आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • International
  • PM Modi Australia Visit 2023 Updates | Australian Prime Minister Anthony Albanese, Narendra Modi  

सिडनी दौरा:PM मोदी म्हणाले- भारत-ऑस्ट्रेलिया संबंध विश्वास अन् सन्मानावर आधारित; PM अल्बानीज म्हणाले- 'मोदी इज द बॉस'

सिडनी16 दिवसांपूर्वी
  • कॉपी लिंक

पंतप्रधान नरेंद्र मोदी सिडनीतील कुडोस बँक एरिना येथे दाखल झाले. त्यांच्यासोबत ऑस्ट्रेलियाचे पंतप्रधान अँथनी अल्बानीज देखील उपस्थित होते. पंतप्रधान मोदींचे पारंपरिक पद्धतीने स्वागत करण्यात आले. त्यानंतर 20 हजार भारतीय लोकांना मोदी यांनी संबोधन केले. भारत ऑस्ट्रेलिया संबंध, भारतीय संस्कृती, भारताची प्रगती यासह अनेक मुद्द्यांना हात घालत मोदी यांनी संवाद साधला.

कार्यक्रमाला उपस्थित मुळ भारतीय लोक व स्टेडियमच्या मध्यभागी PM मोदी
कार्यक्रमाला उपस्थित मुळ भारतीय लोक व स्टेडियमच्या मध्यभागी PM मोदी

ऑस्ट्रेलियाचे PM अँथनी अल्बानीज म्हणाले- 'मोदी इज द बॉस'

मोदींसोबत ऑस्ट्रेलियाचे पंतप्रधान अँथनी अल्बानीजही उपस्थित होते. ते म्हणाले- 'मोदी इज द बॉस'. भारतीय पंतप्रधानांच्या स्वागताशी संबंधित कार्यक्रमांबाबत ते म्हणाले की, येथे पहिल्यांदाच एखाद्याचे इतके भव्य स्वागत करण्यात आले आहे. पीएम मोदी माझे खूप चांगले मित्र आहेत. दोन्ही देश त्यांच्या लोकशाही मूल्यांच्या आधारे संबंध अधिक दृढ करतील.

पंतप्रधान मोदी ऑस्ट्रेलियाचे पंतप्रधान अल्बानीज यांच्यासोबत कुडोस बँक एरिना येथे पोहोचले.
पंतप्रधान मोदी ऑस्ट्रेलियाचे पंतप्रधान अल्बानीज यांच्यासोबत कुडोस बँक एरिना येथे पोहोचले.

PM मोदी यांच्या भाषणातील मुद्दे...

  • एक काळ असा होता की, भारत-ऑस्ट्रेलिया संबंध क्रिकेट, कॉमनवेल्थ आणि करी या तिन्ही 'सी' वर अवलंबून आहेत. तेव्हा ऑस्ट्रेलियाचे संबंध थ्रीडीवर आधारित असल्याचे सांगण्यात येत असे. आमच्या नात्याचे वर्णन कधी C तर कधी D असे केले जात असे. पण आता आम्हाला C आणि D ची गरज नाही. आता आम्ही परस्पर विश्वास आणि भागीदारीने एकत्र आलो आहोत.
  • हिंद महासागर आपल्याला जोडतो. क्रिकेटशी आमचा संबंध कधीपासून आहे माहीत नाही, पण आता चित्रपटही आम्हाला जोडत आहेत. जरी आपल्या देशात सण वेगळे साजरे केले जातात, परंतु तरीही आपण दिवाळी आणि बैसाखी यांसारख्या सणांच्या माध्यमातून जोडलेले आहेत.
  • हॅरिस पार्क हे अनेकांसाठी 'हरीश पार्क' बनले आहे. सिडनीजवळ लखनऊ नावाचे एक ठिकाणही आहे. ऑस्ट्रेलियात काश्मीर, मलबार अशा रस्त्यांवरून जाण्याची झलक जाणवते.
  • भारताकडे सामर्थ्य आणि संसाधनांची कमतरता नाही. भारतामध्ये जगातील सर्वात मोठा आणि युवा प्रतिभांची फॅक्ट्री आहे.
  • भारताने जगातील सर्वात मोठा लसीकरण कार्यक्रम राबवला. आज जगातील नंबर वन स्मार्ट फोन डेटा वापरणारा देश फक्त भारत आहे.
  • PM मोदी म्हणाले की, ऑस्ट्रेलियाला भारताप्रती विशेष प्रेम आहे. भारत आणि ऑस्ट्रेलिया याचे नाते वेगळे आहे.
  • ऑस्टेलियात राहून अभ्यास करणारे विद्यार्थी देखील मदतीसाठी पुढे आले. भारतीय कुठेही राहो, त्यांच्या मनात मानवीय भाव त्यांच्यात असतो.
  • भारत कुठेही मदतीसाठी तयार असतो. कोणतेही संकट आले तरी भारत समाधान मदतीसाठी तत्पर असतो.
  • भारताने नेहमी विविध देशांना एकजूट करण्यासाठी सातत्याने प्रयत्न केला आहे.
  • तुर्कियेत भूकंप झाला तेव्हा भारताने ऑपरेशन राबवत मदत केली.
  • सबका साथ, सबका विश्वास, सबका विचार या विचाराने भारत काम करत आहे.
  • वेगवेगळ्या भाषेत जरी बोलत असलो तरी देखील आपण जोडलो गेलो आहे.
  • ऑस्ट्रेलियात देखील भारताच्या स्वातंत्र्याच्या अमृत महोत्सव सोहळ्याला मोठ्या उत्साहात साजरे केले गेले.
  • ऑस्ट्रेलिया आणि भारत यांचा संबंध फक्त सुखातील साथीदार नाही, तर दुःखात देखील एकमेकांचे साथीदार आहेत.
  • दोन्ही देशांमध्‍ये पदवीबाबत चर्चा सुरू झाली आहे. याचा फायदा दोन्ही देशांतील विद्यार्थ्यांना होणार आहे.
  • ब्रिस्बेनमध्ये भारताचे नवीन वाणिज्य दूतावास उघडण्यात येणार आहे.
  • भारतीय वंशाच्या लोकांना पंतप्रधान म्हणाले - परदेशात राहूनही आपल्या मुळांशी जोडलेले राहा. तुम्ही तिथे भारताचे राजदूत आहात.
  • तुम्ही भारतात याल तेव्हा मी तुम्हाला ऑस्ट्रेलियन कुटुंबांना सोबत आणण्यास सांगत आहे. त्यामुळे त्यांना भारताची संस्कृती समजून घेण्याची संधी मिळेल.

