आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • International
  • Russia Ukraine War Situation Russia's Occupation Of Chernobyl Threatens Nuclear Radiation | Marathi News

युक्रेनवरील हल्ल्याचा चौथा दिवस:युक्रेनचा खार्किववर पुन्हा कब्जा केल्याचा दावा, म्हणाले- रशियन सैनिक पळाले; पोप फ्रान्सिस म्हणाले- युक्रेनियन लोकांची मदत करा

मॉस्को/कीव्ह5 महिन्यांपूर्वी
  • कॉपी लिंक

रशियाचा युक्रेनवर हल्ला सलग चौथ्या दिवशीही सुरूच आहे. युक्रेनने दावा केला आहे की या लढाईत आतापर्यंत सुमारे 4,300 रशियन सैनिक मारले गेले आहेत. तसेच 146 रणगाडे, 27 विमाने आणि 26 हेलिकॉप्टर नष्ट करण्यात आले आहेत.

रशिया आणि युक्रेनमध्ये चार दिवसांपासून सुरू असलेल्या युद्धात पहिल्यांदाच शांततेची आशा आहे. युक्रेनच्या मीडिया हाऊस कीव्ह इंडिपेंडंट आणि न्यूयॉर्क टाइम्सने वृत्त दिले आहे की, युक्रेन आणि रशियाचे शिष्टमंडळ आज रात्री उशिरा बेलारूस आणि युक्रेनला जोडणाऱ्या सीमेवर चर्चा करणार आहेत.

याआधी, युक्रेनचे राष्ट्राध्यक्ष आपल्या कोणत्याही सदस्याला बेलारूसला चर्चेसाठी पाठवण्यास तयार नसल्याच्या बातम्या दिवसभर येत होत्या, कारण ते युद्धात थेट रशियासोबत आहेत. मात्र, आता ही चर्चा सीमेवर होणार हे निश्चित झाले आहे. येथे पुतिन यांनी अण्वस्त्रांनी सज्ज असलेल्या युनिटला हाय अलर्टवर राहण्यास सांगितले आहे.

युक्रेनचा खार्किववर पुन्हा कब्जा केल्याचा दावा

युक्रेनच्या संरक्षण मंत्रालयाने रविवारी संध्याकाळी दावा केला की, त्यांच्या सैन्याने खार्किव शहर पुन्हा ताब्यात घेतले आहे आणि रशियन सैन्याने पळ काढला आहे. या शहराचे व्हिडिओ काही वेळात प्रसिद्ध होऊ शकतात. दुसरीकडे पोप फ्रान्सिस यांनी युक्रेनमध्ये मानवतावादी संकट निर्माण झाले आहे, त्यामुळे या देशाला तातडीने मदत करण्यात यावी, असे म्हटले आहे.

ब्रिटनचे परराष्ट्र मंत्री लिझ ट्रस यांनी म्हटले आहे की, ज्या ब्रिटीशांना युक्रेनमध्ये जाऊन तेथील लोकांसोबत रशियाविरुद्ध युद्ध करायचे आहे, ते तसे करू शकतात.
ब्रिटनचे परराष्ट्र मंत्री लिझ ट्रस यांनी म्हटले आहे की, ज्या ब्रिटीशांना युक्रेनमध्ये जाऊन तेथील लोकांसोबत रशियाविरुद्ध युद्ध करायचे आहे, ते तसे करू शकतात.

ब्रिटनची मोठी घोषणा
ब्रिटनच्या परराष्ट्र मंत्री लिझ ट्रस यांनी एक मोठी घोषणा केली आहे. लिझ म्हणाल्या- युक्रेनमध्ये जाऊन रशियाविरुद्धच्या युद्धात भाग घेऊ इच्छिणाऱ्या ब्रिटनमधील नागरिकांना आमचे सरकार मदत करेल. जर रशियाने घुसखोरी वाढवली आणि थांबवली नाही तर त्यांचे नेते आणि लष्करी जनरल यांच्यावर युद्ध गुन्ह्याखाली खटले दाखल केले जातील.

आतापर्यंत 2 लाख लोक युक्रेनमधून इतर देशांमध्ये
रविवारी दुपारी युक्रेन सोडून इतर देशांमध्ये आश्रय मिळवणाऱ्या लोकांची संख्या संयुक्त राष्ट्राने जवळजवळ दुप्पट केली. यूएनने जारी केलेल्या निवेदनात म्हटले आहे की - आम्ही रविवारी सकाळी सांगितले की आतापर्यंत 2 लाख लोक युक्रेनमधून इतर देशांमध्ये गेले आहेत. आता मिळालेल्या माहितीनुसार, युक्रेन सोडून इतर देशांमध्ये आश्रय घेतलेल्या लोकांची संख्या 3 लाख 86 हजार आहे.

