दोन महिला पंतप्रधानांच्या भेटीवर पत्रकाराचा विचित्र प्रश्न:फिनलँडच्या मरीन आणि न्यूझीलंडच्या जॅसिंडा यांना विचारले, समान वयाच्या आहात म्हणून भेटत आहात का?

फिनलँड पंतप्रधान सना मरीन आणि न्यूझीलंडच्या पंतप्रधान जॅसिंडा आर्डर्न या दोघींची भेट झाली आहे. या दोघांची ही पहिलीच भेट होती. यादरम्यान एका पत्रकाराने दोघींना त्यांच्या वयाबद्दल एक प्रश्न विचारला. सना मरीन या 37 वर्षांच्या आणि जॅसिंडा आर्डर्न 42 वर्षांच्या आहेत. दोघीही न्यूझीलंडमधील ऑकलंड येथे पत्रकारांशी बोलत होत्या. दरम्यान, एका पत्रकाराने दोघींना भेटण्याचे कारण विचारले.

पत्रकाराने काय विचारले?
पत्रकारांची प्रश्न विचारण्याची शैली खूपच वेगळी होती. पत्रकाराने विचारले की, तुमचे वय जवळपास समान आहे आणि तुम्ही दोघी महिला आहात. म्हणून तुम्ही दोघे भेटत आहात की फिनलंड आणि न्यूझीलंडमधील संबंधांवर चर्चा करण्यासाठी ही बैठक आयोजित केली होती.

याला जेसिंडा आर्डर्न यांनी अतिशय सोप्या पद्धतीने उत्तर दिले. त्या म्हणाल्या की, राजकारणात पुरुषांची संख्या जास्त असते हे आपल्याला माहीत आहे. पण जर दोन महिला नेत्या भेटल्या तर ते केवळ लिंगामुळे होत नाही. बराक ओबामा आणि जॉन की यांना असा प्रश्न कोणी विचारला असे मला वाटत नाही. सना मरीन म्हणाल्या की, आम्ही पंतप्रधान आहोत म्हणून भेटत आहोत. आमच्या दोघींमध्ये खूप साम्य आहे आणि आम्हाला एकत्र खूप काम करायचे आहे.

सोशल मीडियावर व्हायरल व्हिडिओ
या प्रश्नोत्तराचा एक व्हिडिओ सोशल मीडियावर मोठ्या प्रमाणात व्हायरल होत आहे. तो आतापर्यंत 1.5 दशलक्ष वेळा पाहिला गेला आहे. जॅसिंडा आर्डर्न आणि सना मरिन यांनी संयुक्त निवेदनात म्हटले आहे की, आम्ही फिनलंड-न्यूझीलंडमध्ये आयात-निर्यात, तंत्रज्ञान, रशिया-युक्रेन युद्ध, हवामान संकट, इराणमधील महिलांची स्थिती यासारख्या गंभीर मुद्द्यांवर चर्चा केली.

फिनलँडच्या पंतप्रधान सना मरीन यांचा व्हिडिओ सोशल मीडियावर व्हायरल झाला होता. यामध्ये आपल्या मैत्रिणींसोबत एका घरात पार्टीमध्ये सना नाचताना दिसत होत्या. या व्हिडिओवरून फिनलँडमध्ये वाद निर्माण झाला आहे. व्हिडिओ व्हायरल झाल्यानंतर सना यांनी ड्रग्ज घेतल्याचा आरोप विरोधकांनी केला होता. त्यांच्याकडून औषध चाचणीचीही मागणी केली जात होती. येथे वाचा पुर्ण बातमी

पंतप्रधान जेसिंडा अर्डर्न यांनी स्वतः लग्न रद्द केलं

न्यूझीलंडच्या पंतप्रधान जॅसिंडा आर्डर्न यांनी कोरोनाच्या प्रादूर्भावामुळे त्यांच्या खाजगी आयुष्याबाबत मोठा निर्णय घेतला होता. कोरोनामुळे त्यांनी त्यांचे लग्न रद्द करण्याचा निर्णय घेतला होता. रविवारी त्या म्हणाल्या, देशातील वाढत्या ओमायक्रॉन व्हेरिएंटला रोखण्यासाठी लादण्यात आलेल्या निर्बंधांमुळे लग्न रद्द करण्यात आले आहे.