आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

मोदींचे मिशन जपान:भारतीयांना म्हणाले पंतप्रधान -मला लोण्यावर नव्हे दगडावर रेष ओढायला आवडते

टोकियोएका महिन्यापूर्वी
  • कॉपी लिंक

पंतप्रधान नरेंद्र मोदी सोमवारी सकाळी जपानची राजधानी टोक्योला पोहोचले. त्यात ते अनिवासी भारतीयांना संबोधित करताना म्हणाले -'माझे पालनपोषण व माझ्यावर झालेल्या संस्कारांमुळे मला लोण्यावर नव्हे तर दगडावर रेष ओढायला आवडते. आता ही माझी सवयच झाली आहे. प्रश्न मोदींचा नाही. 130 कोटी भारतीयांचा आहे. भारत आता आपला गमावलेला आत्मविश्वास पुन्हा मिळवत असून, संपूर्ण जगाच्या डोळ्यात डोळे घालून बोलत आहे.'

पीएम मोदी म्हणाले -भारताच्या विकास यात्रेत जपानचे महत्पूर्ण योगदान आहे.
पीएम मोदी म्हणाले -भारताच्या विकास यात्रेत जपानचे महत्पूर्ण योगदान आहे.

भाजप-जपान नैसर्गिक भागीदार

मोदी म्हणाले -जपान आपल्या मुलांशी कमळाच्या फुलासारखा जोडलेला आहे. यामुळेच तो सुंदर दिसतो. हीच आपल्या संबंधांची कथा आहे. आपल्या संबंधांना 70 वर्ष झालेत. भारत व जपान नैसर्गिक भागीदार आहेत. आपल्या संबंधांत आत्मियता व आपलेपण आहे. हे नाते सन्मान व जगासाठीच्या समान संकल्पाचे आहे. जपानशी नाते बुद्ध व बुद्धत्वाचे आहे. आपले महाकाल जपानमध्ये गायकोतिन आहेत. आपली माता सरस्वती आहे, तर जपानमध्ये बेंजायतीन आहेत.

दोन्ही देशांत मजबूत संबंध

पंतप्रधान म्हणाले -21 व्या शतकातही भारत व जपानचे सांस्कृतिक संबंध पुढे सरकत आहेत. मी वारानशीचा खासदार आहे. शिंजो आबे काशीला आले होते तेव्हा त्यांनी रूद्राक्ष दिले. या गोष्टी आम्हाला जवळ आणतात. तुम्ही हे ऐतिहासिक नाते मजबूत बनवत आहात. आज जगाने सर्वप्रथम तथागत गौतम बुद्धांचा मार्ग अनुसरन करण्याची गरज आहे. हिंसाचार, दहशतवाद व क्लायमेट चेंजचा निपटारा करण्याचा हाच खरा मार्ग आहे. साक्षात बुद्धांचा आशीर्वाद मिळाल्यामुळे भारत भाग्यवान आहे. आव्हान किती अवघड असले तरी भारत त्यावर तोडगा शोधतो.

मोदी म्हणाले - भारत आज विविध प्रकारच्या वैश्विक आव्हानांचा सामना करत आहे. क्लायमेट चेंज खूप मोठे संकट बनले आहे. आम्ही या आव्हानावर तोडगाही शोधला आहे. 2070 पर्यंत भारताने झिरो कार्बन उत्सर्जनाचे उद्दीष्ट ठेवले आहे. आंतरराष्ट्रीय सोलार आघाडीलाही आमचा पाठिंबा आहे. आम्ही प्रत्येक समस्येतून बोध घेऊन त्यावर तोडगा शोधण्याचा प्रयत्न करतो.

जगातील 40 टक्के डिजिटल व्यवहार भारतात

भारतातील ग्रामीण भागात राहणाऱ्या जनतेसाठी डायरेक्ट बेनिफिट ट्रांसफरने खूप मोठी मदत केली आहे. याचे कारम डिजिटल रिव्होल्यूशन आहे. संपूर्ण जगात डिजिटल व्यवहार होतात. त्यातील 40 टक्के एकट्या भारतात होतात. आम्हाला याचा अभिमान वाटतो. कोरोनाच्या काळात जेव्हा सर्वकाही बंद होते. तेव्हाही आम्ही एका क्लिकवर कोट्यवधी भारतीयांना मदत पोहोचवली, असेही मोदी यावेळी म्हणाले.

