उत्तर कोरियाचे सैन्य युद्धासाठी सज्ज:हुकूमशहाचे लष्करी सराव तीव्र करण्याचे आदेश, मुलीसह क्षेपणास्त्र चाचणी पाहिली

उत्तर कोरियाचे अध्यक्ष किम जोंग उन यांनी सैन्याला युद्धासाठी लष्करी कवायती तीव्र करण्याचे आदेश दिले आहेत. किम यांनी यापुर्वीही आपल्या सैन्याला युद्ध कवायतींचा विस्तार आणि युद्ध तयारी मजबूत करण्याचे आदेश दिले आहेत. किम यांनी हा नवा आदेश 9 मार्च रोजी उत्तर कोरियाने केलेल्या 6 क्षेपणास्त्रांच्या चाचणीवेळी दिला होता.

या चाचणीचे फोटो शुक्रवारी समोर आले. फोटोंमध्ये किम जोंग त्याच्या मुलीसोबत दिसले. यावेळी अनेक वरिष्ठ लष्करी अधिकारी उपस्थित होते. कोरियन सेंट्रल न्यूज एजन्सीने (KCNA) फोटो जारी केले आहेत. यामध्ये किम जोंग आणि त्यांची मुलगी काळ्या जॅकेटमध्ये दिसले.

सैन्य दोन मोहिमांसाठी सज्ज
KCNA नुसार, लष्करी कवायतीदरम्यान किम यांनी सैन्याला युद्धाशी संबंधित सर्व परिस्थितींसाठी तयार राहण्यास सांगितले. ते म्हणाले की, सैनिकांनी दोन मोक्याच्या मोहिमांसाठी सज्ज असले पाहिजे. प्रथम - युद्ध थांबवणे आणि दुसरे - युद्ध सुरू करणे.

पाहा क्षेपणास्त्र चाचणीची छायाचित्रे...

उत्तर आणि दक्षिण कोरिया यांच्यातील वाढता तणाव
13 मार्चपासून अमेरिका आणि दक्षिण कोरियाच्या संयुक्त लष्करी सरावाच्या आधी ही चाचणी झाली आहे. मीडिया रिपोर्ट्सनुसार, या चाचणीचे कारण म्हणजे दक्षिण कोरिया आणि अमेरिका यांच्यातील जवळचे संबंध आहेत. त्यामुळे उत्तर आणि दक्षिण कोरियामध्ये तणाव वाढत आहे. उत्तर कोरियाने संयुक्त राष्ट्र सुरक्षा परिषदेच्या कायद्याचे उल्लंघन केले आहे, असे दक्षिण कोरियाचे मत आहे.

बंदी असतानाही उत्तर कोरियाकडून क्षेपणास्त्र चाचणी
संयुक्त राष्ट्रांनी म्हणजेच UN ने उत्तर कोरियावर आण्विक आणि बॅलेस्टिक किलरच्या चाचणीबाबत निर्बंध लादले आहेत. सोप्या भाषेत सांगायचे तर उत्तर कोरिया आण्विक आणि बॅलिस्टिक क्षेपणास्त्रांची चाचणी करू शकत नाही. असे असतानाही क्षेपणास्त्राच्या चाचण्या सातत्याने केल्या जात आहेत.

9 वर्षीय मुलगी उत्तर कोरियावर राज करण्याची शक्यता, बहिणीसह मुलीला देत आहे ट्रेनिंग

उत्तर कोरियाचा हुकूमशहा किम जोंग उन यांची प्रकृती बिघडल्याचा दावा काही माध्यमांनी केला आहे. यासंबंधीच्या वृत्तानुसार, किम जोंग उन सध्या आपली बहीण व 9 वर्षांच्या मुलीला भविष्यात देशाची सत्ता सांभाळण्यासाठी तयार करत आहे. यामागे उत्तर कोरियाची सूत्रे कायम आपल्या कुटुंबीयांकडे रहावीत असा त्याचा हेतू आहे.

उत्तर कोरियाने गत काही वर्षांत वेगवेगळ्या निमित्ताने जारी केलेल्या छायाचित्रांत किम जोंग उन यांचे वजन कमी झाल्याचे दिसून येत आहे. तेव्हापासूनच ते आजारी असल्याचे मानले जात आहे. येथे वाचा संपुर्ण बातमी.

किम जोंगची अमेरिका व दक्षिण कोरियाला धमकी

उत्तर कोरियाचा हुकूमशहा किम जोंग उन यांनी अमेरिका आणि दक्षिण कोरियाला अण्वस्त्र हल्ल्याची धमकी दिली आहे. राजधानी प्योंगयांगमध्ये लष्करी समारंभात किम बोलते होते. आपला देश अणुऊर्जा वापरण्यास तयार आहे. जर अमेरिका किंवा दक्षिण कोरियाशी युद्ध झाले तर आम्ही अणुऊर्जा वापरण्यास मागेपुढे पाहणार नाही, असेही त्यांनी म्हटले.

उत्तर कोरियाची अधिकृत वृत्तसंस्था KCNA ने किम यांच्या भाषणाची माहिती दिली आहे. काही मीडिया रिपोर्ट्सनुसार, उत्तर कोरिया लवकरच आणखी एक अणुचाचणी करणार आहे. अमेरिकेची गुप्तचर संस्था त्याच्या कृत्यांवर लक्ष ठेवून आहे. येथे वाचा संपुर्ण बातमी.