जीवनशैली:आता जिम प्रशिक्षक देताहेत बागकामाचा सल्ला; यामध्ये आरोग्याचे उत्तम संतुलन

नियमित व्यायाम करणे फायदेशीर आहे हे माहीत असूनही अनेक लोक आपल्या दैनंदिन जीवनात त्याचा समावेश करू शकत नाहीत. पण नियमित व्यायामाचा अर्थ फक्त जिमला जाणे किंवा धावणे असा नाही. आता जिम प्रशिक्षक आणि फिजिकल ट्रेनर जिममध्ये येणाऱ्यांना आठवड्यातून दोनदा बागकाम करण्याचा सल्ला देत आहेत. आवड म्हणून बागकाम करणे मानसिक आरोग्यासाठी चांगले मानले गेले आहे. अमेरिकींसाठी शारीरिक हालचाल मार्गदर्शक तत्त्वांनुसार, बागकाम हा तरुणांसाठी एक उत्तम व्यायाम प्रकार असू शकतो. त्याच वेळी, ज्येष्ठ नागरिकही त्यांच्या क्षमतेनुसार करू शकतात. यामध्ये दुखपतीची शक्यता कमी असते.रोग नियंत्रण आणि प्रतिबंध केंद्रानुसार, सरासरी ७० किलो वजनाची व्यक्ती एका तासासाठी बागकामात ३३० कॅलरी जाळते. गोल्फ खेळण्यासाठी किंवा नृत्यासाठी जेवढा खर्च येतो तेवढाच हा आहे.सॅन फ्रान्सिस्कोमधील फिटनेस इन्स्ट्रक्टर ऋषी मंडल म्हणाले, की या वर्षी तंदुरुस्तीसाठी बागकाम हा ट्रेंड आहे.आम्ही ग्राहकांना दिनचर्येत बागकामाचा समावेश करण्याचा सल्ला देतो.

दोन तास बागकाम केल्याने मूडमध्ये सुधारणा आठवड्यातून दोन तास बागेत काम केल्याने मूड सुधारतो. यामुळे एकटेपणा आणि तणाव दूर होतो. या मेहनतीचे फळ ताजे टोमॅटो किंवा भेंडीच्या रूपात दिसल्यावर व्यायाम म्हणून बागकाम करण्याचा सर्वात मोठा फायदा होतो, असे नॅशव्हिलचे टॉम अॅडकिन्सन सांगतात.