आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

ताश्कंदमध्ये SCO देशांच्या परराष्ट्र मंत्र्यांची बैठक:जयशंकर बिलावल भुट्टोंशी भेटणार, मोदी-शाहबाज यांची पुढील महिन्यात भेट शक्य

ताश्कंद6 महिन्यांपूर्वी
  • कॉपी लिंक

उझबेकिस्तानची राजधानी ताश्कंदमध्ये शांघाय सहकार्य संघटनेच्या (एससीओ) परराष्ट्र मंत्र्यांची बैठक सुरू झाली आहे. एससीओत भारत, चीन व पाकसह 8 स्थायी सदस्य आहेत. भारताच्यावतीने परराष्ट्र मंत्री एस. जयशंकर बैठकीत सहभागी झाले. पाकतर्फे बिलावल भुट्टो झरदारी नेतृत्व करत आहेत.

या बैठकीत 2 महत्वाच्या भेटी होण्याची शक्यता आहे. जयशंकर चीनचे परराष्ट्र मंत्री वांग यी यांच्याशी भेटण्याची शक्यता आहे. त्यात प्रत्यक्ष नियंत्रण रेषेवरील तणावावर चर्चा होऊ शकते. जयशंकर पाकचे परराष्ट्र मंत्री बिलावल भुट्टो यांनाही भेटण्याची शक्यता आहे. सप्टेबरमध्ये एससीओच्या राष्ट्राध्यक्षांची परिषद होणार आहे.

ताश्कंदमध्ये शुक्रवारी बैठक सुरू होण्यापूर्वी जयशंकर यांनी कझाकिस्तानचे परराष्ट्र मंत्री मुख्तार तिलुवर्दी यांची भेट घेतली.
ताश्कंदमध्ये शुक्रवारी बैठक सुरू होण्यापूर्वी जयशंकर यांनी कझाकिस्तानचे परराष्ट्र मंत्री मुख्तार तिलुवर्दी यांची भेट घेतली.

जयशंकर यांच्या 3 महत्वाच्या बैठकांवर नजर

  • SCO मध्ये भारत, चीन, रशिया, कझाकिस्तान, किर्गिस्तान, उझबेकिस्तान, ताजिकीस्तान व पाकिस्तानचा समावेश आहे. या सर्वच देशांचे परराष्ट्र मंत्री ताश्कंदमध्ये उपस्थित आहेत. भारताच्या दृष्टिकोनातून जयशंकर यांची चीन व रशियाच्या समकक्षांसोबतची बैठक महत्वाची आहे.
  • वांग यी व जयशंकरमध्ये एलएसीवरील तणावावर चर्चा होऊ शकते. या मुद्यावर दोन्ही देशांच्या लष्करी अधिकाऱ्यांतही चर्चेच्या अनेक फेऱ्या झाल्या आहेत. पण कोणताही ठोस निष्कर्श बाहेर आला नाही. वांग यी व जयशंकर या मुद्यावर तोडगा काढण्याचा प्रयत्न करू शकतात.
  • रशियाचे परराष्ट्र मंत्री सर्गेई लाव्हरोव्ह व जयशंकर यांच्या चर्चेत जगातील पुरवठा साखळी व अन्न संकटावर चर्चा होऊ शकते. रशिया-युक्रेन युद्धावरही जयशंकर यांची चर्चा होऊ शकते. यात शस्त्रसंधीचाही मुद्दा उपस्थित होऊ शकतो.
  • बिलावल-जयशंकर यांचीही भेट होण्याची शक्यता आहे. पाकिस्तानची अर्थव्यवस्था श्रीलंकेच्या मार्गावर आहे. शाहबाज सरकारवर भारतासोबत व्यापारी संबंध प्रस्थापित करण्याचा दबाव आहे. पाकच्या काही पत्रकारांच्या मते, सप्टेबरमध्ये मोदी-शाहबाज यांच्या संभाव्य मुलाखतीनंतर याविषयी ठोस निर्णय घेतला जाईल.
कझाकिस्तानच्या शिष्टमंडळाशी चर्चा करताना डॉक्टर एस. जयशंकर. या बैठकीत 2 वर्षांत झालेल्या प्रगतीवर चर्चा झाली.
कझाकिस्तानच्या शिष्टमंडळाशी चर्चा करताना डॉक्टर एस. जयशंकर. या बैठकीत 2 वर्षांत झालेल्या प्रगतीवर चर्चा झाली.

जयशंकर मुत्तकी यांनाही भेटणार?

या बैठकीत अफगाणिस्तान, बेलारूस, इराण व मंगोलिया हे चार निरिक्षक देशही सहभागी होणार आहेत. अफगाणच्या तालिबानी राजवटीला अद्याप कोणत्याही देशाने मान्यता दिली नाही. मोदी सरकार प्रत्येक पातळीवर अफगाणची मदत करत आहे. त्यामुळे जयशंकर अफगाणचे काळजीवाहू परराष्ट्र मत्री आमिर खान मुत्तकी यांना भेटतील असा दावा केला जात आहे. भारत सरकार व तालिबानमधील ही पहिली उच्चस्तरीय भेट असेल.

जयशंकर ताश्कंदमध्ये अफगाणचे काळजीवाहू परराष्ट्र मंत्री आमिर खान मुत्तकी यांची भेट घेतील असा अंदाज आहे.
जयशंकर ताश्कंदमध्ये अफगाणचे काळजीवाहू परराष्ट्र मंत्री आमिर खान मुत्तकी यांची भेट घेतील असा अंदाज आहे.

सप्टेबर महिना महत्वाचा

SCO साठी सप्टेबर महिना अत्यंत महत्वाचा ठरणार आहे. सर्वच 8 देशांचे राष्ट्राध्यक्ष उझबेकिस्तानच्या समरकंदमध्ये एकत्र येतील. 15 व 16 सप्टेबरपर्यंत हे संमेलन चालेल. या बैठकीत चीनची राष्ट्राध्यक्ष शी जिनपिंग व पाकिस्तानचे पंतप्रधान शाहबाज शरीफ यांच्यासह रशियाचे राष्ट्राध्यक्ष ब्लादिमीर पुतीनही सहभागी होणार आहेत.

पाकच्या तज्ज्ञांनी बॅकडोअर डिप्लोमसी व अमेरिकेच्या हस्तक्षेपामुळे या बैठकीत पंतप्रधान नरेंद्र मोदी व त्यांचे पाक समकक्ष शाहबाज शरीफ यांची भेट होईल असा दावा केला आहे.

बातम्या आणखी आहेत...
    अ‍ॅप उघडा
    Our Divisions

    Copyright © 2022-23 DB Corp ltd., All Rights Reserved

    This website follows the DNPA Code of Ethics.

    फीडबॅक द्या