आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • International
  • Russia Ukraine War Situation LIVE Update; Vladimir Putin | Russia Attacks Ukraine | Russia Ukraine Conflict | Marathi News |Russian Troops Infiltrated The Capital, Kiev, And War Broke Out Between The Two Armies; Ukraine Claims To Have Shot Down Two Russian Aircraft Carrying 300 Paratroopers

युद्धाचा तिसरा दिवस:सलग तिसऱ्या दिवशी युक्रेनवर हल्ले सुरुच, युक्रेनचे राष्ट्राध्यक्ष झेलेन्स्की यांनी पंतप्रधान मोदींकडे मागितली मदत

6 महिन्यांपूर्वी
  • कॉपी लिंक

सलग तिसऱ्या दिवशी रशियाचे युक्रेनवरील हल्ले सुरूच असताना आता पुतीन यांनी स्वीडन आणि फिनलँडला धमकी दिली आहे. युद्धाच्या सुरुवातीलाच रशियन राष्ट्राध्यक्षांनी जगाला धमकावले होते. युक्रेन आणि रशिया युद्धात हस्तक्षेप कराल तर त्याचे गंभीर परिणाम भोगावे लागतील असे पुतीन म्हणाले होते. त्यावेळी त्यांनी अमेरिका, ब्रिटन आणि नाटोला नाव न घेता धमकावले होते. आता मात्र या दोन देशांना थेट धमकी देण्यात आली आहे.

युक्रेनचे राष्ट्राध्यक्ष वोलोडिमिर झेलेन्स्की यांनी शनिवारी संध्याकाळी पंतप्रधान मोदी यांना फोन लावला. त्यांनी स्वतः सोशल मीडियावर ही माहिती दिली. झेलेन्स्की यांच्या म्हणण्यानुसार- मी पंतप्रधान मोदींकडे मदत मागितली आहे. एक लाख घुसखोरांनी आमच्या देशावर हल्ला केला आहे. घरे आणि जमिनीवर अतिक्रमण होत आहे. रहिवासी भाग जळत आहेत. या कठीण काळात तुम्ही आमची राजकीय आणि इतर मदत करा. यूएन सुरक्षा परिषदेत तुम्ही युक्रेनला पाठिंबा द्यावा अशी आमची इच्छा आहे. आपण सर्वांनी मिळून या आक्रमकाचा सामना केला पाहिजे.

दरम्यान, रशियाने दावा केला आहे की, त्यांनी युक्रेनच्या 800 लष्करी तळ नष्ट केली आहेत. यामध्ये 14 लष्करी एअरफील्ड, 19 कमांड पोस्ट, 24 S-300 विमानविरोधी क्षेपणास्त्र प्रणाली आणि 48 रडार स्टेशनचा समावेश आहे. याशिवाय युक्रेनच्या नौदलाच्या 8 बोटीही उद्ध्वस्त झाल्या.

युद्ध अतिशय धोकादायक टप्प्यावर
'न्यूयॉर्क टाईम्स'च्या अगदी ताज्या अहवालात युक्रेनच्या सागरी हद्दीत जपानी जहाजावर क्षेपणास्त्र हल्ला करण्यात आल्याचा दावा करण्यात आला आहे. जहाजाच्या एका भागाला आग लागली. हे क्षेपणास्त्र रशियन सैन्याने डागल्याचे मानले जात आहे. जहाजाचे खूप नुकसान झाले आहे. या जहाजाचे टग दुरुस्तीसाठी तुर्कीला आणले जात आहे. इकडे एपी या वृत्तसंस्थेने दावा केला आहे की, जर अमेरिका आणि नाटो थेट युद्धात सहभागी झाले तर रशियाचे अध्यक्ष व्लादिमीर पुतिन देखील अण्वस्त्रांचा वापर करू शकतात. एका अधिकाऱ्याच्या हवाल्याने हा दावा करण्यात आला आहे.

