द. कोरिया:कामाचे तास 69 करण्याचा प्रस्ताव,महिला या व्यवस्थेच्या विरोधात ; सरकारच्या प्रस्तावावर चर्चा सुरू

दक्षिण कोरियाच्या कामगारमंत्री जुंग-सिक यांनी कामाचे तास वाढवण्याचा प्रस्ताव ठेवला आहे. याअंतर्गत कामकाज करणाऱ्या महिलांसाठी आठवड्यात ५२ ऐवजी ६९ तास काम करणे फायदेशीर होईल. जुंग-सिक म्हणाल्या, यामुळे कामकाज करणाऱ्या मातांना जास्त पर्याय मिळतील आणि मुलांच्या पालनपोषणात मदत मिळेल.मात्र, या निर्णयाला विरोध होत आहे. टीकाकारांना वाटते की, या प्रस्तावामुळे केवळ महिलांचे नुकसान होईल.

कामगार सुधारणा प्रस्ताव दक्षिण कोरियातील घटत्या प्रजनन दरात मदत करेल का, या प्रश्नावर ली म्हणाल्या की, आम्ही गरोदर महिला आणि मुलांचे पालनपोषण करणाऱ्या कुटुंबांना जास्त सूट देण्याच्या निर्णयावर विचार करत आहोत. महिलांबाबत तयार केलेले हे विधेयक नॅशनल असेंब्लीत मंजूर होणे बाकी आहे. जानेवारी महिन्यात राष्ट्रपती यून सूक-योल यांनी कामाचे तास वाढवण्याची इच्छा व्यक्त केली होती. कामाचे तास वाढल्यावर ओव्हरटाइमचे तास बँकेत जमा होतील. सध्या मुलांच्या पालनपोषणासारख्या गरजांवर खर्च केला जात आहे. दक्षिण काेरियाचा प्रजनन दर सर्वात कमी आहे. हा वर्ष २०२२ मध्ये घटनू ०.७८ झाला होता.

या प्रस्तावाने पुरुषांची जबाबदारी संपणार? विरोधक सुरुवातीपासूनच विरोध करत आहेत. कोरियाई महिला संघांनीही कामगारमंत्र्यांच्या वक्तव्यावर व निर्णयाला विरोध केला. महिला संघानुसार, पुरुषांनी दीर्घकाळ काम केल्यास ते मुलांच्या देखभालीपासून मुक्त राहतील. महिलांना सर्व कामे करावी लागतील.