इंडोनेशियातील इंधन स्टोरेज केंद्राला आग:दोन मुलांसह 16 जणांचा मृत्यू, 50 जण जखमी

इंडोनेशियाची राजधानी जकार्ता येथे राज्य ऊर्जा कंपनी पेर्टामिना संचालित इंधन स्टोरेज स्टेशनला शुक्रवारी आग लागली. या अपघातात दोन मुलांसह 16 जणांचा मृत्यू झाला. त्याचवेळी या आगीत एका बालकासह 50 जण होरपळले असल्याची माहिती समोर येत आहे.

या प्रकरणाची माहिती मिळताच अग्निशमन दलाचे पथक घटनास्थळी दाखल झाले. मदत आणि बचाव कार्य सुरू आहे. अपघातादरम्यान स्थानिक लोकांनी आगीत अडकलेल्या अनेकांचे प्राण वाचवले. मीडिया रिपोर्ट्सनुसार, शुक्रवारी रात्री 8 च्या सुमारास हा अपघात झाला. इंधन केंद्र दाट लोकवस्तीच्या भागात होते. त्यामुळे परिसरातील काही घरांनाही आग लागली.

जकार्ताचे कार्यवाहक गव्हर्नर हेरू बुडी हार्टोनो यांनी या प्रकरणाची माहिती दिली आहे. अपघातातील जखमींच्या उपचाराचा खर्च सरकार उचलणार असल्याचे त्यांनी सांगितले.