रशियन सैन्य राजधानी कीवमध्ये दाखल झाले आहेत. कीवसह अनेक महत्त्वाच्या शहरात मोठे हल्ले झाले आहेत
रशियन सैन्य राजधानी कीवमध्ये दाखल झाले आहेत. कीवसह अनेक महत्त्वाच्या शहरात मोठे हल्ले झाले आहेत

याअगोदर रशियाने आज युक्रेनची राजधानी कीवमध्ये मोठा हल्ला केला आहे. या हल्लामुळे कीव शहरातील अनेक इमारतींचे नुकसान झाले असून, यापूर्वी रशियाने मेलिटोपोल या शहरावर कब्जा केला आहे. दरम्यान युद्ध सुरू असताना युक्रेनने रशियाचे 3500 सैनिक, 02 टॅंक, 14 विमाने आणि 8 हेलिकॉप्टरांचा खात्मा केल्याचा दावा केला आहे. युक्रेनचे राष्ट्रध्यक्ष झेलेन्स्की यांना दावा केला आहे की, अमेरिका आणि ब्रिटनसह आणखी 28 देश युक्रेनची मदत करण्यास पुढे आले आहेत. हे सर्व युक्रेनला हत्यारे देणार आहेत. असे झेलेन्स्की यांनी सांगितले. युद्धाची परिस्थिती पाहता अमेरिकेने युक्रेनला रशियाविरुद्ध लढण्यासाठी 600 मिलियन डॉलरटची मदत केली आहे.

युक्रेनची राजधानी कीवमध्ये गेल्या तीन दिवसांपासून हल्ले सुरू आहेत. त्यात अनेक इमारतींचे नुकसान झाले आहे.
युक्रेनची राजधानी कीवमध्ये गेल्या तीन दिवसांपासून हल्ले सुरू आहेत. त्यात अनेक इमारतींचे नुकसान झाले आहे.
कीववरील हल्ल्यामुळे निवासी इमारतींचे नुकसान झाले. त्यानंतर लोकांना वाचवण्यात आले येत असून इमारतीतून सुरक्षित ठिकाणी नेले जात आहे.
कीववरील हल्ल्यामुळे निवासी इमारतींचे नुकसान झाले. त्यानंतर लोकांना वाचवण्यात आले येत असून इमारतीतून सुरक्षित ठिकाणी नेले जात आहे.

याआधी, संयुक्त राष्ट्र सुरक्षा परिषदेने (UNSC) रशियाविरोधात निषेधाचा ठराव मंजूर केला होता. या प्रस्तावाच्या बाजूने 11 तर विरोधात 1 मते पडली. भारत, चीन आणि यूएई या देशांनी मतदानात भाग घेतला नाही. मात्र, रशियाने व्हेटो पॉवर वापरून हा निषेध प्रस्ताव फेटाळला.

महत्त्वाचे अपडेट

  • युक्रेनवर कब्जा करण्याचा रशियाचा कोणताही इरादा नसल्याचे रशियाचे परराष्ट्र मंत्री सर्गेई लावरोव्ह यांनी म्हटले आहे. युक्रेनियन सैन्याने शस्त्रे टाकल्यास आम्ही चर्चेसाठी तयार आहोत.
  • युक्रेनने दावा केला आहे की, आम्ही रशियाच्या दोन विमानांचा पाडले आहे. या विमानात 150 रशियन पॅराट्रूपर्स होते. त्यात किती जणांचा मृत्यू झाला अन् किती जण वाचले याची माहिती अद्याप समोर आलेली नाही.
  • युक्रेनचे राष्ट्रपती जेलेंस्की यांनी सांगितले की, राजधानी कीवमध्ये रशिया हल्ला करण्याच्या तयारीत आहे. त्यामुळे रशियाविरोधात लढण्यासाठी जेलेंस्की यांनी युक्रेनच्या जनतेला आवाहन केले आहे.
  • युक्रेनमधील भारतीय दूतावासाने भारतीय नागरिकांना अधिकाऱ्यांशी बोलल्याशिवाय सीमा भागात जाण्यास मनाई केली आहे.
  • युक्रेनमध्ये प्रवास करणाऱ्या नागरिकांसाठी अमेरिकेने लेव्हल-4 चेतावणी ट्रॅव्हल अॅडव्हायझरी जारी केली आहे, ज्यामध्ये नागरिकांना संवेदनशील ठिकाणी न जाण्याचा इशारा देण्यात आला आहे.
  • ब्रिटनने पुतीन आणि त्यांचे परराष्ट्र मंत्री सर्गेई लावरोव्ह यांची सर्व संपत्ती जप्त करण्याचे आदेश दिले. कॅनडा आणि युरोपियन युनियनने रशियाला SWIFT पेमेंट सिस्टममधून बाहेर काढण्याची मागणी केली आहे.
  • फ्रान्सने युक्रेनला 300 दशलक्ष युरो मदत आणि लष्करी उपकरणे पाठवण्याची ऑफर दिली. युरोपियन युनियनने पुतीन यांची युरोपमधील सर्व संपत्ती जप्त करण्याचे ठरवले आहेत.