या कार्यक्रमासाठी विविध भागातून आले लोक

या कार्यक्रमासाठी लोकांना ट्रेन आणि खाजगी चार्टरने सिडनीला आणण्यात आले, ज्यांना 'मोदी एअरवेज' आणि 'मोदी एक्सप्रेस' असे नाव देण्यात आले. पंतप्रधानांच्या भाषणापूर्वी ऑलिम्पिक पार्कमध्ये अनेक सांस्कृतिक कार्यक्रमांचे आयोजन करण्यात आले होते. ऑस्ट्रेलियात मोदींच्या उपस्थितीत हॅरिस पार्क परिसराचे नाव 'लिटिल इंडिया' असे ठेवण्यात येणार आहे.

PM मोदींच्या भाषणापूर्वीचे पाहा फोटो...

.
.
पीएम मोदींच्या संबोधनापूर्वी सिडनीच्या ऑलिम्पिक पार्कमध्ये सांस्कृतिक कार्यक्रम सुरू आहेत.
पीएम मोदींच्या संबोधनापूर्वी सिडनीच्या ऑलिम्पिक पार्कमध्ये सांस्कृतिक कार्यक्रम सुरू आहेत.
सिडनीमध्ये पीएम मोदींच्या स्वागतासाठी वेगवेगळे कार्यक्रम सादर केले जात आहेत.
सिडनीमध्ये पीएम मोदींच्या स्वागतासाठी वेगवेगळे कार्यक्रम सादर केले जात आहेत.
पंतप्रधान मोदींच्या स्वागतासाठी लोकांनी भांगडा नृत्य सादर केला.
पंतप्रधान मोदींच्या स्वागतासाठी लोकांनी भांगडा नृत्य सादर केला.

ऑस्ट्रेलियात मोदींच्या उपस्थितीत हॅरिस पार्क परिसराचे नाव 'लिटिल इंडिया' असे ठेवण्यात येणार आहे. याआधी सोमवारी एका ऑस्ट्रेलियन वृत्तपत्राला दिलेल्या मुलाखतीत पंतप्रधान मोदी म्हणाले की, त्यांना भारत-ऑस्ट्रेलिया संबंध उच्च स्तरावर न्यायचे आहेत. यात इंडो-पॅसिफिक क्षेत्र सुधारण्यासाठी संरक्षण आणि सुरक्षा संबंधांचा समावेश असेल.

पीएम मोदींनी मंगळवारी सकाळी ऑस्ट्रेलियन सीईओंशी एका व्यवसाय कार्यक्रमात संवाद साधला. त्याच्यासोबत ऑस्ट्रेलियन सुपरचे सीईओ पॉल श्रोडर होते.
पीएम मोदींनी मंगळवारी सकाळी ऑस्ट्रेलियन सीईओंशी एका व्यवसाय कार्यक्रमात संवाद साधला. त्याच्यासोबत ऑस्ट्रेलियन सुपरचे सीईओ पॉल श्रोडर होते.
पंतप्रधान मोदींनी सिडनी येथे फोर्टेस्क्यु फ्यूचर इंडस्ट्रीजचे कार्यकारी अध्यक्ष डॉ. अँड्र्यू फॉरेस्ट यांची भेट घेतली.
पंतप्रधान मोदींनी सिडनी येथे फोर्टेस्क्यु फ्यूचर इंडस्ट्रीजचे कार्यकारी अध्यक्ष डॉ. अँड्र्यू फॉरेस्ट यांची भेट घेतली.

