आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • International
  • Pakistan Lahore Children's Hospital Fire Accident Lakhs Of Rupees Worth Of Medicines Were Burn | Marathi News

लाहोरच्या चिल्ड्रन हॉस्पिटलला भीषण आग:लाखो रुपयांची औषधे जळून खाक, 5 दिवसांपूर्वी कराचीत लागली होती मोठी आग

लाहोरएका महिन्यापूर्वी
  • कॉपी लिंक

पाच दिवसांत पाकिस्तानातील लाहोर आणि कराची या दोन मोठ्या शहरांमध्ये आगीच्या मोठ्या घटना समोर आल्या आहेत. यापैकी आज लाहोरच्या गुलबर्ग येथील चिल्ड्रन हॉस्पिटलमध्ये आग लागली. मीडिया रिपोर्ट्सनुसार, हॉस्पिटलच्या तिसऱ्या मजल्यावरील फार्मसीच्या गोदामाला लागलेल्या आगीत लाखो रुपयांची औषधे जळून खाक झाली आहेत. आगीचे कारण अद्याप समजू शकलेले नाही.

या घटनेत अद्याप कोणतीही जीवितहानी झाल्याचे वृत्त नाही. बचाव मोहिमेदरम्यान रुग्णालयाची इमारत रिकामी करण्यात आली असून अग्निशमन दलाच्या सात गाड्या आग विझवण्याचे काम करत आहेत. बचाव पथकाचे 40 हून अधिक सदस्य घटनास्थळी तैनात करण्यात आले आहेत. याशिवाय बचावासाठी शहरातून अतिरिक्त पथकेही मागवण्यात आली आहेत.

कराचीत बुधवारी लागलेल्या आगीत एकाचा मृत्यू
याआधी बुधवारी कराचीतील चौरंगी कारागृहाजवळील एका डिपार्टमेंटल स्टोअरच्या तळघरात लागलेल्या आगीत एकाचा मृत्यू झाला तर तीन जण बेशुद्ध झाले. त्यानंतर फिरोजाबादचे एसएचओ अर्शद जंजुआ यांनी सांगितले होते की, मृत हा स्टोअरचा कर्मचारी होता.

ही आग इतकी भीषण होती की अग्निशमन दलालाही अनेक समस्यांना सामोरे जावे लागले. बचाव कार्यादरम्यान एक अग्निशमन कर्मचारीही बेशुद्ध पडला होता. सुरुवातीला आगीवर बऱ्याच अंशी नियंत्रण मिळवण्यात आले, मात्र सायंकाळपर्यंत आग पुन्हा एकदा भडकल्याचे जंजुआ यांनी सांगितले.

पाकिस्तानची फॉरेन रिझर्व्ह नष्ट होण्याच्या मार्गावर
सध्या पाकिस्तान सरकारला एकाच वेळी अनेक आघाड्यांवर अडचणी येत आहेत. देशाची फॉरेन रिझर्व्ह जवळपास संपुष्टात येण्याच्या मार्गावर आहे. 27 मे रोजी देशाकडे केवळ $9.72 अब्ज डॉलरची फॉरेन रिझर्व्ह शिल्लक होती. सर्वात मोठी समस्या म्हणजे आंतरराष्ट्रीय नाणेनिधी म्हणजेच IMF ने कर्जाच्या तिसर्‍या टप्प्याला अद्याप ग्रीन सिग्नल दिलेला नाही.

दुसरीकडे, माजी पंतप्रधान इम्रान खान हे सरकारसाठी अडचणीचे कारण बनले आहेत. इम्रान आपल्या समर्थकांसह सरकारला घेराव घालत आहेत. शाहबाज सरकारला आंदोलनाचा अल्टिमेटम देऊन ते काही वेळापूर्वी इस्लामाबादहून परतले आहेत. सरकारने लवकरात लवकर निवडणुकीच्या तारखा जाहीर कराव्यात, अशी इम्रानची इच्छा आहे.

बातम्या आणखी आहेत...