न्यूयॉर्क सुपरमार्केटमध्ये गोळीबार:सुरक्षा रक्षकासह 10 ठार, 3 जखमी; ठार झालेल्यांमध्ये 11 कृष्णवर्णीय, हल्लेखोर अटक

न्यूयॉर्कमधील बफेलो भागातील एका सुपरमार्केटमध्ये शनिवारी गोळीबार असून यामध्ये आतापर्यंत 10 जणांचा मृत्यू झाल्याची पुष्टी झाली आहे. या गोळीबारात 3 जण जखमीही झाले आहेत. मृतांमध्ये एका सुरक्षा रक्षकाचाही समावेश आहे. शनिवारी दुपारी 2.30 वाजता (भारतीय वेळेनुसार रविवारी रात्री 12 वाजता) ही घटना घडली. ज्या 13 जणांवर गोळ्या झाडल्या त्यापैकी 11 जण कृष्णवर्णीय आहेत.

ज्या भागात ही घटना घडली तोही कृष्णवर्णीयबहुल परिसर आहे. पोलीस जातीय हल्ल्याच्या अँगलनेही तपास करत आहेत. हल्ल्यानंतर आरोपीला अटक करण्यात आली आहे. त्याला न्यायालयात हजर करण्यात आले असून, त्याच्यावर फर्स्ट डिग्री हत्येचा आरोप ठेवण्यात आला आहे. व्हाईट हाऊसचे प्रेस सेक्रेटरी जीन-पियरे म्हणाले की, अध्यक्ष जो बायडेन यांना गोळीबार आणि त्यानंतरच्या तपासाबाबत सातत्याने माहिती दिली जात आहे.

सुपरमार्केटच्या ग्रॉसरी दुकानात शूटिंग
बफेलो पोलिसांनी दिलेल्या माहितीनुसार, टॉप्स सुपरमार्केट किराणा दुकानात गोळीबार झाला. 18 वर्षीय पेटन एस. गेंडरॉन असे हल्लेखोराचे नाव आहे. हल्ल्यासाठी तो मिलिटरी स्टाइल गीअर्ससह सुपरमार्केटमध्ये घुसला होता. त्याने बुलेटप्रूफ जॅकेटही घातले होते. हल्लेखोराने हेल्मेटला कॅमेरा लावून हल्ल्याचे लाईव्ह स्ट्रीमिंगही केले. मात्र, त्याचे फुटेज सध्या उपलब्ध नाही.

हल्लेखोराने काळ्या रंगाचे हेल्मेट घातले होते
हल्ल्यादरम्यान, सुपरमार्केटमध्ये उपस्थित असलेल्या एका प्रत्यक्षदर्शीने सांगितले की, हल्लेखोराचे वय अंदाजे 18-20 वर्षे असावे. तो गोरा होता आणि त्याने लष्करी शैलीचे कपडे आणि काळे हेल्मेट घातले होते. गोळीबारानंतर तो आपली हनुवटीवर बंदूक घेऊन उभा राहिला. दोन बफेलो पोलिस त्याच्याशी बोलले आणि त्याने आपली रायफल फेकून देऊन आत्मसमर्पण केले.

पार्किंगमधून बाहेर पडणाऱ्या लोकांवर हल्ला केला
एका पोलीस अधिकाऱ्याने सांगितले की, व्हिडिओमध्ये बंदूकधारी आपली कार सुपरमार्केटसमोर पार्क करताना दिसत आहे. त्याच्या शेजारच्या सीटवर एक रायफल ठेवली आहे. पार्किंगमधून बाहेर पडणाऱ्या लोकांवर त्याने हल्ला केला.