US प्रेसिडेंट निवडणूक 2024:भारतीय वंशाच्या निक्की हेली होवू शकतात रिपब्लिकन उमेदवार; डोनाल्ड ट्रम्प विरुद्ध लढावे लागणार

भारतीय वंशाच्या निक्की हेली यांनी 2024 च्या अध्यक्षीय निवडणुकीत रिपब्लिकन पक्षाची उमेदवार होणार असल्याचे जाहीर केले आहे. निक्की औपचारिक उमेदवार होण्यासाठी प्राथमिक निवडणूक लढवणार आहेत.

51 वर्षीय निक्की या दक्षिण कॅरोलिनाच्या गव्हर्नर होत्या. डोनाल्ड ट्रम्प अध्यक्ष असताना त्यांनी निक्की यांना यूएनमध्ये अमेरिकेचे राजदूत बनवले होते. त्या काळात विरोधी पक्ष डेमोक्रॅट्सनेही संस्थेच्या कामाचे खुलेपणाचे कौतुक केले. तथापि, जर निक्की यांना 2024 च्या अध्यक्षीय निवडणुकीसाठी अधिकृत उमेदवार बनायचे झाले तर त्यांना प्राथमिक निवडणुकीत त्यांचा आधीचे प्रमुख डोनाल्ड ट्रम्प यांचा पराभव करावा लागेल.

15 फेब्रुवारीला जाहीर करणार रणनीती
'फॉक्स न्यूज'नुसार- निक्की 15 फेब्रुवारी रोजी चार्ल्सटन (दक्षिण कॅरोलिना) येथे होणाऱ्या अध्यक्षीय निवडणुकीसाठी रिपब्लिकन पक्षाचे उमेदवारी मिळविण्यासाठी त्यांची संपूर्ण रणनीती जाहीर करणार आहे. रिपब्लिकन पक्षाच्या प्राथमिक निवडणुकीच्या वेळापत्रकात दक्षिण कॅरोलिना तिसऱ्या क्रमाकांवर आहे. म्हणजेच याआधी अन्य दोन राज्यात पक्षाचे उमेदवार निवडून येतील. निक्की यांच्या आधी फक्त ट्रम्प यांनी 2024 मध्ये निवडणूक लढवण्याची घोषणा केली होती.

असे मानले जाते की, गेल्या निवडणुकीत पराभूत होऊनही, रिपब्लिकन पक्षात ट्रम्प यांचे वर्चस्व आणि लोकप्रियता अबाधित आहे. आणि 2024 मध्ये ते रिपब्लिकन पक्षाचे अध्यक्षपदाचे उमेदवार बनण्याची शक्यता आहे. 2018 मध्येही निक्की निवडणूक लढवणार असल्याची अटकळ सुरू झाली होती. पण तसे झाले नाही. 2020 मध्ये माइक पेन्सच्या जागी त्यांना उपराष्ट्रपती बनवले जाऊ शकते, असे सांगण्यात आले. मात्र, ही संधी देखील त्यांची हुकली होती.

ट्रम्प यांना दिली होती माहिती

शर्यतीत किती नावे आहेत

कशा असतात प्राथमिक आणि कॉकस निवडणुका