मोदी म्हणाले- ऑस्ट्रेलियासोबत सहकार्य वाढविण्यावर चर्चा होईल
PM मोदी म्हणाले- मी सहज समाधानी होणारा माणूस नाही आणि मला माहित आहे की ऑस्ट्रेलियन पंतप्रधान अल्बानीज देखील असेच आहेत. मला खात्री आहे की, जेव्हा आम्ही सिडनीमध्ये भेटू तेव्हा आम्ही आमच्या नातेसंबंधांना वेगळ्या पातळीवर कसे नेऊ शकतो, एकत्र काम कसे करू शकतो आणि सहकार्य कसे वाढवू शकतो यावर चर्चा करू. राजीव गांधी यांच्यानंतर ऑस्ट्रेलियाला भेट देणारे मोदी हे दुसरे भारतीय पंतप्रधान आहेत.

पंतप्रधान दोन दिवसांच्या दौऱ्यावर
पंतप्रधान मोदी भारतीय वेळेनुसार 22 मे रोजी दुपारी सिडनीला पोहोचले. येथे त्यांनी विमानतळाबाहेर भारतीय वंशाच्या लोकांची भेट घेतली.

पहा संबंधित छायाचित्रे...

पंतप्रधान अल्बानीज यांची भेट घेणार
मोदी 24 मे रोजी ऑस्ट्रेलियाचे पंतप्रधान अँटोनी अल्बानीज यांची भेट घेणार आहेत. यादरम्यान दोन्ही नेते द्विपक्षीय संबंधांवर चर्चा करतील. मोदी येथे ऑस्ट्रेलियाचे गव्हर्नर जनरल डेव्हिड जॉन हर्ले यांचीही भेट घेणार आहेत. तर 25 मे रोजी सकाळी दिल्लीला ते परतणार आहेत.

मोदींचा हा दुसरा ऑस्ट्रेलिया दौरा
पंतप्रधान मोदींचा हा दुसरा ऑस्ट्रेलिया दौरा आहे. याआधी ते 2014 मध्ये सिडनीला गेले होते. मोदींच्या सुरुवातीच्या वेळापत्रकानुसार ते QUAD बैठकीसाठी ऑस्ट्रेलियाला जाणार होते. मात्र, अमेरिकेत सुरू असलेल्या कर्जाच्या समस्येमुळे जपानमध्ये जी 7 शिखर परिषदेदरम्यान बैठक झाली. असे असतानाही पंतप्रधानांनी ऑस्ट्रेलिया दौरा रद्द केला नाही.

गुजरातमधील नरेंद्र मोदी स्टेडियमवर पंतप्रधान मोदी आणि ऑस्ट्रेलियाचे पंतप्रधान अँथनी अल्बानीज यांनी एकत्र सामना पाहिला तेव्हाचा हा फोटो आहे. ही घटना मार्च 2023 मधील आहे.
गुजरातमधील नरेंद्र मोदी स्टेडियमवर पंतप्रधान मोदी आणि ऑस्ट्रेलियाचे पंतप्रधान अँथनी अल्बानीज यांनी एकत्र सामना पाहिला तेव्हाचा हा फोटो आहे. ही घटना मार्च 2023 मधील आहे.

'पंतप्रधान मोदींसाठी गर्दीचे व्यवस्थापन करणे आव्हानात्मक'
QUAD बैठकीदरम्यान, अल्बानीज म्हणाले होते की सिडनीमध्ये ज्या सामुदायिक रिसेप्शनमध्ये पीएम मोदींचा कार्यक्रम होणार आहे, तेथे फक्त 20,000 लोकांची क्षमता आहे. अशा परिस्थितीत गर्दीचे व्यवस्थापन करणे हे त्यांच्यासमोरचे आव्हान असल्याचे अल्बानीज यांनी मोदींना सांगितले.

ही बातमी पण वाचा...

फिजी-पलाऊने मोदींना त्यांच्या देशाचा सर्वोच्च पुरस्कार दिला : पापुआ न्यू गिनीचे PM म्हणाले- भारत आमचा लीडर्स

पंतप्रधान नरेंद्र मोदी यांनी सोमवारी पापुआ न्यू गिनी येथे आयोजित फोरम फॉर इंडिया पॅसिफिक आयलंड को-ऑपरेशन (FIPIC) बैठकीत भाग घेतला. या दरम्यान पलाऊ प्रजासत्ताक आणि फिजीने त्यांना त्यांच्या देशाचा सर्वोच्च पुरस्कार दिला. पलाऊने पंतप्रधानांना इबाकल पुरस्कार दिला असून फिजीने 'कम्पेनियन ऑफ द ऑर्डर ऑफ द फिजी' हा पुरस्कार दिला आहे. वाचा पूर्ण बातमी...

    अ‍ॅप उघडा
    ऑस्ट्रेलियाऑस्ट्रेलिया327-3 (85.0)
    VS
    भारतभारत
    दिवसाचा खेळ समाप्त
    • कॉपी लिंक
    Our Divisions

    Copyright © 2023-24 DB Corp ltd., All Rights Reserved

    This website follows the DNPA Code of Ethics.

    फीडबॅक द्या