पाकचे राजकीय नाट्य:इम्रान खान जमान पार्कमधील घरी पोहोचले, हायकोर्टाने केला जामीन मंजूर; म्हणाले- आर्मी चीफच्या सांगण्यावरून अटक

पाकिस्तानातील 4 दिवसांच्या राजकीय नाट्यानंतर माजी पंतप्रधान इम्रान खान शुक्रवारी रात्री उशिरा लाहोरमधील त्यांच्या घरी जमान पार्कवर पोहोचले. खान यांना इस्लामाबाद आणि लाहोर हायकोर्टातून एकाच वेळी तीन दिलासे मिळाले आहे. इस्लामाबाद उच्च न्यायालयाने त्यांना अल कादिर विद्यापीठ प्रकरणात दोन आठवड्यांसाठी जामीन मंजूर केला. तसेच, न्यायालयाने म्हटले- खान यांना 17 मे पर्यंत कोणत्याही परिस्थितीत अटक करता येणार नाही.

लाहोर हायकोर्टाने माजी पंतप्रधानांना 22 मे पर्यंत 4 प्रकरणांमध्ये जामीन मंजूर करताना त्यांच्या अटकेला 15 मे पर्यंत स्थगिती दिली आहे. इम्रान खान म्हणाले - हे सर्व लष्करप्रमुखांच्या सांगण्यावरून होत आहे. मी सत्तेत आलो तर त्यांना दूर करेन, अशी भीती त्यांना वाटते. मात्र, मी तसे करणार नाही आणि मी त्यांना तसे देखील सांगितले आहे. लष्करात लोकशाही नावाची गोष्ट उरली नाही, असे इम्रान खान म्हणाले.

लष्करप्रमुख म्हणाले- मार्शल लॉ लावला जाणार नाही
दुसरीकडे, शुक्रवारी पाकिस्तानचे लष्करप्रमुख जनरल असीम मुनीर म्हणाले - आम्ही देशात मार्शल लॉ लागू करणार नाही. आमचा लोकशाहीवर विश्वास आहे. दुसरीकडे पाकिस्तानच्या मंत्रिमंडळात इर्मजन्सीचा प्रस्ताव फेटाळण्यात आला. तत्पूर्वी, इस्लामाबाद उच्च न्यायालयाने निकाल दिल्यानंतर, त्याची प्रत गोळा करण्यासाठी इम्रान खान रात्री 10.30 वाजेपर्यंत न्यायालयात होते. यानंतर ते आपल्या सुरक्षा पथकासह लाहोरला रवाना झाले.

इम्रान खान यांना एवढ्या मोठ्या प्रमाणात दिलासा मिळाल्यावर गृहमंत्री राणा सनाउल्लाह यांनी जिओ न्यूजला सांगितले - असा देश आहे की, जगाच्या इतिहासात एकाही आरोपीला एवढा दिलासा एकाच वेळी आणि बिनशर्त दिला गेला नाही. सर्वोच्च न्यायालयाचे सरन्यायाधीश खुर्चीवरून उठतात आणि इम्रान खानचे स्वागत करतात. जामीन मिळाल्यानंतर त्यांना शुभेच्छा देखील देतात.

पोलिस विरूद्ध पोलिस

काय म्हणाले शाहबाज शरीफ
पंतप्रधान शाहबाज शरीफ यांनी मंत्रिमंडळाच्या बैठकीत सांगितले - इम्रान नियाझी यांना पाकिस्तानने प्रत्येक बाबतीत डिफॉल्ट करायचे आहे. 1971 मध्ये देशाचे दोन तुकडे झाले. त्यानंतर बेनझीर यांची हत्या झाली. गुन्हेगार कोण हे सर्वांना माहीत होते. असे असूनही लष्करावर कोणतेही हल्ले झाले नाहीत. हे 9 मे रोजीही आपण पाहिले आहे.

शरीफ पुढे म्हणाले - नियाझी न्यायालयांना खूप प्रिय आहेत, फक्त गुरुवारचे दृश्य लक्षात ठेवा. पाकिस्तानचे सरन्यायाधीश उमर अता बंदियाल स्वतः त्यांच्या जागेपासून उठले आणि म्हणाले- तुम्हाला पाहून मला खूप आनंद झाला. इतिहासात असे कधीच घडले नाही.

इम्रान खान यांना अटक करून मग सुटका कशी झाली?