इस्रायल करू शकतो मध्यस्थी
इस्रायलचे पंतप्रधान नफ्ताली बेनेट यांनी रविवारी रशियाचे अध्यक्ष व्लादिमीर पुतिन यांच्याशी चर्चा केली. यापूर्वी युक्रेनचे राष्ट्राध्यक्ष वोलोडिमिर झेलेन्स्की यांनीही बेनेट यांच्याशी चर्चा केली होती. झेलेन्स्की यांनी बेनेटला रशिया आणि युक्रेनमध्ये मध्यस्थी करण्याचे आवाहन केले. अधिकृतपणे इस्रायलने मध्यस्थीबाबत अद्याप कोणतेही विधान केलेले नाही.

उत्तर कोरियाचा अमेरिकेला टोला
रशिया आणि युक्रेनमधील युद्धादरम्यान उत्तर कोरियाने अमेरिकेला टोला लगावला आहे. उत्तर कोरियाच्या परराष्ट्र मंत्रालयाने एका निवेदनात म्हटले आहे - रशिया आणि युक्रेनमधील वादाचे खरे मूळ किंवा कारण अमेरिका आहे. तो इतर देशांच्या अंतर्गत बाबींमध्ये हस्तक्षेप करतो आणि त्याला शांततेचा प्रयत्न म्हणतो. अमेरिकेने हे समजून घेतले पाहिजे की ते दिवस गेले आहेत, जेव्हा ते सर्वात शक्तिशाली होते.

खार्किव येथील चर्चमध्ये रविवारी सकाळी लोक प्रार्थनेसाठी आले. हे शहर पुन्हा ताब्यात घेतल्याचा दावा युक्रेनियन लोकांनी केला आहे.
खार्किव येथील चर्चमध्ये रविवारी सकाळी लोक प्रार्थनेसाठी आले. हे शहर पुन्हा ताब्यात घेतल्याचा दावा युक्रेनियन लोकांनी केला आहे.

अपडेट्स

  • युक्रेनने दावा केला आहे की या लढाईत आतापर्यंत सुमारे 4,300 रशियन सैनिक मारले गेले आहेत. युक्रेनच्या सैन्याने सुमारे 146 रणगाडे, 27 विमाने आणि 26 हेलिकॉप्टरही नष्ट केले आहेत.
  • रशियाने युक्रेनमधील नोव्हा काखोव्का ताब्यात घेतले आहे.​​​
  • युक्रेनने रशिया आणि बेलारूसच्या सीमा बंद केल्या आहेत. युक्रेनचे पंतप्रधान डेनिस शमीहाल यांनी शनिवारी संध्याकाळी ही घोषणा केली.
  • फेसबुकची पॅरेण्ट कंपनी मेटाने सर्व रशियन मीडिया आऊटलेट्सना फेसबुक आणि इंस्टाग्रामवर जाहिरात करण्यावर बंदी घातली आहे.
  • व्हिडिओ स्ट्रीमिंग प्लॅटफॉर्म YouTube ने रशियन राज्य मीडिया आउटलेट RT सह अनेक चॅनेलवर बंदी घातली आहे.
  • रशियामध्ये युक्रेनवरील हल्ल्याचा निषेध करणाऱ्या 3,000 हून अधिक लोकांना ताब्यात घेण्यात आले आहे.
  • जर्मनीने युक्रेनला 1,000 रणगाडाविरोधी शस्त्रे, 500 स्टिंगर क्षेपणास्त्रे पाठवणार असल्याचे सांगितले आहे. रशियन विमानांना जर्मन हवाई हद्दीतून जाण्यास बंदी घालण्यात आली आहे.
  • उत्तर कोरियाने युक्रेन युद्धासाठी अमेरिकेला जबाबदार ठरवत म्हटले की, अमेरिका पूर्वी महासत्ता होती ते दिवस गेले.

युक्रेन युद्धातील सद्यस्थिती
रशियाच्या हल्ल्यात आतापर्यंत 198 लोकांचा मृत्यू झाल्याचा दावा युक्रेनने केला असून त्यात 33 मुलांचा समावेश आहे. याशिवाय 1,115 लोक जखमी झाले आहेत. यूएनच्या एका अधिकाऱ्याने सांगितले की, आतापर्यंत 1.50 लाखांहून अधिक युक्रेनियन निर्वासित पोलंड, मोल्दोव्हा आणि रोमानियामध्ये पोहोचले आहेत.

बातम्या आणखी आहेत...