आपल्या शहरातील ताज्या बातम्या आणि ई-पेपर मिळवा मोफत

Install App

ADS Free बातम्या वाचण्यासाठी आताच इंस्टॉल करा दिव्य मराठी अ‍ॅप

इंडोनेशियाचे विमान बेपत्ता:जकार्ताहून उड्डाण घेतल्यानंतर 4 मिनिटात विमानाचा संपर्क तुटला, 50 हून अधिक प्रवाशांचा जीव धोक्यात

जकार्ता3 महिन्यांपूर्वी
  • कॉपी लिंक
10,000 फूट उंचीवर उड्डाण करत असताना विमानाचा एटीसीशी संपर्क तुटला. -फाइल फोटो - Divya Marathi
10,000 फूट उंचीवर उड्डाण करत असताना विमानाचा एटीसीशी संपर्क तुटला. -फाइल फोटो
  • माहितीनुसार संपर्क तुटला तेव्हा विमान 10000 फूट उंचीवर होते

इंडोनेशियात श्रीविजया एअरलाइन्सचे विमान शनिवारी बेपत्ता झाले. यामध्ये सात मुले आणि 6 क्रू मेंबर्ससह 62 लोक होते. विमानतळावरून उड्डाण घेतल्यानंतर विमानाचा कंट्रोल टॉवरशी संपर्क तुटला. समुद्रात काही इलेक्ट्रॉनिक उपकरणांचा कचरा दिसला आहे. तथापि, ते हरवलेल्या विमानाचे आहे की नाही याची अधिकृतपणे पुष्टी झालेली नाही.

श्रीविजया एअरच्या SJ182 क्रमांकाचे विमान बेपत्ता झाले आहे. बोइंग 737-500 क्लासच्या विमानाने जकार्ताच्या सुकर्णो-हट्टा विमानतळावरून उड्डाण घेतले होते. उड्डाणाच्या 4 मिनिटातच याचा एअर ट्रॅफिक कंट्रोल (ATC)सोबतचा संपर्क तुटला. त्यावेळी विमान 10 हजार फूट उंचावर होते. विमानांवर नजर ठेवणाऱ्या FlightRadar24 वेबसाइटनुसार, त्यांना विमान अचानक खाली आल्याचे संकेत मिळाले आहेत.

घटनास्थळावर जहाज आणि बचाव पथक पाठवले

ज्या ठिकाणावरून विमानाचा ATC शी संपर्क तुटला तिथे समुद्र आहे, त्यामुळे शोध जहाज आणि बचाव दलाला तेथे पाठवले आहे. रिपोर्ट्स नुसार, हे विमान 26 वर्षांपेक्षा जुने असून अमेरिकेच्या काँटिनेंटल एअरलाइन्सने 1994 मध्ये खरेदी केले होते. त्यांच्याकडून श्रीविजया एअरलाइन्सने त्याला विकत घेतले होते.

बातम्या आणखी आहेत...