ८ किताब जिंकणारी बायर्न दुसरी टीम बनली आहे. यापूर्वी, युवेंट्सने इटालियन लीग सीरी ए मध्ये २०११-१२ ते २०१८-१९ दरम्यान सलग आठ वेळा किताब जिंकला आहे.