पाकिस्तानात कट्टरता:कराचीत अहमदिया मशिदीची तोडफोड, पोलिसांनी तहरीक-ए-लब्बेकच्या 5 समर्थकांना केले अटक

पाकिस्तानातील सुन्नी समर्थक कट्टर इस्लामिक जमात तहरीक-ए-लब्बैकचे (टीएलपी) समर्थक गुरुवारी कराचीतील अहमदिया समुदायाच्या मशिदीत घुसून तोडफोड करून पसार झाले. हल्ल्याच्या वेळी उपस्थित पोलिसांनी कोणतीही कारवाई केली नाही. परंतू पोलिसांनी शुक्रवारी 5 संशयितांना अटक केली आहे.

अहमदिया समुदायाच्या मशिदींवर गेल्या तीन महिन्यांतील हा पाचवा हल्ला आहे. 40 लाख लोकसंख्या असलेल्या अहमदियांसोबत 70च्या दशकापासून भेदभाव होत आहे. 1964 मध्ये जनरल झिया-उल-हक यांनी अहमदियांची मुस्लिम म्हणून ओळख व वेगळ्याने प्रार्थनेचा हक्क हिरावून घेतला होता. तेव्हापासून पाकिस्तानमध्ये त्यांना दुय्यम दर्जाचे नागरिक समजून त्यांच्यावर अत्याचार केला जात आहे.

मात्र, या घटनेनंतर कराची पोलिसांनी एफआयआर दाखल करून 5 संशयितांना ताब्यात घेतले. या संपूर्ण घटनेचा व्हिडिओही समोर आला आहे. अहमदिया समुदायाच्या मशिदीवर गेल्या तीन महिन्यांतील हा पाचवा हल्ला आहे. यापूर्वी कराचीतील जमशेद रोडवर असलेल्या अहमदी जमातांचे मिनार पाडण्यात आले होते. या घटनेनंतर अहमदिया समाजाचे लोक सरकारवर प्रश्न उपस्थित करित आहेत.​​​​​​

1984 मध्‍ये वेगळ्या प्रार्थनेचे स्वातंत्र्य हिरावले
40 दशलक्ष लोकसंख्या असलेल्या अहमदींमध्ये 70 च्या दशकापासून भेदभाव केला जात आहे. 1984 मध्ये जनरल झियाउल हक यांनी अहमदींना मुस्लिम म्हणून ओळखण्याचा अधिकार आणि स्वतंत्रपणे प्रार्थना करण्याचे स्वातंत्र्य हिरावून घेतले. तेव्हापासून त्यांना पाकिस्तानमध्ये द्वितीय वागणूक दिली जात आहे.