आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

जपानचे लष्करी हेलिकॉप्टर बेपत्ता:ब्लॅक हॉक चॉपरमध्ये होते 10 जण, शोध सुरू; चीन व उत्तर कोरियावर संशय

2 महिन्यांपूर्वी
  • कॉपी लिंक

जपानचे एक लष्करी हेलिकॉप्टर गुरूवारी बेपत्ता झाले. यातून 10 जण प्रवास करत होते. हेलिकॉप्टर शोधण्यासाठी मोठे मोहीम सुरू करण्यात आली आहे. संरक्षण मंत्रालयानुसार, हे हेलिकॉप्टर प्रशिक्षण सराव करत होते. यादरम्यान मियाको बेटावर ते अचानकपणे रडारवरून गायब झाले. हा भाग तैवानच्या खूप जवळ आहे आणि येथून सामान्यपणे चीनचे फायटर जेट उड्डाण करत असतात.

हेलिकॉप्टरचा शोध सुरू

माध्यमांतील वृत्तांनुसार, हे UH60 हेलिकॉप्टर होते. सामान्यपणे याला ब्लॅक हॉक चॉपर म्हटले जाते. अमेरिकेकडून हे खरेदी करण्यात आले होते. आतापर्यंत हे स्पष्ट झाले नाही की, यातून किती लोक प्रवास करत होते. तथापि, काही रिपोर्टसमध्ये म्हटले आहे की यातून 10 जण प्रवास करत होते. 8 सैनिकांशिवाय 2 वैमानिक असल्याचे सांगितले जात आहे. या हेलिकॉप्टरवर एक आर्मी कमांडरही होता.

जपानचे पंतप्रधान फुमिया किशिदांनी म्हटले - आमचे नौदल आणि तटरक्षक दल मिशन मोडवर हेलिकॉप्टरचा शोध घेत आहेत. यावरील सर्व सैनिकांना कोणत्याही स्थितीत वाचवणे याला आमचे प्राधान्य आहे. उर्वरित गोष्टींवर नंतर चर्चा केली जाऊ शकते. या हेलिकॉप्टरने मायोकोझिमा वायूतळावरून उड्डाण केले होते. सुमारे 13 मिनिटांनंतर याचा संपर्क तुटला. काही मिनिटांतच ते रडारवरूनही गायब झाले. सध्या याविषयी जास्त माहिती दिली जाऊ शकत नाही.

भारतीय प्रमाणवेळेनुसार, हे हेलिकॉप्टर दुपारी सुमारे 3.10 वाजता मायको बेटावरील रडारवरून गायब झाले. तटरक्षक दल आणि नौदल टीम याचा शोध घेत आहेत. या भागात हेलिकॉप्टर बेपत्ता होण्याची ही पहिलीच घटना आहे.

जपानच्या लष्कराने म्हटले आहे की, ब्लॅक हॉक हेलिकॉप्टरचा वापर सामान्यपणे संवेदनशील सागरी क्षेत्रात निगराणीसाठी केला जातो.
जपानच्या लष्कराने म्हटले आहे की, ब्लॅक हॉक हेलिकॉप्टरचा वापर सामान्यपणे संवेदनशील सागरी क्षेत्रात निगराणीसाठी केला जातो.

चीन आणि उत्तर कोरियावर संशय

  • हा भाग तैवानपासून खूपच जवळ आहे. गेल्या काही दिवसांत चीनच्या फायटर जेटसनी इथून उड्डाण केले होते. याशिवाय उत्तर कोरियाने जी क्षेपणास्त्र चाचणी केली होती, ते क्षेपणास्त्रही याच समुद्रात पडले होते. सूत्रांनुसार- हा उत्तर कोरिया आणि चीनच्या फायरिंग रेंजचा वादग्रस्त भाग आहे. तथापि, कोणतीही दुर्घटना नाकारली जाऊ शकत नाही.
  • जपान आणि दक्षिण कोरियाकडून या भागाला पिवळा समुद्र असे संबोधले जाते. इथून काही अंतरावरच कोरियन बेट आणि चीनची सीमा आहे. काही दिवसांपूर्वीच उत्तर कोरियाचा हुकुमशहा किम जोंग उनच्या बहिणीने म्हटले होते की उत्तर कोरिया ज्या क्षेपणास्त्र चाचण्या घेत आहे, त्या या सागरी सीमेत पडू शकतात. फेब्रुवारीतही असे झाले होते.
  • जपानच्या या भागात अमेरिकन नौदलाचे काही सैनिक उपस्थित आहेत. सध्या अमेरिकेने यावर काहीही विधान केलेले नाही.

ही बातमीही वाचा...

आम्ही अणुयुद्धाच्या उंबरठ्यावर-उत्तर कोरिया:म्हटले- वाढत्या तणावासाठी अमेरिका आणि दक्षिण कोरिया जबाबदार