आता पेगासस नाही हर्मिट स्पायवेअरचा धोका:अनेक देशांतील नागरिकांची हेरगिरी सुरू; व्यापारी, राजकारणी, पत्रकार निशाण्यावर

पेगासस स्पायवेअरचे नाव तुम्ही ऐकले असेलच. लोकांची हेरगिरी करणाऱ्या या सॉफ्टवेअरवर भारतात बराच गदारोळ झाला होता. दरम्यान, लोकांची हेरगिरी करणारे असेच आणखी एक सॉफ्टवेअर समोर आले असून, ते पेगासससारखेच धोकादायक असल्याचे बोलले जात आहे. त्याचे नाव हर्मिट स्पायवेअर आहे. सायबर सुरक्षा कंपनी लुकआउट थ्रेट लॅबने याबाबत खुलासा केला आहे.

कंपनीच्या म्हणण्यानुसार, आता सरकार पेगासस ऐवजी नवीन अँड्रॉईड व्हर्जन स्पायवेअर हर्मिट वापरत आहे. लुकआउटने आपल्या रिपोर्टमध्ये सांगितले आहे की या स्पायवेअरचा वापर अनेक देशांमध्ये लोकांची हेरगिरी करण्यासाठी केला जात आहे. सरकारी अधिकारी, व्यापारी, मानवाधिकार कार्यकर्ते, पत्रकार, राजकीय नेते आणि शिक्षण क्षेत्राशी संबंधित लोक हे त्याचे लक्ष्य आहेत.

हा स्पायवेअर कझाकिस्तानमध्ये दिसला होता

कंपनीच्या संशोधकाला असे आढळले की हे स्पायवेअर कझाकिस्तानमध्ये आढळले आहे. तेथील सरकार लोकांची हेरगिरी करण्यासाठी त्याचा वापर करत आहे. याआधी चार महिन्यांपूर्वी कझाकिस्तान सरकारने जबरदस्तीने दडपलेल्या सरकारच्या धोरणाविरोधात या देशात निदर्शने करण्यात आली होती. या घटनेनंतरच ही बाब समोर आलीये.. सीरिया आणि इटलीमधील युजर्सच्या फोनमध्येही हे स्पायवेअर दिसले आहे.

इटालियन कंपनीने हे स्पायवेअर तयार केले आहे

हे स्पायवेअर शोधणाऱ्या संशोधकाने त्याच्या ब्लॉगमध्ये लिहिले आहे की त्याच्या विश्लेषणावर आधारित, हर्मिट स्पायवेअर इटालियन स्पायवेअर विक्रेते RCS लॅब आणि टायकेलॅब SRL यांनी विकसित केले आहे. ही एक टेलिकम्युनिकेशन सोल्यूशन कंपनी आहे, जी या स्पायवेअरच्या मागे काम करत आहे. संशोधकाच्या मते, इटालियन सरकारने 2019 मध्ये भ्रष्टाचारविरोधी मोहिमेसाठी याचा वापर केला.

RCS लॅब 30 वर्षांहून अधिक काळ सक्रिय आहे आणि पेगासस विकसक NSO ग्रुप आणि फिनफिशर डेव्हलपर गामा ग्रुपच्या मार्केटमध्ये कार्यरत आहे. अहवालानुसार, लॅबचे पाकिस्तान, चिली, मंगोलिया, बांगलादेश, व्हिएतनाम, म्यानमार आणि तुर्कमेनिस्तानच्या लष्करी आणि गुप्तचर संस्थांशी संबंध आहेत.

हर्मिट स्पायवेअर कसे कार्य करते

लुकआउट कंपनीने आपल्या अहवालात म्हटले आहे की, हा एक मॉड्युलर स्पायवेअर आहे, जो डाउनलोड केल्यानंतर त्याचे काम सुरू करतो. रिपोर्टनुसार हे सॉफ्टवेअर टार्गेट मोबाईलमध्ये SMS द्वारे इन्स्टॉल करण्यात आले आहे. हे फिशिंग हल्ल्यासारखे काम करते.

हे हर्मिट स्पायवेअर डाऊनलोड झाल्यानंतर लगेचच काम करण्यास सुरुवात करते, जसे की ते ऑडिओ रेकॉर्ड करू शकते, कॉल करू शकते आणि कॉल रीडायरेक्ट करू शकते. हे कॉल लॉग, डिव्हाइस स्थान आणि SMS डेटा गोळा करू शकते.

अहवालात असे सांगण्यात आले आहे की कंपनीला त्याच्या IOS आवृत्तीबद्दल देखील माहिती मिळाली आहे, परंतु त्याचे नमुने अद्याप सापडलेले नाहीत.