अमेरिका:सूर्यप्रकाशासाठी डीएसटी स्वीकारण्यास विरोध; आरोग्याला मोठा अपाय होण्याची चिंता वाढली

अमेरिकेत अनेक दशकांपासून सुरू असेलेली व्यवस्था डे-लाइट सेव्हिंग टाइमअंतर्गत(डीएसटी) रविवारी पहाटे २ वाजता घड्याळे एक तास पुढे केली जातील. याचा उद्देश दिवसातील एक तास जास्त करणे आहे,यामुळे नैसर्गिक प्रकाशात एक तास जास्त काम होईल. मात्र, यामुळे लोकांची एक तास झोप कमी होईल. डे-लाइट सेव्हिंग टामइच्या समर्थनार्थ सर्वात मोठा तर्क ऊर्जेची बचत आहे. जिथे मार्चमध्ये लोक आपली घड्याळे मानक वेळेपेक्षा एक तास पुढे करतात आणि नोव्हेंबरमध्ये ते आपली घड्याळे मानक वेळेपेक्षा एक तास मागे करतात. काही अमेरिकी खासदार डीएसटीला कायम करण्याच्या बाजूने आहेत.

दुसऱ्या बाजूला त्याचा विरोधही सुरू आहे. यामुळे अनेक प्रकारच्या समस्या निर्माण होतात. एका अभ्यासानुसार लोकांची एक तास झोप कमी होईल आणि नव्या वेळेनुरूप आपली दिनचर्या करण्याच्या प्रयत्नात त्यांच्या बॉडी क्लॉकवर परिणाम होईल. यामुळे अमेरिकेतील सीनेटर मार्को रुबिया यांनी डिएसटी बंद करण्याचा प्रस्तावही सादर केला आहे. त्यांच्या म्हणण्यानुसार, ही परंपरा मूर्खपणाची आहे. यामुळे लाखो अमेरिकींच्या आयुष्यावर प्रतिकूल परिणाम पडतो. सोसायटी फॉर रिसर्च ऑन बायोलॉजिकल रिद्म यांच्यानुसार, मानक वेळेस कायम बनवले पाहिजे. स्थायी स्वरूपात डीएसटी लागू झाल्याने बॉडी क्लॉक व सामाजिक घड्याळ्यातील अंतर वाढेल. यामुळे झोप कमी होईल, मानसिक समस्या निर्माण होतील.

डीएसटीबाबत चर्चा, युरोपमध्येही बंदचा विचार जगात दिर्घकाळापासून डीएसटीच्या फायद्यावर चर्चा सुरू आहे. युरोपीय संसदेनेही हा नियम हटवण्याचा कायदा मंजूर केला होता. मात्र, यानंतर तो रोखला. सध्या डीएसटी जगातील ७० देशांत वर्षांत दोन वेळा वापरले जाते.