भारत-चीन सीमावाद:जयशंकर म्हणाले - दोन्ही देशांची बातचित सुरू, मात्र काही गोष्टी गोपनिय; नात्यात बिघाड झाला तर दोघांनाही परिणाम भोगावे लागतील

भारताचे परराष्ट्र मंत्री जयशंकर यांनी भारत-चीन सीमा वादावर सुरू असलेल्या चर्चेवर भाष्य केले आहे. गुरुवारी ब्लूमबर्ग इंडिया इकॉनॉमिक फोरममध्ये जयशंकर यांनी म्हटले की, दोन्ही देशांमध्ये बातचित सुरू आहे. मात्र यामध्ये काही गोष्टी सीक्रेट आहेत. मात्र कोणत्याही प्रकारचा अंदाज लावण्याचा प्रयत्न करु नका. जर नात्यात दुरावा आला तर दोघांनाही परिणाम भोगावे लागतील.

जयशंकर असेही म्हणाले की, गेल्या 3 दशकांपासून भारत-चीनचे संबंधत कसे आहेत हे वास्तविक नियंत्रण रेषेत (एलएसी) किती शांतता आहे यावरुन ओळखले जाते. भारताने कधीही समस्या निर्माण केली नाही. सीमेवरील ताण कमी करण्यासाठी दोन्ही देश सातत्याने चर्चा करत आहेत.

'अंदाज लावू नका'
भारत-चीन चर्चेचा परिणाम काय होईल, असे मॉडरेटरने हे विचारले असता जयशंकर यांनी पुन्हा सांगितले की, काम प्रगतीपथावर आहे. वाटाघाटी सुरूच आहेत, परंतु बर्‍याच गोष्टी खात्री पटवून देणार्‍या आहेत. आत्ता सार्वजनिकरित्या काहीही बोलणे योग्य नाही. एलएसीला लागून असलेल्या भागात सैनिक तैनात करण्यात आले आहेत. यापूर्वी मागील महिन्यांत हे केले नव्हते.

जयशंकर यांच्या मते दोन्ही देशांमध्ये व्यापार (भारत-चीन) यासह अनेक मुद्दे आहेत. त्यांच्या सुधारणांचे मूल्यांकन एलएसी येथे शांतपणे केले जाते. सीमेवर शांतता प्रस्थापित करण्यासाठी दोन्ही देशांनी अनेक करार केले होते. जर आपण या कराराचा सन्मान केला नाही तर हे संबंध बिघडण्याचे मुख्य कारण असेल.

15 जून रोजी भारतीय सैनिकांवर लडाखच्या गालवान खोऱ्यात चिनी सैन्याने काटेरी तारांनी हल्ला केला होता. यात आपले 20 सैनिक शहीद झाले. 40 चीनी सैनिक मारले गेले, परंतु याची पुष्टी कधीच झालेली नाही. गलवाननंतर दोन्ही देशांमध्ये 7 फेऱ्यांची चर्चा झाली आहे. परंतु लडाखमधून सैन्य माघार घेण्याबाबत अद्यापपर्यंत कोणतेही ठोस निकाल लागलेले नाहीत.