खोटे प्रतिज्ञापत्र; इम्रान खान अडचणीत:निवडणूक आयोगाला सांगितले मुलगी नाही; इस्लामाबाद हायकोर्टाने बजावली नोटीस

सरकारी तिजोरीतील भेटवस्तू विक्री करण्याच्या प्रकरणात आधीच अडचणीत सापडलेले पाकिस्तानचे माजी पंतप्रधान इम्रान खान पुन्हा एका अडचणीत आले आहेत. त्यात आणखी ते एका प्रकरणाने अडचणीत आले आहेत. त्यांनी निवडणूक आयोगाला सादर केलेल्या प्रतिज्ञापत्रात मुलगी असल्याची वस्तुस्थिती लपविली आहे, असा आरोप एका कार्यकर्त्याने केला आहे. त्यांच्या विरोधात याचिका दाखल करण्यात आली आहे.

इस्लामाबाद हाय कोर्टात दाखल झालेल्या याचिकेत म्हटले की, इम्रान खान यांनी सादर केलेल्या प्रतिज्ञापत्रात सादर केले की, जेमिमा गोल्डस्मिथ सोबत त्यांना दोन मुले झाल्याची कबुली दिली दिलेली आहे. मात्र, एक्स गर्लफ्रेंड सीता व्हाईट हिच्यापासून त्यांना एक मुलगी झालेली असून तिचे नाव तारीन व्हाइट असे आहे. या मुलीची माहिती इम्रान खान यांनी दिली नाही.

दरम्यान, इम्रान खान हे तारीनचे वडील असल्याचे अमेरिकन आणि ब्रिटिश कोर्टात सिद्ध झाले आहे. त्यामुळे त्यांनी खोटे प्रतीज्ञापत्र सादर करून फसवणूक केली आहे. असे म्हटले आहे. त्यामुळे इस्लामाबाद उच्च न्यायालयाने या याचिकेवर सुनावणी करताना इम्रान खान, केंद्र सरकार आणि निवडणूक आयोगाला नोटीस बजावली असून त्यांचे उत्तर मागितले आहे.

प्रतिज्ञापत्रात खोटी माहिती दिली
पाकिस्तानचे मानवाधिकार कार्यकर्ते मोहम्मद साजिद यांनी इम्रान खान विरोधात इस्लामाबाद उच्च न्यायालयात याचिका दाखल केली आहे. याचिकेत साजिद यांनी म्हटले आहे की, इम्रान खान यांनी निवडणूक आयोगाला दिलेल्या प्रतिज्ञापत्रात दोन मुले असल्याची माहिती दिली. पण त्यांना आणखी एक मुलगी देखील असल्याची वस्तुस्थिती लपवली आहे. अमेरिकेच्या आणि ब्रिटनच्या न्यायालयांनी वैज्ञानिक पुराव्यांनंतर मान्य केले आहे की, तारीन व्हाईटचे वडील खरोखरच इम्रान खान आहेत. तारीन सद्या 28 वर्षांची असून ती अमेरिकेत राहते. त्यांच्या आईचे नाव सीता व्हाईट आहे. खानही तारीनला सतत पैसे पाठवतो आणि त्याचे पुरावेही आहेत.

साजिद यांनी दाखल केलेल्या याचिकेवर हायकोर्टाने इम्रान, केंद्र सरकार आणि निवडणूक आयोगाला नोटीस बजावून या प्रकरणाचे सत्य काय आहे, अशी विचारणा केली आहे. आरोप खरे असतील तर इम्रान यांना निवडणूक लढवण्यास अपात्र का ठरवले नाही. पुढील सुनावणी 25 जानेवारीला होणार आहे. खान किंवा त्यांच्या पक्षाने या संदर्भात अद्याप कोणतेही वक्तव्य जारी केलेले नाही.

​​​​​गृहमंत्री म्हणाले - याचिकेत केलेले आरोप योग्य आहेत

देशाचे गृहमंत्री राणा सनाउल्लाह यांनीही इम्रान यांच्यावरील आरोपांवर प्रतिक्रिया दिली. राणाने मीडियाला सांगितले - तारीन व्हाईट ही इम्रान खानची मुलगी आहे, यात शंका नाही. याचे अनेक ठोस पुरावेही आपल्याकडे आहेत. खानने तारीनचे वडील असल्याचे नाकारले, परंतु वैद्यकीय आणि वैज्ञानिक पुरावे आहेत आणि इम्रान जितके खोटे बोलत आहेत तितके ते अडकत आहेत.

राणा पुढे म्हणाले की, अमेरिकेच्या कॅलिफोर्निया राज्याच्या उच्च न्यायालयाने खान यांना तारीनचे वडील घोषित केले आहे. ब्रिटनच्या न्यायालयानेही हाच निर्णय दिला. खानची पहिली पत्नी जेमिमा स्वतः तरीनला तिची सावत्र मुलगी म्हणते. उच्च न्यायालयाने आम्हाला बजावलेल्या नोटीसला सविस्तर उत्तर दिले जाईल आणि त्यात सर्व पुरावेही नमूद केले जातील. खान यांची वृत्ती अत्यंत बेजबाबदार आहे.

खान अमेरिकन न्यायालयाच्या आदेशाने अडकले