आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • International
  • Mike Pompeo Claims; Pakistan War Prepared On India After Balakot Surgical Strike | India Vs Pakistan

अमेरिकेच्या माजी परराष्ट्रमंत्र्यांचा दावा:बालाकोटच्या सर्जिकल स्ट्राइकनंतर भारतावर अणुहल्ल्याच्या तयारीत होता पाकिस्तान

नवी दिल्ली8 दिवसांपूर्वी
  • कॉपी लिंक
अमेरिकेचे माजी परराष्ट्र मंत्री माइक पोम्पियो यांनी 'नेव्हर गिव्ह एन इंच: फायटिंग फॉर द अमेरिका आय लव्ह' हे पुस्तक लिहिले आहे. - Divya Marathi
अमेरिकेचे माजी परराष्ट्र मंत्री माइक पोम्पियो यांनी 'नेव्हर गिव्ह एन इंच: फायटिंग फॉर द अमेरिका आय लव्ह' हे पुस्तक लिहिले आहे.

14 फेब्रुवारी 2019 रोजी बालाकोटमध्ये भारतीय लष्कराच्या सर्जिकल स्ट्राइकनंतर पाकिस्तान भारतावर अण्वस्त्र हल्ला करण्याच्या तयारीत होता. अमेरिकेचे माजी परराष्ट्र मंत्री माइक पॉम्पियो यांनी त्यांच्या एका पुस्तकात हा दावा केला आहे. यामध्ये त्यांनी तत्कालीन भारतीय समकक्ष सुषमा स्वराज यांचा हवाला दिला आहे.

माइक पोम्पियो यांनी त्यांच्या पुस्तकात सांगितले की, 27-28 फेब्रुवारी 2019 रोजी अमेरिका-उत्तर कोरिया शिखर परिषदेदरम्यान त्यांनी भारताच्या तत्कालीन परराष्ट्रमंत्री सुषमा स्वराज यांच्याशी चर्चा केली होती. त्यानंतर सुषमा स्वराज यांनी त्यांना सांगितले होते की, पाकिस्तानने हल्ल्यासाठी त्यांची अण्वस्त्रे तयार करण्यास सुरुवात केली आहे. भारतही तयारी करत होता.

भारत-पाकचे युद्ध अण्वस्त्र हल्ल्याच्या अगदी जवळ आले होते

माइक यांनी त्यांच्या 'नेव्हर गिव्ह एन इंच : फायटिंग फॉर द अमेरिका आय लव्ह' या पुस्तकात लिहिले आहे की, मला वाटत नाही की भारत-पाकिस्तान युद्ध फेब्रुवारी 2019 मध्ये आण्विक हल्ल्याच्या किती जवळ आले होते हे जगाला माहीत आहे. सत्य हे आहे की, मलादेखील याचे योग्य उत्तर माहिती नाही, परंतु मला एवढेच माहिती आहे की दोन्ही देश अण्वस्त्र हल्ल्याच्या अगदी जवळ आले होते.

माजी परराष्ट्रमंत्री पॉम्पियो यांनी त्यांच्या नवीन पुस्तकात सर्जिकल स्ट्राइकबद्दल काही गोष्टी लिहिल्या आहेत.
माजी परराष्ट्रमंत्री पॉम्पियो यांनी त्यांच्या नवीन पुस्तकात सर्जिकल स्ट्राइकबद्दल काही गोष्टी लिहिल्या आहेत.

व्हिएतनाममध्ये झाली होती भारत-अमेरिका चर्चा

भारतीय हवाई दलाने 26 फेब्रुवारीला बालाकोट एअर स्ट्राइक केला होता. 27-28 फेब्रुवारी रोजी अमेरिका-उत्तर कोरिया शिखर परिषदेसाठी व्हिएतनाममधील हनोई येथे पोम्पियोंनी पुस्तकात नमूद केले आहे. त्यांच्या टीमने या विषयावर भारत आणि पाकिस्तानशी चर्चा केली होती. पुलवामा दहशतवादी हल्ल्यात शहीद झालेल्या 40 CRPF जवानांचा बदला घेण्यासाठी भारताच्या लढाऊ विमानांनी बालाकोटमधील जैश-ए-मोहम्मद दहशतवादी प्रशिक्षण शिबिर उद्ध्वस्त केले.

पॉम्पियो म्हणाले - ती रात्र मी कधीही विसरणार नाही

पोम्पियोंनी लिहिले - ती रात्र मी कधीही विसरणार नाही. मी हनोईला होतो. एकीकडे उत्तर कोरियाच्या अण्वस्त्रांची चर्चा होत होती. दुसरीकडे काश्मीर प्रश्नावर भारत आणि पाकिस्तान वर्षानुवर्षे अण्वस्त्र हल्ल्याच्या धमक्या देत होते. पाकिस्तान अण्वस्त्र हल्ल्यासाठी तयार आहे आणि त्याला प्रत्युत्तरही देईल, असे भारतीय समकक्षाने सांगितल्यावर मी त्यांना काहीही करू नका आणि सर्व गोष्टींचा निपटारा करण्यासाठी थोडा वेळ द्या, असे सांगितले.

मी पाकिस्तानचे लष्करप्रमुख जनरल कमर जावेद बाजवा यांच्याशी बोललो. त्यांना सांगितले की, भारताच्या समकक्षाने मला अणुहल्ल्याबाबत माहिती दिली होती, पण बाजवा म्हणाले की ते खरे नाही. पोम्पियोंच्या दाव्यांवर यूएस स्टेट डिपार्टमेंटकडून तत्काळ कोणतीही प्रतिक्रिया आली नाही.

पुलवामा हल्ल्यात शहीद झाले होते 40 भारतीय जवान

14 फेब्रुवारी 2019 रोजी पुलवामा येथे CRPF जवानांच्या ताफ्यावर दहशतवादी हल्ला झाला होता. यामध्ये 40 जवान शहीद झाले होते. याला प्रत्युत्तर देत भारतीय हवाई दलाने 26 फेब्रुवारी रोजी पाकव्याप्त काश्मीरमधील बालाकोट येथे हवाई हल्ला केला. यामध्ये जैशच्या तळांवर बॉम्ब फेकण्यात आले, ज्यात सुमारे 300 दहशतवादी मारले गेले. यादरम्यान, पाकिस्तानने प्रत्युत्तर देत हवाई हल्ल्यात भारतीय विमान पाडले आणि एका भारतीय पायलटला कैद केले होते.

बातम्या आणखी आहेत...