2 महिन्यांत मोदी सहाव्यांदा कर्नाटक दौऱ्यावर:मंड्यामध्ये म्हणाले - काँग्रेस माझी कबर खोदण्यात व्यस्त, मी एक्स्प्रेस वे बनवण्यात मस्त

येत्या दोन महिन्यांत कर्नाटकात विधानसभेच्या निवडणुका होणार आहेत. अशा परिस्थितीत पंतप्रधान नरेंद्र मोदी रविवारी पुन्हा एकदा कर्नाटकातील मंड्या येथे पोहोचले. कर्नाटकात ते सुमारे 16 हजार कोटींचे प्रकल्प जनतेला समर्पित करत आहेत. पंतप्रधान मोदींनी सर्वप्रथम मंड्यामध्ये रोड शो केला. यानंतर त्यांनी बंगळुरू- म्हैसूर हायवेअंतर्गत 12608 कोटी रुपयांच्या 6 लेन राष्ट्रीय महामार्गाचे उद्घाटन केले.

कार्यक्रमादरम्यान पीएम मोदींनी काँग्रेसवर निशाणा साधला आणि म्हणाले- "डबल इंजिन सरकारच्या प्रयत्नांमध्ये काँग्रेस आणि त्यांचे सहयोगी काय करत आहेत. काँग्रेस मोदींची कबर खोदण्याचे स्वप्न पाहत आहे आणि मोदी बेंगळुरू-म्हैसुरू एक्सप्रेस वे बांधण्यात मस्त आहेत. मोदी गरिबांचे जीवन सुसह्य करण्यात व्यस्त आहे. कारण देशातील जनतेचे आशीर्वाद हे मोदींचे सर्वात मोठे सुरक्षा कवच आहे."

बंगळुरू-म्हैसूर द्रुतगती मार्ग बंगळुरूच्या बाहेरील NICE रोडजवळ सुरू होतो आणि म्हैसूरमधील बाह्य रिंगरोड जंक्शनजवळ संपतो. त्याचे बहुतांश भाग वाहनांसाठी खुले करण्यात आले आहेत. या द्रुतगती मार्गावर 8 किमी लांबीचा उन्नत मार्ग, 9 मोठे पूल, 42 छोटे पूल, 64 अंडरपास, 11 ओव्हरपास, चार रोड-ओव्हर-ब्रिज आणि पाच बायपास बांधण्यात आले आहेत.

पंतप्रधानांनी म्हैसूर-कुशालनगर 4-लेन महामार्गाची पायाभरणीही केली. सुमारे 4130 कोटी रुपये खर्चून 92 किलोमीटरचा हा प्रकल्प विकसित केला जाणार आहे. हे कुशलनगरची बंगळुरूशी जोडणी वाढवण्यास मदत करेल. प्रवासाचा वेळ 5 वरून केवळ 2.5 तासांपर्यंत कमी केला जाईल.

जगातील सर्वात लांब प्लॅटफॉर्मचे करणार उद्घाटन

यादरम्यान, पंतप्रधान दुपारी 4 वाजता काँग्रेस-जेडीएसच्या मंड्या आणि हुबळी-धारवाड या जिल्ह्यात सुमारे 16 हजार कोटी रुपयांच्या प्रकल्पांची पायाभरणी करतील. त्यानंतर ते श्री सिद्धरुद्ध स्वामीजी हुबळी स्थानकावरील जगातील सर्वात लांब रेल्वे प्लॅटफॉर्म राष्ट्राला समर्पित करतील.

याची नुकतीच गिनीज बुक ऑफ वर्ल्ड रेकॉर्डने नोंद घेतली आहे. प्लॅटफॉर्मची लांबी 1,507 मीटर म्हणजे सुमारे दीड किलोमीटर आहे. याशिवाय पंतप्रधान होसापेटे रेल्वे स्थानकाचे उद्घाटनही करणार आहेत. हंपीच्या स्मारकांच्या धर्तीवर हे स्थानक विकसित करण्यात आले आहे.

हंपीच्या स्मारकांच्या धर्तीवर विकसित झालेले होसापेटे रेल्वे स्थानकाचे पाहा फोटोज...

बेंगळुरू-म्हैसूर एक्स्प्रेस वेचे उद्घाटन

त्यानंतर ते बंगळुरू-म्हैसूर एक्सप्रेसवे (NH-275) चे उद्घाटन करतील. 118 किलोमीटर लांबीचा हा महामार्ग सुमारे 8480 कोटी रुपये खर्चून तयार करण्यात आला आहे. यामुळे दोन्ही शहरांमधील प्रवासाचा वेळ निम्म्यावर येईल. सध्या बंगळुरूहून म्हैसूरला पोहोचायला 3 तास ​​लागतात. हा महामार्ग सुरू झाल्यानंतर दोन्ही शहरांमधील अंतर अवघ्या 75 मिनिटांत कापता येणार आहे.

बंगळुरू-म्हैसूर एक्स्प्रेस वे बंगळुरूच्या बाहेरील NICE रोडजवळ सुरू होतो. तो म्हैसूरमधील आऊटर रिंग रोड जंक्शनजवळ संपतो. त्याचे बहुतांश भाग वाहनांसाठी खुले करण्यात आले आहेत. या द्रुतगती मार्गावर 8 किमी लांबीचा उन्नत मार्ग, 9 मोठे पूल, 42 छोटे पूल, 64 अंडरपास, 11 ओव्हरपास, चार रोड-ओव्हर-ब्रिज आणि 5 बायपास बांधण्यात आले आहेत.

बंगळुरू-म्हैसूर एक्स्प्रेस वे फोटोंमध्ये पाहा...

म्हैसूर-खुशालनगर चौपदरी महामार्गाची पायाभरणी

याशिवाय ते म्हैसूर-खुशालनगर चौपदरी महामार्गाची पायाभरणीही करणार आहेत. हा 92 किलोमीटरचा महामार्ग 4,130 कोटी रुपयांमध्ये बांधला जाणार आहे. या प्रकल्पामुळे खुशालनगरची बंगळुरूशी जोडणीही सुधारेल. याशिवाय आता 5 तासांचा प्रवासाचा वेळही अर्धा म्हणजेच 2.5 तासांवर आणला जाईल.

पंतप्रधानांच्या हस्ते IIT धारवाडचे उद्घाटन

मंड्यातील अनेक प्रकल्पांचे उद्घाटन केल्यानंतर, 850 कोटी रुपयांहून अधिक खर्च करून विकसित केलेल्या IIT धारवाडचे उद्घाटन करण्यासाठी पंतप्रधान धारवाडला जातील. फेब्रुवारी 2019 मध्ये पंतप्रधानांच्या हस्ते संस्थेची पायाभरणी करण्यात आली होती.