आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

हिटलरने जे केले तेच पुतिन करत आहेत:रशियात रायफल्ससह सैनिकांचे पुतळे तैनात, सांताऐवजी ‘सैनिक’ वाटणार ख्रिसमस गिफ्ट

मॉस्को2 महिन्यांपूर्वी
  • कॉपी लिंक

युक्रेनशी युद्धात गुंतलेला रशिया प्रत्येक कृतीतून युद्धाचा जोश दाखवत आहे. ख्रिसमस देखील याला अपवाद नाही. रशियातील अनेक शहरांमध्ये यावेळी ख्रिसमससाठी सांताक्लॉजऐवजी कलाश्निकोव्ह रायफल घेतलेल्या सैनिकांचे पुतळे बनवले जात आहेत.

रशियाच्या थंड भागात ख्रिसमससाठी बर्फाचे पुतळे बनवण्याची परंपरा आहे. सांता, हिममानव, किल्ले आणि प्राणी सहसा यात बनवले जातात. पण, युद्धाच्या स्थितीत यावेळचा नजारा बदलेला दिसत आहे.

स्थानिक अधिकाऱ्यांनी पुतळे उभारले

बीबीसीने दिलेल्या वृत्तानुसार, राजधानी मॉस्कोपासून 5 हजार किलोमीटर दूर असलेल्या सायबेरियाच्या भागात हे पुतळे बसवण्यात आले आहेत. येथील एका छोट्या शहरातील मुख्य बाजारपेठेपासून ते बसस्थानक व इतर सार्वजनिक ठिकाणी अशा पुतळ्यांची स्थापना करण्यात आली आहे. हे पुतळे स्थानिक अधिकाऱ्यांनी उभारले आहेत.

या मूर्तींबाबत सर्वसामान्यांची वेगवेगळी मते आहेत. काही लोक हे योग्य मानत आहेत तर काहींचे म्हणणे आहे की पुतिन हे सर्व करून त्यांचा सण खराब करत आहेत.
या मूर्तींबाबत सर्वसामान्यांची वेगवेगळी मते आहेत. काही लोक हे योग्य मानत आहेत तर काहींचे म्हणणे आहे की पुतिन हे सर्व करून त्यांचा सण खराब करत आहेत.

पुतिन यांना देशात राष्ट्रवादाची भावना वाढवायची आहे

रशियात पुतिन यांच्या लढाऊ वृत्तीला विरोध करणारे अनेक लोक आहेत. रशियाने युक्रेनवर केलेले आक्रमण चुकीचे असल्याचे त्यांचे मत आहे. अशा स्थितीत पुतिन यांना लोकांमध्ये राष्ट्रवादाची भावना जागृत करून युद्धाचे समर्थन करायचे आहे.

रशियन लोकांना सक्तीने सैन्यात पाठवण्याचा प्रयत्न सुरू आहे

पाश्चिमात्य मीडिया रिपोर्ट्सनुसार, रशिया-युक्रेन युद्ध सुरू झाल्यापासून हजारो रशियन सैनिक मारले गेले आहेत. आघाडीवर लढण्यासाठी रशियाला आता अधिक सैनिकांची गरज आहे. अशा परिस्थितीत देशातील सर्वसामान्य तरुणांची सैन्यात भरती होत आहे. तरुणांना धमकावून आणि बळजबरीने सैन्यात भरती केले जात असल्याचे अनेक बातम्यांमध्ये सांगण्यात आले आहे.

यासोबतच देशातील अधिकाधिक तरुणांना सैन्यात भरती होण्यासाठी प्रेरणा मिळावी यासाठी प्रतिष्ठित सैनिकांचे पुतळे उभारण्याचे कामही केले जात आहे.

हिटलरने ही युक्ती अंगिकारली होती

हे काही पहिल्यांदाच घडत नाही, जेव्हा एखादा नेता लढाऊ वृत्ती वाढवण्यात व्यस्त असेल. जर्मन हुकूमशहा हिटलर आणि त्याचा प्रचार मंत्री गोबेल्स यांनीही युद्धाच्या उत्कटतेचा प्रचार करण्याचा अनोखा मार्ग अवलंबला होता. त्या काळात जर्मनीमध्ये नाझी विचारसरणीचे समर्थन करणारे चित्रपट मोठ्या प्रमाणावर दाखवले जात होते. संपूर्ण जर्मनीतील रस्त्यांवर अॅडॉल्फ हिटलरच्या घोषणा आणि पोस्टर्सने प्लॅस्टर करण्यात आले होते. इतकेच नाही तर हिटलरच्या पक्षाशी संबंधित शास्त्रज्ञ घरोघरी सुपर रेसचा सिद्धांत सांगायचे. जेणेकरून ज्यूंचा मोठ्या प्रमाणावर होणारा नरसंहार न्याय्य ठरू शकेल.

बातम्या आणखी आहेत...