पाकिस्तानात राजकीय गोधळ:इम्रान यांच्यासाठी धोकादायक ठरले त्यांचेच अटॉर्नी जनरल; सुप्रीम कोर्टातील सुनावणी उद्यापर्यंत तहकूब, विरोधकांनी लष्कराला मागितले उत्तर

अविश्वास ठराव फेटाळून लावणे आणि नॅशनल असेंब्ली बरखास्त करण्याबाबत सर्वोच्च न्यायालयात सुरू असलेली सुनावणी बुधवारपर्यंत पुढे ढकलण्यात आली आहे. SC ने नॅशनल असेंब्लीच्या कामकाजाचे रेकॉर्ड मागवले. इम्रान खान सरकारमधील अॅटर्नी जनरल खालिद जावेद खान म्हणाले- ही माझी शेवटची केस आहे. मी संविधानानुसारच काम करेन.

दुसरीकडे, नवाझ शरीफ यांचे बंधू आणि पीएमएलएनचे नेते शाहबाज शरीफ यांनी एक महत्त्वाचे विधान केले आहे. ते म्हणाले- पंतप्रधान विरोधकांना देशद्रोही म्हणत आहेत. राष्ट्रीय सुरक्षा समितीच्या बैठकीत लष्कर आणि आयएसआयचे प्रमुखही उपस्थित होते. विरोधकांनी कुठे आणि कोणाशी गद्दारी केली हे देशासमोर पुरावे देऊन स्पष्ट करा.

शाहबाज म्हणाले- उपसभापती कासिम सूरी यांनी चर्चा आणि मतदानाशिवाय निकाल दिला. घटनेनुसार, सुरी यांना अविश्वास ठरावावर निकाल देण्याचा अधिकार नाही.

तीन महिने होऊ शकणार नाहीत निवडणुका

पाकिस्तानच्या निवडणूक आयोगाने (ECP) 3 महिन्यांत निवडणुका घेण्यास नकार दिला आहे. ECPच्या मते, नुकत्याच झालेल्या परिसीमनानंतर, देशात सार्वत्रिक निवडणुका घेण्यासाठी किमान 6 महिन्यांचा कालावधी आवश्यक आहे. याआधी सोमवारी पाकिस्तानचे सरन्यायाधीश उमर अता बांदियाल म्हणाले होते की, कलम 5 लागू केले तरी अविश्वास प्रस्ताव फेटाळता येणार नाही.

पाकिस्तानच्या राजकारणाशी संबंधित महत्त्वाचे अपडेट..

बेताल युक्तिवादावर न्यायालय संतप्त
इम्रानचा पक्ष पाकिस्तान तेहरीक-ए-इन्साफचे वकील बाबर अवान म्हणाले- आमच्या अॅटर्नी जनरलने 21 मार्चला या कोर्टात आश्वासन दिले होते की, आम्ही कोणालाही सभागृहात येण्यापासून रोखणार नाही. आम्ही तेच केले. आता त्यांना मतदान करायचे की नाही हा निर्णय स्पीकरचा आहे.

सरन्यायाधीशांनी अवान यांचा हा युक्तिवाद मूर्खपणाचा असल्याचे म्हटले आहे. म्हणाले- तुमच्या युक्तिवादाचा या प्रकरणाशी अजिबात संबंध नाही. आम्ही निवडणुकीसाठी तयार आहोत, हे पंतप्रधानांनी मला सांगितले आहे. यावर सरन्यायाधीश म्हणाले- न्यायाधीशांचा तुमच्या राजकारणाशी काहीही संबंध नाही. आम्ही येथे संविधान आणि सुनावणी करत आहोत.