2046 मध्ये नष्ट होणार जग?:पृथ्वीवर धडकणार विशाल लघुग्रह, NASA ने जारी केला धोक्याचा इशारा!

2046 मध्ये व्हॅलेंटाईन डेला एक लघुग्रह पृथ्वीवर धडकू शकतो, असा इशारा नासाने दिला आहे. नासा या लघुग्रहावर पूर्णपणे लक्ष ठेवून आहे. शास्त्रज्ञांना दोन आठवड्यांपूर्वीच असे आढळून आले की, हा लघुग्रह मोठ्या धोक्याचे कारण बनू शकतो, तथापि त्याची शक्यता कमी आहे. पण तरीही शास्त्रज्ञांनी तो धोक्याच्या यादीत वरच्या स्थानावर ठेवला आहे. हा लघुग्रह 2023DW म्हणून ओळखला जातो. नासाच्या म्हणण्यानुसार, 26 फेब्रुवारीला पहिल्यांदा याचा शोध लागला.

सीबीएस न्यूजनुसार, नासाने या लघुग्रहाला जोखमीच्या यादीत टाकले आहे. पृथ्वीवर परिणाम करणाऱ्या लघुग्रहाचे नाव या यादीत आहे आणि सध्या फक्त 2023DW ला क्रमांक 1 वर ठेवण्यात आले आहे. शास्त्रज्ञांनी सांगितले की, सध्या यापासून कोणताही धोका नाही. जोखीम यादीनुसार, 2047 ते 2051 दरम्यान व्हॅलेंटाईन डेवर लघुग्रहाचा प्रभाव पडण्याची शक्यता आहे.

NASA ने ट्विट केले की, 'आम्ही 2023 DW नावाच्या एका नवीन लघुग्रहाचा मागोवा घेत आहोत, जो 2046 मध्ये पृथ्वीवर आदळण्याची फारच कमी शक्यता आहे. बर्‍याचदा जेव्हा नवीन वस्तू पहिल्यांदा शोधल्या जातात तेव्हा अनिश्चितता कमी करण्यासाठी आणि भविष्यात त्यांच्या कक्षाचा पुरेसा अंदाज लावण्यासाठी अनेक आठवडे डेटा लागतो. नासाच्या प्लॅनेटरी डिफेन्स कोऑर्डिनेशन ऑफिसचे म्हणणे आहे की अद्याप खूपच कमी आहे.