जॉर्जियामध्‍ये 20 % विदेशी फंडिंगवर संघटना हेर ठरते:आंदोलकांनी रशियन कायदा परत घेण्यास सांगितले; सरकारची माघार

पूर्व युरोप आणि पश्चिम युरोपच्या तोंडावर वसलेल्या जॉर्जियात सलग दोन दिवसांपर्यंत झालेल्या हिंसक आंदोलनानंतर सरकार बॅकफूटवर आले. त्याने “विदेशी एजंट’ विधेयक विनाशर्त परत घेतले. हे प्रस्तावित विधेयक रशियन कायद्यातून प्रेरित होते. सत्ताधारी जॉर्जियाई ड्रीम पार्टीने सांगितले की, ते समाजात “संघर्ष’ करू इच्छितात. फॉरेन अॅसेट्स लॉविरुद्ध मंगळवारपासून आंदोलन सुरू केले होते. याअंतर्गत ज्या संघटनांना अन्य देशांतून २०% निधी मिळतो, जो विदेशी मालमत्तेअंतर्गत(विदेशी हेर) म्हणून नोंदला जातो. या मुद्द्यावर संसदेतील चर्चेदरम्यान मारहाणही झाली. प्रस्तावित विदेशी मालमत्ता कायदा मंगळवारी पहिल्या टप्प्यात मंजूर झाले होते. यानंतर विधेयकाला विरोध सुरू होऊन लोक रस्त्यावर उतरले. सुमारे १ लाख लोक संसदेबाहेर जमा झाले. पोलिसांनी जमावाला नियंत्रित करण्यासाठी पेट्रोल बॉम्ब, अश्रूधुराच्या नळकांड्या फोडल्या. यानंतर आंदोलनाचे नेतृत्व करणाऱ्या लोकांनी सरकारला २ तासांचा वेळ दिला आणि सांगितले की, कायदा मागे न घेतल्यास सरकारला गंभीर परिणाम भोगावे लागतील. या कायद्याचा विरोध करणाऱ्या लोकांना राष्ट्रपती सलोमी जौराबिचविली यांचा पाठिंबा मिळाला आहे. कायदा चुकीचा असून घटनाविरोधी असल्याचे त्यांनी सांगितले. आपल्याकडे विधेयक आल्यास मताधिकाराचा वापर करून तो मंजूर केला जाणार नसल्याचे राष्ट्रपती म्हणाले.

76 खासदारांनी याच्या बाजूने मतदान केले. १३ खासदारांनी विरोध केला. 60 पेक्षा मीडिया ग्रुप्स व एनजीओ म्हणाले, कायदा मंजूर झाल्यास आम्ही तो मानणार नाही.