आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

माझ्या मृत्यूनंतर कुराण वाचू नका, जल्लोष करा:इराणमध्ये शिक्षा होण्यापूर्वी हिजाबविरोधी कार्यकर्त्याचा शेवटचा संदेश, सार्वजनिकपणे दिली फाशी

2 महिन्यांपूर्वी
  • कॉपी लिंक

इराणमध्ये हिजाबला विरोध करणाऱ्या 23 वर्षीय तरुणाला सार्वजनिकरित्या फाशी देण्यात आली. हे प्रकरण 12 डिसेंबरचे आहे. मात्र, आता त्याच्याशी संबंधित एक व्हिडिओ समोर आला आहे. हा व्हिडिओ तरुणाला फाशी देण्याआधीचा आहे. यामध्ये तो लोकांना 'माझ्या मृत्यूनंतर कुराण वाचू नका, जल्लोष करा' असे सांगत असल्याचे दिसून येत आहे.

या व्हिडिओमध्ये त्याच्या डोळ्यावर पट्टी बांधलेली आहे. मास्क घातलेले दोन रक्षकही त्याच्या जवळ उभे आहेत. मजीदरेजा कॅमेऱ्यासमोर म्हणाला की, कुणीही कुराण वाचू नये. माझ्या मृत्यूने कोणी दु:खी व्हावे असे मला वाटत नाही. कोणीही कोणत्याही प्रकारची प्रार्थना करू नये. प्रत्येकाने माझा मृत्यू साजरा करावा, गाणी वाजवावी, आनंदी रहावे.

न्यूज एजन्सी एएफपीच्या म्हणण्यानुसार, मजीदरेजा रहनवर्डला अटक झाल्यानंतर 23 दिवसांनी फाशी देण्यात आली.
न्यूज एजन्सी एएफपीच्या म्हणण्यानुसार, मजीदरेजा रहनवर्डला अटक झाल्यानंतर 23 दिवसांनी फाशी देण्यात आली.

शरिया कायद्याने जीव घेतला
बेल्जियमच्या संसद सदस्याने हा व्हिडिओ शेअर केला आहे. माजिदरेजाच्या मृत्यूसाठी त्यांनी शरिया कायद्याला जबाबदार धरले. त्याने लिहिले की, त्याचे शेवटचे शब्द होते. कुराण वाचू नका. दुःखी होऊ नका. उत्सव साजरा करा. शरिया कायद्यामुळे त्यांचा मृत्यू झाला. त्यांनी फक्त हक्कांसाठी आवाज उठवला. शरिया कायद्यामध्ये देवाच्या हवाल्याने अनेक कायद्यांसाठी शिक्षेची तरतूद आहे.

हा फोटो माजिदरेजा आणि त्याच्या आईचा आहे. निषेधाचे निरीक्षण करणार्‍या 1500tasvir_en या सोशल मीडिया चॅनलच्या मतेमाजिदरेजाच्या कुटुंबाला फाशी दिल्यानंतर त्याची माहिती देण्यात आली.
हा फोटो माजिदरेजा आणि त्याच्या आईचा आहे. निषेधाचे निरीक्षण करणार्‍या 1500tasvir_en या सोशल मीडिया चॅनलच्या मतेमाजिदरेजाच्या कुटुंबाला फाशी दिल्यानंतर त्याची माहिती देण्यात आली.

मजीदरेजावर पोलिसांच्या हत्येचा आरोप होता
इराणच्या तेहरान न्यायालयाने मजीदरेजाला फाशीची शिक्षा सुनावली. निदर्शनांदरम्यान दोन पोलिस अधिकाऱ्यांची हत्या केल्याचा आरोप त्याच्यावर होता. त्याने दोन अधिकार्‍यांची चाकूने वार करून हत्या केली आणि इतर चार अधिकार्‍यांवरही हल्ला केल्याचे कोर्टाने सांगितले. माजिदरेजाला 12 डिसेंबरला सार्वजनिक ठिकाणी फाशी देण्यात आली. याच्या चार दिवसांपूर्वी म्हणजे 8 डिसेंबरला 23 वर्षीय मोहसीन शेखरीलाही फाशी देण्यात आली होती. निदर्शनांदरम्यान त्याने पोलिसांवरही हल्ला केला. हे चित्र माजिद्रेजा आणि त्याच्या आईचे आहे.