पंतप्रधान नरेंद्र मोदी यांचे सोमवारी सकाळी जपानची राजधानी टोकियो येथे आगमन झाले. QUAD समिटमध्ये सहभागी होण्यासाठी मोदी येथे आले आहेत. जपानमध्ये मोदींचे आगमन होताच भारतीय समुदायाने त्यांचे जोरदार स्वागत केले आणि जय श्रीरामच्या घोषणा दिल्या. भारतीय म्हणाले - ज्यांनी काशी सजवली ते टोकियोला आले आहेत. पंतप्रधान मोदी मंगळवारी सायंकाळपर्यंत येथे थांबणार आहेत.

40 तासांच्या जपान दौऱ्यात पंतप्रधान अमेरिकेचे अध्यक्ष जो बायडेन, जपानचे पंतप्रधान फुमियो किशिदा आणि ऑस्ट्रेलियाचे नवनिर्वाचित पंतप्रधान अँथनी अल्बनीस यांची भेट घेणार आहेत. टोकियोमध्ये 40 तासांच्या वास्तव्यादरम्यान, पंतप्रधान जपानमधील 35 व्यावसायिक नेत्यांची आणि मुख्य कार्यकारी अधिकाऱ्यांचीही भेट घेतील. यादरम्यान ते 23 बैठकांमध्ये भाग घेणार आहेत.

जपानमध्ये मोदी

  • टोकियोमध्ये, परदेशी भारतीयांने भारतमातेचा सिंह म्हणत पंतप्रधान मोदींचे स्वागत केले.
  • परदेशी भारतीयांनी हातात फलक घेतले होते ज्यात मंत्र लिहिले होते.
  • पीएम मोदींसोबतच्या संभाषणानंतर पारंपारिक वेशातील मुले म्हणाले - त्यांनी आम्हाला त्यांचे आशीर्वाद आणि ऑटोग्राफ दिले.
  • पंतप्रधान नरेंद्र मोदी यांचे जपानमधील टोकियो येथे परदेशी भारतीयांनी मंत्रोच्चार आणि जल्लोषात स्वागत केले.

जपानमधील बिझनेस लीडर्ससोबत बैठक
जपानचे पंतप्रधान फुमियो किशिदा यांच्या निमंत्रणावरून पंतप्रधान मोदी जपानमध्ये पोहोचले आहेत. ते म्हणाले की, यावर्षी मार्चमध्ये भारत-जपान वार्षिक शिखर परिषदेत सहभागी होण्यासाठी किशिदा भारतात आले होते. आमच्या टोकियो भेटीदरम्यान, आम्ही भारत आणि जपान यांच्यातील धोरणात्मक आणि जागतिक भागीदारीवर चर्चा करू.

रशिया-युक्रेन मुद्द्यावर मोदी-बायडेन बोलणार

पंतप्रधान मोदी आणि अमेरिकेचे अध्यक्ष जो बायडेन टोकियोमध्ये द्विपक्षीय बैठक घेणार आहेत. या बैठकीत द्विपक्षीय संबंधांसोबतच रशिया-युक्रेन मुद्द्यावरही चर्चा होणार आहे.

23 मे रोजी पंतप्रधान मोदींचा कार्यक्रम

  • पंतप्रधान मोदी जपानला पोहोचणार
  • एनईसी कॉर्पोरेशनच्या अध्यक्षांसोबत बैठक
  • UNIQLO च्या अध्यक्षांसोबत बैठक
  • सुझुकी मोटर्सच्या सल्लागारासोबत बैठक
  • सॉफ्टबँक ग्रुपच्या अध्यक्षांची भेट
  • इंडो-पॅसिफिक आर्थिक पार्टनरशिप लॉन्च
  • जपानी व्यावसायिक नेत्यांसोबत गोलमेज बैठक
  • जपानमधील भारतीय समुदायाशी संवाद

24 मे रोजी पंतप्रधान मोदींचा कार्यक्रम

  • QUAD शिखर परिषदेला उपस्थित राहतील
  • जपान पंतप्रधानांच्या अधिकृत निवासस्थानी भेट देणार
  • जपानच्या पंतप्रधानांनी आयोजित केलेल्या क्वाड लंचला उपस्थित राहतील
  • अमेरिकेचे अध्यक्ष जो बायडेनसोबत बैठक
  • ऑस्ट्रेलियाच्या पंतप्रधानांसोबत बैठक
  • जपानचे माजी पंतप्रधान योशिहिदे सुगा यांच्यासोबत बैठक
  • जपान-भारत असोसिएशनच्या अध्यक्षांसोबत बैठक
  • जपानच्या पंतप्रधानांसोबत डिनर करणार
  • दिल्लीला रवाना होतील
बातम्या आणखी आहेत...