ख्रिस हिपकिन्स न्यूझीलंडचे नवे पंतप्रधान:गव्हर्नर जनरल यांनी दिली शपथ; 2008 मध्ये पहिल्यांदा खासदार म्हणून आले होते निवडून

न्यूझीलंडचे नवे पंतप्रधान ख्रिस हिपकिन्स हे बनले आहेत. राजधानी वेलिंग्टन येथे आज झालेल्या एका अधिकृत समारंभात गव्हर्नर जनरल सिंडी किरो यांनी त्यांना शपथ दिली. ख्रिस यांना लेबर कॉकसने औपचारिकपणे मान्यता दिली. यानंत ते पंतप्रधान होण्यासोबतच लेबर पार्टीचे नेतेही बनले आहेत. नवीन पंतप्रधानपदाच्या शर्यतीत ते एकमेव उमेदवार होते.

ख्रिस म्हणाले की,ही माझ्यासाठी खूप मोठी जबाबदारी आहे. मी पुढे येणारी आव्हाने आणि जबाबदाऱ्या स्वीकारण्यास तयार आहे.

न्यूझीलंडमध्ये लेबर पार्टी 2017 पासून सत्तेत आहे. त्यामुळे सत्तेविरोधी लहर खूप जास्त आहे. बीबीसीच्या म्हणण्यानुसार, न्यूझीलंड सध्या महागाई आणि सामाजिक समानतेशी झुंजत आहे. त्यामुळे लेबर पार्टीच्यालोकप्रियतेत लक्षणीय घट झाली आहे. त्यामुळे ख्रिस यांच्यासमोर मोठे आव्हान असणार आहे.

कोरोनामध्ये चांगले काम करून छाप पाडली
44 वर्षीय ख्रिस हिपकिन्स 2008 मध्ये पहिल्यांदा खासदार म्हणून निवडून आले होते. पंतप्रधान होण्यापूर्वी ते पोलिस, शिक्षण आणि लोकसेवा मंत्री होते. जेसिंडा आर्डर्न यांच्या राजीनाम्यानंतर ख्रिस पंतप्रधान झाले आहेत. मात्र, ते या पदावर किती काळ राहतील याची माहिती मिळालेली नाही. कारण न्यूझीलंडमध्ये ऑक्टोबर 2023 मध्ये सार्वत्रिक निवडणुका होणार आहेत.

ख्रिस हिपकिन्स यांना महामारीचा सामना करण्यासाठी 2020 मध्ये कोविड मंत्री करण्यात आले होते. त्यादरम्यान ख्रिसच्या कामाचे जगभरात कौतुक झाले. कोरोना महामारीच्या 3 वर्षांत न्यूझीलंडमध्ये केवळ 2 हजार 437 मृत्यूची नोंद झाली.

जॅसिंडा यांचा पंतप्रधान म्हणून शेवटचा दिवस
आज जॅसिंडा आर्डर्न यांचा पंतप्रधान म्हणून शेवटचा दिवस होता. यावेळी त्या खूपच भावूक झाल्या. संसद भवनात सर्व कायदेतज्ज्ञांनी त्यांची गळाभेट घेतली. यानंतर त्या गव्हर्नमेंट हाऊसमध्ये पोहोचल्या, जिथे तिने औपचारिकपणे राजा चार्ल्स यांच्याकडे राजीनामा सुपूर्द केला. 19 जानेवारीला राजीनामा जाहीर करताना जेसिंडा म्हणाल्या होत्या की, कुटुंबासोबत वेळ घालवण्यासाठी मी पद सोडत आहे. आणखी चार वर्षे नेतृत्व करण्याची माझ्यात हिंमत नाही. न्यूझीलंडच्या विकासात योगदान देण्यासाठी माझ्याकडे काहीही उरले नाही. मी पदावर राहिल्यास देशाचे नुकसान होईल. जेवढे करता येईल तेवढे मी केले. आता दुसऱ्याने जबाबदारी घ्यावी.

राजा चार्ल्सच्या यांच्याकडे का सोपवला राजीनामा
किंग चार्ल्स हे 14 राष्ट्रकुल देशांचे सम्राट आहेत. यापैकी एक देश न्यूझीलंड देखील आहे. या देशांमध्ये राजाचे अधिकार मोठ्या प्रमाणात प्रतीकात्मक आहेत. बहुतेक देशांमध्ये, राजकीय निर्णय निवडून आलेल्या संसदेद्वारे घेतले जातात आणि पंतप्रधानांद्वारे त्याची अंमलबजावणी केली जाते. म्हणजेच राजा हा देशाचा प्रमुख असतो, पण सरकारचा प्रमुख नसतो.

राजाकडे काही घटनात्मक कर्तव्ये असतात. त्यातील सर्वात महत्त्वाची म्हणजे नवीन सरकारांला मान्यता देणे. ही कर्तव्ये देशानुसार बदलतात. जसे की कायद्याला औपचारिक मान्यता देणे, काही अधिकाऱ्यांची नियुक्ती करणे आणि राष्ट्रीय सन्मान बहाल करणे.

राजीनाम्याचे गुप्त कारण नाही, मी देखील माणूस- जसिंडा

जसिंडा म्हणाल्या होत्या की, राजीनाम्यामागे कोणतेही रहस्य नाही. मी पण माणूस आहे. मला जेवढे करता आले तेवढे मी केले. शक्य होईल तितक्या वेळा मी प्रश्न मार्गी लावले. आता माझी राजीनामा देण्याची वेळ आली आहे. जसिंडा यांचा जन्म 26 जुलै 1980 रोजी हॅमिल्टन, न्यूझीलंड येथे झाला. त्याचे वडील रॉस अर्डेन हे पोलिस अधिकारी होते. आई लॉरेल गृहीणी होत्या. जसिंडा यांना राजकारणात रस होता. म्हणूनच त्यांनी 2001 मध्ये वयाच्या अवघ्या 18 व्या वर्षी न्यूझीलंडच्या लेबर पार्टीमध्ये प्रवेश केला.​​​​​​​ येथे वाचा संपुर्ण बातमी.

​​​​​​​

पंतप्रधान जेसिंडा अर्डर्न यांनी स्वतः लग्न रद्द केलं

जॅसिंडा आर्डर्न यांनी कोरोनाच्या प्रादूर्भावामुळे त्यांच्या खाजगी आयुष्याबाबत मोठा निर्णय घेतला होता. कोरोनामुळे त्यांनी त्यांचे लग्न रद्द करण्याचा निर्णय घेतला होता. त्या म्हणाल्या होत्या की, देशातील वाढत्या ओमायक्रॉन व्हेरिएंटला रोखण्यासाठी लादण्यात आलेल्या निर्बंधांमुळे लग्न रद्द करण्यात आले आहे.