गेल्या सप्टेंबरपासून इराणमध्ये हिजाबविरोधी आंदोलन सुरू आहे. हिजाब नीट न घातल्यामुळे पोलिसांनी तरुणीला ताब्यात घेतले होते, तिथेच तिचा मृत्यू झाला. मृत्यूनंतर महिलांचे देशभर आंदोलन पेटले आहे. या निदर्शनांमध्ये आतापर्यंत अनेक जणांचा मृत्यू झाला आहे. तर मोठ्या संख्येने लोक जखमी झाल्याचेही सांगण्यात येत आहे.​​​​​​ जगभरातून या आंदोलनाला ‘वुमन लाईफ लिबर्टी’ या बॅनरखाली प्रतिसाद मिळाला. व्यक्तिस्वातंत्र्याच्या मागणीबरोबरच ‘इस्लामिक प्रजासत्ताक बरखास्त करा आणि सर्वोच्च नेते अली खोमेनी यांना पदभ्रष्ट करा’ अशा घोषणा दिल्या गेल्या.

इराण आंदोलकांना मनोरुग्णालयात दाखल करत आहे
इराणच्या शिक्षणमंत्र्यांनी सांगितले की, हिजाबला विरोध करणाऱ्या शालेय आणि महाविद्यालयीन मुलींची मानसिक स्थिती चांगली नाही. ते म्हणाले होते की, या सर्व विद्यार्थिनी मानसिक आजाराने त्रस्त आहेत. या विद्यार्थिनींना मनोरुग्णालयात दाखल करण्यात येत आहे. जेणेकरून या विद्यार्थिनींमध्ये जो समाजविघातक वर्तन फोफावत आहे, ते सुधारता येईल.

जरी इराणमध्ये 1979 मध्ये हिजाब अनिवार्य करण्यात आला होता, परंतु 15 ऑगस्ट 2022 रोजी राष्ट्राध्यक्ष इब्राहिम रायसी यांनी एका आदेशावर स्वाक्षरी केली आणि ड्रेस कोड म्हणून त्याची कठोरपणे अंमलबजावणी करण्यास सांगितले. तसेच दंडही ठोठावला.
जरी इराणमध्ये 1979 मध्ये हिजाब अनिवार्य करण्यात आला होता, परंतु 15 ऑगस्ट 2022 रोजी राष्ट्राध्यक्ष इब्राहिम रायसी यांनी एका आदेशावर स्वाक्षरी केली आणि ड्रेस कोड म्हणून त्याची कठोरपणे अंमलबजावणी करण्यास सांगितले. तसेच दंडही ठोठावला.

शरिया कायदा काय आहे?

शरियाला इस्लामिक कायदा असेही म्हणतात. शरिया ही कुरान, हदीस आणि पैगंबर मोहम्मद यांच्या सुन्नावर आधारित नैतिक आणि कायदेशीर चौकट आहे. जर सोप्या भाषेत सांगायचे तर शरियाला इस्लामिक कायदे आणि चालीरीतींनुसार जीवन जगण्याची शैली म्हणता येईल.

ते एका उदाहरणासह समजून घ्या- भारतात चोरीची शिक्षा संविधान किंवा आयपीसीच्या तरतुदींच्या आधारे ठरवली जाते. जिथे शरिया कायदा लागू आहे, तिथे चोरीची शिक्षा कुराण आणि पैगंबरांनी सांगितलेल्या पद्धतींद्वारे निश्चित केली जाईल.

