ISIS प्रमुख अबू हुसैन अल-कुरेशी सीरियात ठार:तुर्कीच्या राष्ट्राध्यक्षांची घोषणा, तासाभराच्या ऑपरेशननंतर कुरेशीचा खातमा

सीरियामध्ये तुर्कीच्या गुप्तचर संस्थेने केलेल्या कारवाईत इसिस या दहशतवादी संघटनेचा प्रमुख अबू हुसैन अल-कुरेशी मारला गेला आहे. खुद्द तुर्कीचे राष्ट्राध्यक्ष रेसेप तैयप एर्दोगान यांनी ही माहिती दिली आहे. सरकारी माध्यमांना दिलेल्या मुलाखतीदरम्यान एर्दोगान म्हणाले की, गुप्तचर संस्था कुरेशीचा बराच काळ शोध घेत होत्या.

सीरियन सुरक्षा अधिकार्‍यांनी दिलेल्या माहितीनुसार, जंदारिस गावात ही कारवाई करण्यात आली. ज्यावर तुर्कस्तानचा पाठिंबा असलेल्या बंडखोरांचा ताबा आहे. अबू हुसैन अल-कुरेशीला गेल्या वर्षी 30 नोव्हेंबर रोजी ISIS चा प्रमुख बनवण्यात आले होते.

तुर्कीने मदरशात केलेल्या कारवाईत इसिसच्या प्रमुखाला केले ठार

जिंदारिसच्या लोकांनी एएफपी या वृत्तसंस्थेला सांगितले की, तुर्कस्तानच्या गुप्तचर संस्थेने ओसाड जमिनीवर बांधलेल्या मदरशात रात्री उशिरा ऑपरेशन केले. सुमारे तासभर ही लढाई चालली, त्यानंतर मोठा आवाज झाला. ज्यात अबू हुसैन अल-कुरेशी मारला गेला. मात्र, सीरियन नॅशनल आर्मीने यावर अद्याप कोणतीही प्रतिक्रिया दिलेली नाही.

तुर्कस्तानच्या या कारवाईपूर्वी एप्रिलमध्ये अमेरिकेने उत्तर सीरियामध्ये कारवाई करून दहशतवादी संघटना ISIS चे अनेक तळ उद्ध्वस्त केले होते. आणि 16 एप्रिल रोजी याच भागात ISIS च्या दहशतवाद्यांनी 41 जणांची हत्या केली होती. त्यापैकी 24 लोक सामान्य नागरिक होते.

इराण न्यायालयाकडून ओबामांना दंड

दुसरीकडे, 2017 मध्ये, तेथील एका न्यायालयाने ISIS हल्ल्यात इराणी लोकांच्या मृत्यूबद्दल ओबामांसह अनेक अमेरिकन अधिकाऱ्यांना 25,000 कोटी रुपयांचा दंड ठोठावला आहे. न्यायालयाने दंड वसूल करण्यासाठी दिलेल्या कारणांमध्ये अनेक पुस्तके आणि संशोधनांचा हवाला देऊन ISIS च्या निर्मितीला अमेरिका जबाबदार असल्याचे सांगण्यात आले आहे. म्हणूनच ISIS च्या हातून इराणी नागरिकांच्या मृत्यूचा दंड अमेरिकेने भरावा, असे यात म्हटले होते.