PAK लष्करासाठी धोका बनले इम्रान खान:झुल्फिकार अली भुट्टो यांनी जनरल झिया तर नवाझ शरीफ यांनी मुशर्रफ यांची पाठराखण केली, परिणाम वाईट

इम्रान खान हे सध्या पाकिस्तानातील सर्वात लोकप्रिय नेते मानले जातात. 2018 मध्ये, लष्कर आणि गुप्तचर संस्था आयएसआयने इम्रान खान यांना सत्तेवर आणले. त्यावेळी जनरल कमर जावेद बाजवा लष्करप्रमुख होते. तर आता इम्रान खान सरकार पाडण्याचा आरोप लष्करावरच करत आहेत.

पाकिस्तानच्या इतिहासात असे किमान दोनदा घडले आहे. पंतप्रधानांनी एखाद्याची लष्करप्रमुख म्हणून नियुक्ती केली आणि नंतर त्याच लष्करप्रमुखाने त्यांना खुर्चीवरून हटवले. या प्रकरणात झुल्फिकार अली भुट्टो आणि नवाझ शरीफ यांची नावे पुढे येतात.

जनरल झिया-उल-हक यांना लष्करप्रमुख बनवण्यासाठी भुट्टो यांनी चार वरिष्ठ अधिकाऱ्यांना बाजूला सारले. मुशर्रफ यांना लष्कराची कमान देण्यासाठी नवाझ शरीफ यांनी दोन वरिष्ठांना बाजूला केले होते. पुढे झिया आणि मुशर्रफ हुकूमशहा झाले.

झुल्फिकार अली भुट्टो

​​​​​​​1976 मध्ये झुल्फिकार अली भुट्टो हे वझीर-ए-आझम म्हणजेच पंतप्रधान होते. तसे भुट्टो एकूण चार वर्षे (1973 ते 1977) पंतप्रधान होते. त्यावेळी मोहम्मद झिया-उल-हक हे लष्करातील कनिष्ठ अधिकारी होते. झिया यांच्यापेक्षा वरिष्ठ असलेले चार अधिकारी होते. तेव्हा झिया कॉर्प्स कमांडरही नव्हते. पाकिस्तानमध्ये लष्करप्रमुख होण्यासाठी संबंधित व्यक्तीने कॉर्प्सचे नेतृत्व करणे आवश्यक आहे.​​​​​​​​​​​​​​​​​​​​​

मात्र, भुट्टो यांनी लष्करात फूट पाडण्याचा धोका पत्करला आणि सर्व नियम झुगारून झिया-उल-हक यांना लष्करप्रमुख बनवले. बदलत्या काळानुसार जनरल झिया आणि भुट्टो यांच्यातील संबंध बिघडले. एका वर्षानंतर झिया यांनी त्याच झुल्फिकार अली भुट्टो यांना फाशी दिली, ज्यांनी त्यांना लष्करप्रमुख केले होते.

नवाझ शरीफ

तरुण पिढीलाही परवेझ मुशर्रफ यांचे नाव माहीत आहे. या मुशर्रफमुळेच कारगिल युद्ध झाले. इतिहासाची पुनरावृत्ती होते, असे म्हणतात. जे काम झुल्फिकार अली भुट्टो यांनी केले, तेच काम 1998 मध्ये नवाझ शरीफ यांनी केले होते. त्यांनी फायरब्रँड कमांडो अधिकारी परवेझ मुशर्रफ यांना लष्करप्रमुख (COAS) बनवले. पुढे हेच परवेझ मुशर्रफ खलनायक बनले आणि नवाझ शरीफ यांना खुर्चीवरून हटवून देशात लष्करी राजवट प्रस्थापित केली.

मुशर्रफ यांच्यामुळेच नवाझ शरीफ यांना देश सोडावा लागला. मात्र, नंतर ही वेळ मुशर्रफ यांच्यावरही आली. त्यांना पाकिस्तानच्या दोन न्यायालयांनी देशद्रोही ठरवले आणि नंतर तो उपचाराच्या बहाण्याने अमेरिका आणि नंतर दुबईला गेले. नुकतेच त्यांचे निधन झाले आहे.

आता सैन्याला पश्चाताप

दररोज रॅली आणि भाषण

इम्रान खान यांच्या अटकेचा मार्ग मोकळा

पाकिस्तानचे माजी पंतप्रधान इम्रान खान यांच्याविरोधात तोशाखाना प्रकरणात जारी करण्यात आलेला अटक वॉरंट रद्द करण्यास इस्लामाबाद कोर्टाने नकार दिला आहे. यामुळे त्यांच्या अटकेचा मार्ग मोकळा झाला आहे.

इस्लामाबाद कोर्टाने गत आठवड्यातच इम्रान खान यांच्याविरोधात अटक वॉरंट जारी केला होता. त्यानंतर रविवारी पोलिस त्यांना अटक करण्यासाठी त्याच्या घरी पोहोचले होते. पण इम्रान घरी न आढळल्याने त्यांना रिकाम्या हाताने परतावे लागले होते. येथे वाचा संपुर्ण बातमी.