अमेरिकेत भारतीय तरुणाची हत्या:चोरट्यांचा व्हँकुव्हर शहरातील गॅस स्टेशन स्टोअरमध्ये गोळीबार, मागणी पूर्ण करूनही केले ठार

पंजाबच्या कपूरथला जिल्ह्यातील बिधीपूर गावच्या 2 तरुणांच्या हत्येनंतर याच जिल्ह्यातील आणखी एका तरुणाची अमेरिकेत हत्या झाली आहे. गुरुवारी जलाल भुलाना गावच्या 30 वर्षीय नवज्योतची चोरट्यांनी गोळ्या झाडून हत्या केली.

वॉशिंग्टनच्या व्हँकुव्हर शहरात ही घटना घडली. चोरट्यांनी त्यांची मागणी पूर्ण केल्यानंतरही त्याच्यावर गोळीबार केला. हल्लेखोरांनी गॅस स्टेशन स्टोअरमध्ये लुटमार करण्याच्या उद्देशाने प्रवेश केला. त्यानंतर झालेल्या झटापटीत नवज्योतचा मृत्यू झाला.

कुटुंब व गावावर शोककळा
मृतक वर्षभरापूर्वीच अमेरिकेला गेल्याची चर्चा आहे. या घटनेचे सीसीटीसी फुटेजही समोर आले आहे. दुसरीकडे, या घटनेची माहिती मिळताच पीडित कुटुंबासह संपूर्ण जलाल भुलाना गावावर शोककळा पसरली.

पीडित कुटुंबाच्या माहितीनुसार, 30 वर्षीय नवज्योत सिंग अजूनही बॅचलर होता. परदेशात स्थायिक होण्याचे त्याचे स्वप्न होते. तो अनेक वर्षांपासून परदेशात जाण्याचा प्रयत्न करत होता. गतवर्षी त्याच्या प्रयत्नांना यश आले.

मृतदेह मायदेशी आणण्याचे आवाहन
कुटुंबीयांच्या माहितीनुसार, नवज्योत वॉशिंग्टन राज्यातील व्हँकुव्हर शहरातील एका गॅस स्टेशनवर काम करत होता. दुकानात काम करत असताना हल्लेखोरांनी त्याच्यावर गोळ्या झाडल्या. या घटनेचे सीसीटीव्ही फुटेजही समोर आले आहे.

मृतांच्या नातेवाईकांनी राज्यसभा खासदार संत बलबीर सिंग सीचेवाल यांची भेट घेऊन नवज्योतचा मृतदेह मायदेशी परत आणण्याची विनंती केली आहे. दरम्यान, सीचेवाल यांनी पंजाबी तरुणाच्या अमेरिकेत झालेल्या हत्येवर तीव्र दु:ख व्यक्त केले आहे.