इंडोनेशियाच्या तुरुंगात आग:जकार्ता तुरुंगात झालेल्या दुर्घटनेत 41 कैदी जिवंत जळाले, 1200 ची क्षमता असणाऱ्या इमारतीत 2000 पेक्षा जास्त कैदी होते

इंडोनेशियाची राजधानी जकार्ता येथील तुरुंगात बुधवारी सकाळी भीषण आग लागली. या अपघातात 41 कैदी मरण पावले आणि 39 जण जळाले. अधिकारी अद्याप आगीचे कारण शोधत आहेत. ही आग तुरुंगाच्या ब्लॉक सी मध्ये लागली आहे.

जकार्ताच्या बाहेरील भागात असलेल्या टेंगेरिन कारागृहात ड्रग्जच्या आरोपींना ठेवले जाते. सांगितले जात आहे की या जेलची क्षमता 1200 कैद्यांची होती, परंतु 2 हजारांपेक्षा जास्त कैद्यांना त्यात ठेवण्यात आले होते. ज्या ब्लॉक Cमध्ये आग लागली ते 122 कैद्यांनी खचाखच भरले होते. आग लागल्यानंतर काही तासांनी आटोक्यात आली. सर्व जखमींना रुग्णालयात दाखल करण्यात आले आहे.

शॉर्ट सर्किट आगीचे कारण असू शकते
अपघाताचे व्हिडिओही समोर आले आहेत, ज्यात अग्निशमन दलाचे जवान भीषण आगीवर नियंत्रण मिळवण्याचा प्रयत्न करत असल्याचे दिसत आहे. अधिकाऱ्यांनी सांगितले की, जखमींपैकी आठ जणांची प्रकृती चिंताजनक आहे. ते म्हणतात की आग लागण्याचे कारण इलेक्ट्रिक शॉर्ट सर्किट असू शकते.

येथील कारागृह त्यांच्या क्षमतेपेक्षा जास्त कैद्यांनी भरलेले आहेत
इंडोनेशियात जेल ब्रेक आणि आग लागण्याच्या घटना सामान्य आहे. येथील बहुतेक तुरुंगांमध्ये त्यांच्या क्षमतेपेक्षा जास्त कैदी आहेत. निधीची समस्या आणि ड्रग्स गुन्ह्यात बर्‍याच लोकांना अटक केल्यामुळे परिस्थिती बिकट होत आहे.