आपल्या शहरातील ताज्या बातम्या आणि ई-पेपर मिळवा मोफत

डाउनलोड करा
  • Marathi News
  • International
  • Russia Ukraine War Situation Updates; Vladimir Putin Zelenskyy | Biden To Give Another $1 Billion To Ukraine

रशिया-युक्रेन युद्ध:​​​​​​​बायडन यांची घोषणा- युक्रेनला आणखी 1 अब्ज डॉलर्स देणार, मदत मिळण्यास विलंब झाल्याची झेलेन्स्कींची तक्रार

वॉशिंग्टन/कीव्ह15 दिवसांपूर्वी
  • कॉपी लिंक

रशियन सैन्य युक्रेनच्या पूर्व भागात वेगाने पुढे सरकत आहेत, तर युक्रेनच्या लष्कराने दक्षिण भागात पुन्हा आपली पकड मजबूत केली आहे. त्यामुळे रशियन सैन्य संतापले असून, सेवेरोडोनेत्स्क शहरातील नागरिकांना लक्ष्य करत आहे.

दरम्यान, अमेरिकेचे अध्यक्ष जो बायडेन यांनी युक्रेनला आणखी 1 अब्ज डॉलर देण्याची घोषणा केली आहे. दुसरीकडे, युक्रेनचे राष्ट्राध्यक्ष झेलेन्स्की म्हणाले की, त्यांच्या देशाला युरोप आणि नाटोकडून मिळत असलेल्या मदतीबद्दल ते कृतज्ञ आहेत. मात्र, मदतीचा वेग अतिशय संथ असून त्याला गती मिळायला हवी, असे आवाहनही त्यांनी केले आहे.

बायडेन यांची घोषणा

अमेरिकेचे राष्ट्राध्यक्ष जो बायडेन यांनी युक्रेनला अतिरिक्त 1 अब्ज डॉलर्स देण्याची घोषणा केली आहे. मात्र, ही मदत शस्त्रास्त्रे आणि लष्करी उपकरणांच्या स्वरूपात असेल. व्हाईट हाऊसने म्हटले आहे की, ते युक्रेनमधील परिस्थितीवर बारकाईने लक्ष ठेवून आहेत आणि कोणत्याही परिस्थितीत त्यांना एकटे सोडले जाणार नाही. दुसरीकडे, बायडेन म्हणाले की- युक्रेनियन सैन्य आणि तेथील लोकांनी दाखवलेले शौर्य आपल्या सर्वांसाठी एक उदाहरण आहे.

युक्रेनला 22.5 दशलक्ष डॉलर्स किमतीची औषधे, पाणी, अन्न आणि जलरोधक तंबू लवकरच पाठवले जात असल्याचेही अमेरिकेने स्पष्ट केले आहे. येत्या हिवाळा लक्षात घेऊन ही तयारी करण्यात येत आहे.

युक्रेनचे सैन्य देशाच्या दक्षिण भागात वेगाने पुढे जात आहे. राष्ट्राध्यक्ष झेलेन्स्की यांनी म्हटले आहे की, नाटोने शस्त्रास्त्रांचा पुरवठा जलद गतीने केला पाहिजे.
युक्रेनचे सैन्य देशाच्या दक्षिण भागात वेगाने पुढे जात आहे. राष्ट्राध्यक्ष झेलेन्स्की यांनी म्हटले आहे की, नाटोने शस्त्रास्त्रांचा पुरवठा जलद गतीने केला पाहिजे.

केमिकल प्लांटमध्ये लोक लपले

युक्रेनमधील सेवेरोडोनेत्स्क या पूर्वेकडील शहरात रशियन सैन्य अतिशय वेगाने पुढे जात आहे. त्याला लागून असलेले लिसिचान्स्क हेही अतिशय महत्त्वाचे शहर आहे. 'न्यूयॉर्क टाईम्स'मधील वृत्तानुसार, रशियन सैन्य ही दोन शहरे ताब्यात घेण्याच्या अगदी जवळ आहे. त्यामुळे येथे शहरी भागातही जबरदस्त हल्ले होत आहेत.

आता सामान्य लोकांनी सेव्हेरोडोनेत्स्क येथील केमिकल प्लांटमध्ये आश्रय घेतला आहे, जो एकेकाळी रशियानेच तयार केला होता. ब्रिटिश इंटेलिजन्स सर्व्हिसच्या म्हणण्यानुसार या प्लांटमध्ये हजारो लोक लपले आहेत. अमोनियासारखा विषारी वायूही या प्लांटमध्ये साठवला जातो.

मीडिया रिपोर्ट्सनुसार, सेवेरोडोनेत्स्क शहरात उपस्थित असलेले नागरिक आता येथील एका केमिकल प्लांटमध्ये आश्रय घेत आहेत. अमोनिया वायूचाही येथे साठा आहे.
मीडिया रिपोर्ट्सनुसार, सेवेरोडोनेत्स्क शहरात उपस्थित असलेले नागरिक आता येथील एका केमिकल प्लांटमध्ये आश्रय घेत आहेत. अमोनिया वायूचाही येथे साठा आहे.

झेलेन्स्कीची तक्रार योग्य

युक्रेनचे अध्यक्ष झेलेन्स्की यांनी बुधवारी सांगितले की, आपल्या देशाला नाटोकडून मिळणाऱ्या मदतीबद्दल ते कृतज्ञ आहेत. यासोबतच झेलेन्स्की यांनी असेही सांगितले की, या मदतीचा वेग खूपच कमी आहे, म्हणजेच ती वेळेवर मिळत नाही. नाटोचे सरचिटणीस जॅन स्टॉलेनबर्ग यांनीही अलीकडेच याची कबुली दिली होती. ते म्हणाले होते की- मदत देण्यात काही अडचणी आहेत. आम्ही त्यांना दुरुस्त करण्याचा प्रयत्न करत आहोत.

जेन म्हणाले की- आम्हाला माहित आहे की युक्रेन अतिशय कठीण काळातून जात आहे आणि त्याला योग्य वेळी मदतीची गरज आहे. जी-7 देशांच्या नेत्यांची बैठक लवकरच होणार आहे. आम्ही शक्य तितक्या लवकर काही त्रुटी दूर करण्याचा प्रयत्न करू.

बातम्या आणखी आहेत...