  • शरिया कायद्यात महिलांना काम करण्यास किंवा अभ्यास करण्यास मनाई नाही. अगदी नबीनेसुद्धा महिलांवर इतके निर्बंध लादले नाहीत. नबीची पहिली पत्नी खदीजा स्वतः एक बिझनेस वुमन होती आणि त्याची शेवटची पत्नी आयेशाही नबीबरोबर युद्धात जायची. कुराणात स्त्री आणि पुरुष दोघांसाठीही शिक्षणाची शिफारस करण्यात आली आहे.
  • शरियतमध्ये पुरुष आणि महिलांमध्ये कोणताही फरक नाही. पुरुषांना जे अधिकार आहेत, स्त्रियांनाही तेच अधिकार आहेत.
  • इस्लाममध्ये महिलांना काझी होण्याचा अधिकार आहे. महिलांनीही पुरुषांशी युद्धे केली होकी. बहुतेक इस्लामिक पुस्तके पुरुषांनी लिहिली आहेत, म्हणून व्याख्या देखील पुरुष-केंद्रित आहे.
  • कुराण फक्त हिजाब बद्दल सांगतो, ज्याचा अर्थ आहे - बुरखा. यानंतरही, सांस्कृतिक फरकांमुळे, पडद्याचे वेगवेगळे अर्थ लावले गेले आहेत. अनेक देशांनी बुरख्याला हिजाब समजून तो अनिवार्य केला आहे.

शरिया कायदा इतका कडक का आहे?

शरियातील गुन्हेही दोन प्रकारात विभागले गेले आहेत. एक 'हद' आणि दुसरा 'तजिर'. गंभीर गुन्हे हद या श्रेणीत येतात. यासाठी शिक्षा कठोर आहे, जसे की चोरी आणि अनैतिक संबंध (विवाहबाह्य संबंध इ.). त्याच वेळी, खटल्यातील शिक्षेचा निर्णय न्यायाधीशांच्या निर्णयावर अवलंबून असतो.

अनेक देशांमध्ये, 'हद' श्रेणीतील गुन्ह्यांसाठी, गुन्हेगारांचे हात कापले जातात किंवा सार्वजनिक दगडफेक करून त्याला फाशीची शिक्षा दिली जाते. मात्र, या शिक्षेसंदर्भात मुस्लिम विद्वानांची मतं वेगवेगळी आहेत.

आता किती देशांमध्ये लागू आहे?

सध्या शरिया कायदा जगातील 15 हून अधिक देशांमध्ये कोणत्या ना कोणत्या प्रकारे अंमलात आणला जातो. शरिया कायद्याची पदवी आणि पद्धत देशानुसार बदलते. कुठे तो फक्त खासगी प्रकरणांमध्ये आणि कधीकधी फौजदारी प्रकरणांमध्ये देखील लागू होतो.

इस्लामिक क्रांतीने कसे बदलले इराणी महिलांचे जीवन?

इराणी महिलांना हिजाब घालण्याची अट 1979 च्या इस्लामिक क्रांतीनंतर लागू झाली. त्यापूर्वी, शाह पहलवीच्या राजवटीत इराण स्त्रियांच्या पोशाखाच्या बाबतीत पूर्णपणे स्वतंत्र होता. भारतात मुस्लिम मुलींनी हिजाब घालण्याच्या याचिकेवर सुप्रीम कोर्टात सुनावणी सुरू आहे. दिव्य मराठी एक्स्प्लेनरमध्ये आज आपण 1979 च्या इस्लामिक क्रांतीपूर्वी आणि नंतर इराणमधील महिलांच्या जीवनातील बदलांबद्दल जाणून घेणार आहोत... संपुर्ण बातमी वाचण्यासाठी येथे क्लिक करा.

शरीर उघडे दिसताच महिलांना ताब्यात घ्यायचे सदाचरण पोलिस

अमिनींच्या मृत्यूनंतर कुर्दिस्तानपासून तेहराणपर्यंत सदाचरण पोलिसांच्या विरोधात निदर्शने सुरू झाली. अमिनी यांच्या अंत्ययात्रेला मोठ्या संख्येने लोक उपस्थित होते. अंत्यसंस्कारात सहभागी महिलांनी हिजाब काढून निषेध केला. हिजाबविरोधातील आंदोलनादरम्यान अनेक महिलांनी केसही कापले. जवळपास 3 महिन्यांच्या निदर्शनांनंतर इराण सरकारने सदाचरण पोलिस व्यवस्था संपुष्टात आणण्याचा निर्णय घेतला आहे.दिव्य मराठी एक्स्प्लेनरमध्ये आम्ही सांगणार आहोत की इराण सरकारने रद्द केलेले सदाचरण पोलिस म्हणजे काय आहे? इराणच्या महिला याला विरोध का करत होत्या? संपुर्ण बातमी वाचण्यासाठी येथे क्लिक करा.

बातम्या आणखी आहेत...