आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

रशियन हल्ल्यांमुळे युक्रेनमध्ये पसरला अंधार:राजधानी कीव्हमध्येही क्षेपणास्त्रे डागली, अनेक लोक ढिगाऱ्याखाली गाडल्याची भीती

कीव्ह2 महिन्यांपूर्वी
  • कॉपी लिंक

रशियाने शुक्रवारी पुन्हा युक्रेनवर वेगवान हवाई हल्ले केले. ज्यामध्ये अनेक ऊर्जा केंद्रे आणि महत्त्वाच्या इमारती उद्ध्वस्त झाल्या आहेत. स्थानिक अधिकाऱ्यांनी सोशल मीडियाच्या माध्यमातून दिलेल्या माहितीत सांगितले की, रशियाकडून हे सर्व हवाई हल्ले युक्रेनच्या उत्तर-पूर्व भागात राजधानी कीव्ह आणि खार्किव्हमध्ये झाले आहेत.

रशियन हल्ल्यांमुळे खार्किव्ह आणि सुमी या भागात वीजपुरवठा खंडित झाला आहे. राष्ट्राध्यक्ष झेलेन्स्की यांच्या कार्यालयातून मिळालेल्या माहितीनुसार, क्षेपणास्त्र हल्ल्यात एक निवासी इमारतही पूर्णपणे उद्ध्वस्त झाली आहे. इमारतीच्या ढिगाऱ्यात लोक अडकलेले असण्याची शक्यता आहे.

खेरासन येथे गुरुवारी झालेल्या रशियन हल्ल्यात रेड क्रॉसचा एक स्वयंसेवक ठार झाला.
खेरासन येथे गुरुवारी झालेल्या रशियन हल्ल्यात रेड क्रॉसचा एक स्वयंसेवक ठार झाला.

कीव्हच्या महापौरांचे लोकांना बंकरमध्ये लपण्याचे आवाहन

कीव्हचे महापौर विटाली क्लिट्स्को यांनी लोकांना रशियाने हवाई हल्ले थांबेपर्यंत बंकरमध्ये राहण्याचे आवाहन केले. गुरुवारीही रशियाने युक्रेनच्या अनेक भागात क्षेपणास्त्रे आणि ड्रोनने हल्ला केला. यामध्ये 2 जणांचा मृत्यू झाला होता.

युक्रेनच्या लष्कराकडूनही जोरदार प्रतिकार

रशिया सातत्याने युक्रेनवर क्षेपणास्त्रांनी हल्ला करून त्याला गुडघे टेकण्यास भाग पाडण्याचा प्रयत्न करत आहे. पण युक्रेनही या हवाई हल्ल्यांना जोरदार प्रत्युत्तर देत आहे. बुधवारी युक्रेनने राजधानी कीव्हवर गोळीबार केलेले 13 ड्रोन नष्ट केले. युक्रेनचे सैन्य जनरल ओलेक्सी रेझनिकोव्ह यांनी इशारा दिला आहे की, रशिया पुढील वर्षाच्या सुरुवातीला हल्ल्यांचा वेग वाढवू शकतो. यासोबतच रशिया 2 लाख नवीन सैनिक तैनात करण्याच्या तयारीत असल्याचेही त्यांनी सांगितले.

बातम्या आणखी आहेत...