ऑस्ट्रेलियात खलिस्तानी कारस्थान थांबणार:PM मोदींच्या दौऱ्यापूर्वी खलिस्तानी नेत्यांच्या व्हिसाची तपासणी होणार

ऑस्ट्रेलियातील भारतविरोधी कारवायांवर तेथील सरकारने आता कठोर कारवाई करण्याची तयारी केली आहे. ऑस्ट्रेलियाची राजधानी कॅनबेरा येथे भारताविरोधातील खलिस्तानी कारस्थानांबाबत बैठक झाली. त्यानंतर कॅनबेराच्या अधिकाऱ्यांनी सांगितले की, सुरक्षा यंत्रणांना या प्रकरणी काम करण्यास सांगितले आहे.

ऑस्ट्रेलियात सुरू असलेल्या खलिस्तानी चळवळीच्या विस्ताराबाबत भारत सातत्याने तक्रार करत आहे. यासोबतच क्वाड नेत्यांच्या बैठकीत सहभागी होण्यासाठी पीएम मोदी ऑस्ट्रेलियालाही जाणार आहेत. त्यासंदर्भात तेथील अधिकाऱ्यांनी बैठक घेतली आहे. एका अधिकाऱ्याने सांगितले की, ऑस्ट्रेलियातील अनेक विदेशी घटकांकडून भारतविरोधी मोहीम चालवली जात असल्याची आम्हाला चिंता आहे.

परराष्ट्र मंत्री आणि गृहमंत्र्यांना दिली माहिती
ऑस्ट्रेलियन परराष्ट्र मंत्री पेनी वोंग आणि गृह व्यवहार मंत्री क्लेअर ओ'नील यांना देखील ऑस्ट्रेलियन अधिकाऱ्यांनी कळवले आहे की, ते लोकांच्या अभिव्यक्ती स्वातंत्र्याचा आदर करतात. पण, आता या स्वातंत्र्याच्या नावाखाली काहीतरी चुकीचे घडत असल्याचे दिसते.

खलिस्तानी नेत्यांच्या व्हिसाची चौकशी होणार
ऑस्ट्रेलिया टुडेच्या वृत्तानुसार, भारताविरुद्धचे षड्यंत्र रोखण्यासाठी तिथले सरकार आता त्या सर्व परदेशी नागरिकांच्या व्हिसाची तपासणी करत आहे. ज्यांना भारताविरुद्ध खलिस्तान बनवण्याच्या बाजूने सार्वमत घ्यायचे आहे.

ऑस्ट्रेलियन सरकारच्या कार्यक्रमात खलिस्तानी झेंडे
गेल्या महिन्यात, 19 नोव्हेंबर रोजी मेलबर्नमध्ये भारतीय समुदायाच्या कार्यक्रमात खलिस्तानींनी त्यांचे झेंडे फडकवले होते. या कार्यक्रमाला तेथील सरकारने निधी दिला होता. त्यानंतर ऑस्ट्रेलियात उपस्थित भारतीय अधिकाऱ्यांनी या प्रकरणाची कठोर चौकशी करण्याची मागणी सरकारकडे केली होती.