47 वर्षांनंतर पाकिस्तानात सर्वाधिक महागाई:जानेवारीत महागाई दर 27.6% राहिला, 9 फेब्रुवारीनंतर आणखी वाढणार

सध्या पाकिस्तानमध्ये महागाईचा दर 27.6 टक्के आहे. हा 1975 नंतरचा उच्चांक आहे. त्यावेळी तो 27.77 झाला होता. 31 जानेवारी रोजी आंतरराष्ट्रीय नाणेनिधी (IMF) चे एक पथक पाकिस्तानात पोहोचले. ते पुढील 6 अब्ज डॉलरच्या कर्जाचा भाग (1.2 अब्ज) जारी करण्यासाठी अटींवर वाटाघाटी करत आहेत.

IMF ने अतिशय कडक अटी घातल्या आहेत. एवढेच नाही तर या सर्व अटी पूर्ण करण्याची राजकीय हमीही त्यांनी मागितली आहे. IMFची इच्छा आहे की पाकिस्तान सरकारने वीज आणि इंधन 60% पर्यंत महाग करावे. कर संकलन दुप्पट करण्यास सांगितले आहे. त्यामुळे येत्या 9 फेब्रुवारीला आयएमएफ आणि शाहबाज सरकार यांच्यातील चर्चा संपेल आणि सरकारने या अटी मान्य केल्या तर महागाई जवळपास दुप्पट होईल, हे निश्चित मानले जात आहे.

सरकारने जारी केला अहवाल

एक अट पूर्ण करणे कठीण

माजी अर्थमंत्र्यांचा दावा

दोन महिन्यांपूर्वीपर्यंत पाकिस्तानचे अर्थमंत्री असलेले मिफ्ताह इस्माईल यांनी पाकिस्तानला आता कधीही डिफॉल्टर घोषित केले जाऊ शकते, असे म्हटले आहे. एका टीव्ही कार्यक्रमादरम्यान ते म्हणाले - आंतरराष्ट्रीय नाणेनिधी म्हणजेच IMF आम्हाला नवीन कर्जाचा हप्ता द्यायला तयार नाही. इम्रान खानच्या काळात आपल्या अर्थव्यवस्थेत सुरू झालेल्या विध्वंसातून आपण सावरू शकलेलो नाही.

शाहबाज शरीफ सरकारचे पहिले अर्थमंत्री इस्माईल हे खरे बोलणारे नेते मानले जातात. त्यामुळेच त्यांच्या जागी इशाक दार यांना अर्थमंत्री करण्यात आले. ते वेगवेगळे दावे करत आहेत. IMF ला धमकी देत आहेत. चीन आणि सौदी अरेबिया मिळून पाकिस्तानला दिवाळखोरीपासून वाचवतील, अशी आशा दार यांना आहे.

सौदीत हजेरी लावतात पाकचे नवे पंतप्रधान आणि लष्करप्रमुख

अडचणीत दूर झाले मित्र

पाकिस्तानकडे सध्या केवळ 3.6 अब्ज डॉलरची परकीय गंगाजळी आहे. त्यामुळे जुन्या कर्जाचे हप्तेही भरता येत नाहीत. चीन आणि सौदी अरेबिया लवकरच पाकिस्तानला 13 अब्ज डॉलर्सचे नवीन कर्ज देणार असल्याचे अर्थमंत्री इशाक दार यांनी नोव्हेंबरमध्ये सांगितले होते. ते आजतागायत पूर्ण झालेले नाही आणि दोन्ही देश गप्प आहेत.

तर दुसरीकडे आंतरराष्ट्रीय नाणेनिधी म्हणजेच IMF नेही कर्जाचा तिसरा हप्ता थांबवला आहे. अशा स्थितीत जानेवारी ते मार्च या पहिल्या तिमाहीत विदेशी कर्ज आणि आयात परतफेड करण्यासाठी निधी कोठून येणार यावर मोठे प्रश्नचिन्ह निर्माण झाले आहे.

कठीण काळात चीनने सोडली साथ

पाकिस्तानच्या 'एक्स्प्रेस ट्रिब्यून' वृत्तपत्रातील वृत्तानुसार- अर्थमंत्री सौदी अरेबिया आणि चीनकडून 13 अब्ज डॉलर्सचे नवीन कर्ज मिळवण्याचा दावा करत असतील, परंतु वास्तव काही वेगळेच आहे. नोव्हेंबरच्या सुरुवातीला दोन्ही देशांसोबत बोलणी झाली आणि आतापर्यंत एकही पैसा मिळणे तर दूरच, देण्याचे आश्वासनही मिळालेले नाही.

रिपोर्टनुसार चीन एक पाऊल पुढे गेला आहे. त्याने पाकिस्तानकडून 1.3 अब्ज डॉलर्सचा हप्ता मागितला आहे. चीनच्या या कृतीवर पाकिस्तान सरकारने अद्याप काहीही म्हटलेले नाही. दार आता दावा करत आहेत की, सौदी अरेबियाशी चर्चा सुरू आहे आणि तेथून लवकरच 3 अब्ज डॉलर मिळतील अशी अपेक्षा आहे. दुसरीकडे सौदी अरेबियाने याप्रकरणी मौन बाळगले आहे.