भारताने रशियाविरोधाच्या प्रस्तावावर मतदान केले नाही, याची तीन कारणे

1. संयुक्त राष्ट्रातील भारताचे प्रतिनिधी टीएस तिरुमूर्ती यांनी सांगितले की, हे खेदजनक आहे की मुत्सद्देगिरीचा मार्ग सोडला गेला आहे, आम्हाला त्याकडे परत यावे लागेल. या सर्व कारणांमुळे भारताने या प्रस्तावापासून दूर राहणे पसंत केले आहे.

2. पुढे तिरुमूर्ती म्हणाले की, सर्व सदस्य देशांनी संयुक्त राष्ट्रांच्या तत्त्वांचा आदर करणे आवश्यक आहे, जेणेकरून रचनात्मक पद्धतीने पुढे जावे. संवाद हा परस्पर मतभेद आणि वाद सोडवण्याचा एकमेव मार्ग आहे, या क्षणी ते कितीही कठीण वाटत असले तरी.

3. भारताने सांगितले की, युक्रेनमधील अलीकडच्या घडामोडींमुळे भारत खूप व्यथित आहे. हिंसाचार आणि शत्रुत्व लवकरात लवकर संपवण्यासाठी सर्व प्रयत्न केले पाहिजेत.

संयुक्त राष्ट्राच्या बैठकीत अमेरिका-ब्रिटन तणाव, चीनची भूमिका थंड

अमेरिका : रशियाचे राष्ट्रअध्यक्ष पुतिन यांच्यावर बंदी घालण्याबाबत अमेरिकेने चर्चा केली. तर भारतीय प्रतिनिधीने सर्व वादग्रस्त प्रश्न चर्चेने सोडवण्याचा आग्रह धरला.

ब्रिटन: ब्रिटिश प्रतिनिधीने रशियन सैन्यावर गंभीर आरोप केले. ते म्हणाले की, रशियन रणगाडे सामान्य लोकांना चिरडत आहेत.

चीन : चीननेही मतदानात भाग घेतला नाही. चीनचे स्थायी प्रतिनिधी झांग जुन म्हणाले की, आमचा विश्वास आहे की, सर्व राज्यांच्या सार्वभौमत्वाचा आणि प्रादेशिक अखंडतेचा आदर केला पाहिजे. एका देशाच्या सुरक्षेसाठी इतर देशांची सुरक्षा धोक्यात आणता येत नाही.

सकाळ होताच कीवमध्ये हल्ले

युक्रेनचे गृह मंत्रालयाने आपल्या सोशल मीडिया अकाउंटवरुन माहिती दिली आहे की, रशियासोबत युद्ध करण्यासाठी आम्ही पेट्रोल बम तयार केले आहेत. यासोबतच कीवमधील स्वयंसेवकांना 18 हजार मशीन गन देण्यात आल्या आहेत.

युद्धासाठी रशिया फादर ऑफ ऑल बॉम्ब वापरू शकतो

युक्रेनवरील रशियाचा हल्ला आतापर्यंतचा सर्वात भीषण स्वरूप धारण करू शकतो, असा इशारा पाश्चिमात्य देशांनी दिला आहे. पुतिन युक्रेनविरुद्ध 'फादर ऑफ ऑल बॉम्ब' वापरण्याच्या तयारीत आहे.

हा बॉम्ब धोकादायक का आहे

तज्ञांच्या मते, 2007 मध्ये विकसित झालेल्या या बॉम्बच्या पडझडीमुळे एक सुपरसॉनिक लाट निर्माण होते, ज्यामुळे त्याचे लक्ष्य वाफेत बदलते. त्याच्या स्फोटामुळे 44 टन TNT समतुल्य स्फोट होतो. विशेष म्हणजे ते फायटर जेटमधूनही सोडले जाऊ शकते.

बातम्या आणखी आहेत...