उपराष्ट्रपती पदी निवड:मधेशीतील रामसहाय नेपाळचे तिसरे उपराष्ट्रपती

नेपाळच्या मधेशी क्षेत्रातील नेते रामसहाय यादव देशाचे तिसरे उपराष्ट्रपती झाले आहेत. यादव यांना नेपाळच्या ८ पक्षांच्या सत्तारुढ आघाडीचा पाठिंबा मिळाला होता आणि त्यांनी सीपीएन-यूएमएलच्या आस्था लक्ष्मी शाक्य आणि जनमत पार्टीच्या ममता झा यांना पराभूत केले. जनता समाजवादी पार्टीच्या नेत्याला १८४ केंद्रीय व ३२९ राज्य प्रतिनिधींची ३०,३२८ मते मिळाली. त्यांच्या पक्षाशिवाय नेपाळी काँग्रेस, सीपीएन-माओइस्ट आणि सीपीएन-युनिफाइड सदस्यांनी त्यांना मतदान केले.