बैठक:झेलेन्स्की यांनी पंतप्रधान मोदींकडे मागितली मदत; मंत्री म्हणाल्या, भारताचे पाक-चीनशी संबंध चांगले नाहीत, धोका ओळखा

युक्रेनचे राष्ट्राध्यक्ष वोलोदिमिर झेलेन्स्की यांनी पंतप्रधान नरेंद्र मोदी यांना पत्र लिहून मदत मागितली आहे. युक्रेनचे उप परराष्ट्र मंत्री एमीन झापरोवा यांनी एका बैठकीत हे पत्र परराष्ट्र राज्यमंत्री मीनाक्षी लेखी यांना दिले. पत्रात औषधे आणि वैद्यकीय उपकरणांसह अतिरिक्त मानवतावादी मदत देण्याचे लिहिले आहे.

त्याचवेळी युक्रेनच्या उप परराष्ट्र मंत्री एमीन झापरोवा यांनी भारताला चीन आणि पाकिस्तानबाबत सल्ला दिला आहे. त्या म्हणाल्या की, भारताने अशा शत्रूंना ओळखले पाहिजे ज्यांना वाटते की आपण चुकीचे करून सुटू शकतो.’ त्यांचा संदर्भ भारताच्या शेजारी देश - चीन आणि पाकिस्तानकडे होता असे मानले जात आहे.

नवी दिल्ली येथे आयोजित भारतीय जागतिक घडामोडी परिषदेला संबोधित करताना, एमीन झापरोवा म्हणाल्या की, गेल्या वर्षी युक्रेनवर रशियन हल्ल्यापूर्वीच्या घटना वाईट शेजाऱ्यांशी कसे वागावे याचे उदाहरण आहे. चीन आणि पाकिस्तानसोबत भारताचे संबंध खराब झाले आहेत. क्रिमियामध्ये जे घडले त्यातून भारताने धडा घेतला पाहिजे. जेंव्हा काही चूक होते, ती थांबवली नाही तर ती मोठी समस्या बनते.

रशियाने 2014 मध्ये क्रिमियाचा ताबा घेतला

वास्तविक 2014 मध्ये रशियाने युक्रेनच्या क्रिमियावर आक्रमण करून ते ताब्यात घेतले होते. 2016 मध्ये, युक्रेनच्या लक्ष्यात आले की रशियाचे अध्यक्ष व्लादिमीर पुतिन युक्रेनवर मोठा हल्ला करण्याच्या तयारीत आहेत. त्यावेळी पुतिन यांनी युक्रेनच्या सीमेवर मोठ्या प्रमाणात सैन्य तैनात केले होते.

युक्रेन भारताला सल्ला देण्याच्या स्थितीत नाही

झापरोवा यांनी भारत-रशिया तेल कराराचा संदर्भ देत स्पष्ट केले की, युक्रेनने इतर देशांशी संबंध कसे राखले पाहिजेत हे भारताला सांगण्याच्या स्थितीत नाही. खरे तर युक्रेनवरील हल्ल्यानंतर रशियावर अनेक निर्बंध लादण्यात आले होते. असे असतानाही भारत रशियाकडून स्वस्तात तेल खरेदी करत असून या माध्यमातून आपल्या नागरिकांना दिलासा देत आहे.

आम्हाला भारतासोबत चांगले संबंध हवे आहेत: झापरोवा

युक्रेनच्या उप परराष्ट्र मंत्री एमीन झापरोवा म्हणाल्या की, ‘आम्हाला भारतासोबत चांगले संबंध हवे आहेत. राष्ट्रीय सुरक्षा सल्लागार (NSA) अजित डोवाल यांच्या रशिया दौऱ्याचा संदर्भ देत त्या म्हणाल्या की, ‘युक्रेन युद्धाबाबत पंतप्रधान मोदींसह जागतिक नेत्यांच्या प्रतिक्रिया पाहत आहे. नेत्यांच्या दौऱ्यांवरही आम्ही लक्ष ठेवून आहोत. NSA अजित डोवाल तीनदा मॉस्कोला गेले. तो युक्रेनमध्ये आले तर त्यांचे स्वागत आहे. त्यांनी युक्रेनला यावे अशी आमची इच्छा आहे.’

झापरोवा यांनी भारताला विश्वगुरू म्हटले

भारत हा जागतिक नेता म्हणून वर्णन करताना युक्रेनच्या उप परराष्ट्र मंत्री म्हणाल्या की, ‘आम्ही भारताकडे जागतिक नेतृत्त्व म्हणून पाहतो. असे काही देश आहेत जे मैत्री आणि शांततेऐवजी युद्धावर विश्वास ठेवतात, परंतु जागतिक नेता म्हणून भारत महत्त्वाची भूमिका बजावू शकतो. युद्ध संपवण्याच्या प्रयत्नांचे आम्ही स्वागत करतो.’

झेलेन्स्की यांनी G-20 मध्ये संबोधित करावे अशी युक्रेनची इच्छा

युक्रेनचे अध्यक्ष वोलोदिमिर झेलेन्स्की यांना G-20 मध्ये आमंत्रित करण्याचा मुद्दा त्यांनी उपस्थित केला. त्या म्हणाल्या की, ‘भारत यावर्षी G-20 चा अध्यक्ष आहे. भारत राष्ट्राध्यक्ष झेलेन्स्की यांना बोलावून युद्धामुळे उद्भवलेल्या संकटावर प्रकाश टाकू शकतो. राष्ट्रपती झेलेन्स्की यांना सप्टेंबर 2023 मध्ये G-20 शिखर परिषदेला संबोधित करण्यात आनंद होईल.